Psalms 142

Armenian Ararat 1896 (Արարատ Թարգմանություն)

1Ես իմ ձայնով դէպի Տէրն եմ աղաղակում. իմ ձայնովը Տիրոջն եմ աղաչում։

2Իմ հառաչանքը թափում եմ նորա առաջին. իմ նեղութիւնը պատմում եմ նորա առաջին։

3Երբոր հոգիս մաշվում է ինձանում, դու ճանաչում ես այն ժամանակ իմ գնացքը. այն ճանապարհումը, որ գնում եմ, որոգայթ լարեցին ինձ համար։

4Նայիր աջ կողմին եւ տես. մէկը չկայ որ ինձ ճանաչէ. ապաստանը կորաւ ինձանից. մէկը չկայ որ իմ անձի համար հոգս անէ։

5Տէր, դէպի քեզ եմ աղաղակում եւ ասում. Դու ես իմ յոյսը՝ իմ բաժինը կենդանեաց երկրումը։

6Նայիր դէպի իմ աղաղակը, որ շատ խեղճ եմ. փրկիր ինձ իմ հալածիչներիցը որ ինձանից զօրաւոր են։

7Իմ անձը հանիր բանտիցը որ գոհանամ քո անունիցը. արդարները կպատեն ինձ, երբոր ինձ բարութիւն անես։

← Chapter 141 Chapter 143 →