2 Corinthians 12

Baoule Bible 1996 (Kuo :Dele')

1Keen': mloror', 'jeh 'i 'beh-dih-eh se 'o 'on deh po 'i. Jorwor: 'on: korn 'on 'ye-eh' no 'gboror:. 'De mor: kana: naa, ti 'an 'yli-eh 'kpa-a deh 'i, deh⧾: Gwlor: baa' no-a, 'de 'on 'ye-a-: 'dekorn:: yih or: to-dih:-a 'on 'i-: me-:: korn dhih 'an mu: za: naa.

2'Klae-a' dhih 'jeh-': po-nyor: due' 'on yubo:-a, or-: Nyorsoa kpa 'de or 'bli yai': dha: dhorno'. Eh: no-eh:-': naa eh-a' zon⧾-a': bhue: 'yor: nyieh, me-: zi. 'On se-eh yubo:: eh beh or-a' nyior-tu mu 'de 'weh 'jeh ka-:: eh beh or-a': zulu: due': oo': on mu 'de-: Nyorsoa: due', or-: yubo-eh.

3'On yubo-eh' nyor-kpalu:: daa, or: kpa-eh: 'de Nyorsoa 'bli yai' 'weh.: Eh beh or-a' nyior-tu: 'o: on mu 'de-:: eh beh or-a': zulu: due': oo',: on mu 'de-: Nyorsoa: due', or-: yubo-eh.

4Or: kpa-eh: 'de Nyorsoa 'bli yai' 'weh. 'Do: wor or 'worn-dih: deh⧾: en: ne-a gban 'i,: en se-a: korn: en 'ye-a': za-eh: 'de mor: en se-a: korn: en 'ye-a' 'o: gwlor-nyor⧾ worn 'i: yi-dih:.

5'An mu 'an 'jeh 'i 'beh-dih: 'do nyor-kpalu:: daa, or-a' dhih bo. Jorwor:: mor eh 'dhu 'an 'jeh 'yor-eh-a' dhih-', 'on: se-eh': no i. Jorwor: deh on po-a 'on dhen-' dih, 'do: gwlor-nyor⧾ ybei', me-:: korn dhih 'an mu 'an 'jeh 'i 'beh-dih:.

6Jorwor:: mor eh 'dhu 'an 'bhorn 'on 'ye 'an 'jeh 'i 'beh-dih:,: yee' eh: se: bobo-deh:. Deh no-eh, dhih-a' 'yor-eh: 'o, 'an mu-': za. Jorwor: 'on: se-' 'an 'jeh 'i 'beh-dih: i. 'On: se-' 'bhorn nyor⧾ 'ye deh⧾: nee': gwluhuh' dih: na-dih:: eh: mor 'on no nyor: klaba'. Jorwor: deh⧾ on 'worn-a, 'de 'on 'worn-: 'dekorn:: yih on 'ye-a 'on, 'an no-a-: me-: on 'ye ya pobo:.

7Nyorsoa: to-dih: 'on deh⧾: kolu'⧾. Jorwor: or dbo deh: neheh' 'noror 'an yau 'zorn, eh-: gweh 'wu: an 'nyna 'on, eh 'ye-eh' no, 'de 'on: sor 'beh-dih: 'an 'jeh 'i. 'Wu: daa, on no 'ku-a' 'bhoi-yu:: or 'ye-a 'on 'worn dih 'beh-dih:, 'de: or 'ye-a 'on 'borboa' 'i po, 'on: sor 'beh-dih:-a 'an 'jeh 'i.

8'On bale:: Gwlor: baa' 'weh kpor⧾ taan, or 'ye 'on deh: daa 'de: za.

9Jorwor: or: wlu-' 'de 'on bo, or 'dae:, 'An mla: due', or-:: on: korn: on 'ye 'ye. Deh no-eh, 'an 'kpih: kmu-' 'de: on 'di, en: zi 'o ken dih,: mor: an-a' 'kpih: taa chehn.: Yee': mor eh: ne: ao', 'de 'Klae 'ye or-a' 'kpih 'on 'nyi: chio'lo:,: yee' 'an: porluh-a mu dih 'pehn-: 'gabaa, 'on 'ye 'an 'jeh 'i 'beh-dih:: ka 'an 'kpih-a chehn-a.

10:Yee' eh-: no-eh, 'de 'an: porluh 'pehn dih, 'an 'kpih-a': yeh: taa chehn, nyor⧾-a': yeh 'jle-dih: 'on, 'an: yeh: taa 'kle 'ye, nyor⧾-a': yeh 'ye-dih: 'on 'kle, deh⧾-a': yeh: yi-dih: 'on ya dih 'do 'Klae-a' dhih. Deh no-eh,: mor 'an 'kpih: taa chehn,: yee' 'Klae-a' 'kpih-a no-eh' 'de 'an kmu.

11:Yee' deh⧾: bobo-nyor⧾-a no-a, me-: 'o 'an no. Jorwor: a: mor no-eh, 'de 'an no-ih. Deh⧾ 'jeh: ne 'an no-a, a: mor: korn: or 'ye en-' dhih-': za: dee'. Keen': mloror' 'on se deh-' 'dhu-eh:, jorwor:: yuh a 'da-dih-a: Yusu'-a'a: dboo-nyor⧾: on: korn-a dhih 'beh-a' 'i,: on: zi-a 'o nyor⧾-a' klehkpeh-',: ka on no-a, on 'kpa-a deh ken, 'ka-: 'on no, 'on 'kpa deh ken 'de deh⧾-a' klehkpeh 'di.

12Nyorsoa: yi-dih: 'on-', 'de or no 'yi: to-dih-deh⧾-: nyor⧾ 'di dih 'ma-dih-deh⧾-: 'dekorn: deh⧾: kolu'⧾-: 'de a 'nyne-', ti 'an no-a 'an-a:: koan 'de: porluh-a' dih: kpon-eh 'di. Deh⧾: daa, me-:: to-dih: a 'i: ka 'on 'dhu-a: Yusu'-a'a: dboo-nyor-' deh 'jeh.

13Deh 'on no 'do 'chore-nyor:⧾: noo' 'bhun, 'on: se-' no 'do a 'bhun: eh?: Mor eh 'dhu: yeh 'on se a 'dlu: dhe,: yee' 'on: se-': mleheh' 'da.: Yee' 'do a 'bli: tehn ya, 'do: mleheh' bo.

14:Yee' 'on: ne buh⧾ ken, 'on 'ye a 'ye 'da yi, 'do kpor⧾-a' taan neh 'di: naa. 'On: se-' a 'dlu: dhe 'da yi, 'de mor 'on: se-' deh 'bhorn 'de a 'kwa. Jorwor: a-a' nyior-tu 'an 'bhorn. Deh no-eh, eh: se 'nynuu:, an-a': gban-dih: on: bai'. Jorwor:: bai', mo-:: korn: on 'ye an-a'a: 'nynuu: gban-dih:.

15Jorwor: 'mor: mloror', eh mu 'on 'mona-' dih 'yi-dih: 'on 'ye 'wlii-a' klehkpeh 'on 'ble-a plo 'do a-a' dhih bo, eh: yeh 'dhu 'an 'jeh 'yor-eh-a' 'kwla: za-eh, 'de eh 'ye a-': za-dih:. Deh 'on: ybeh-a a-uh' deh: dao', eh-: no-eh, 'de a se 'on-': ybeh deh 'jeh: e?

16A yubo-eh': ka 'on se-a a 'dlu: dhe. Jorwor: nyor⧾: noo' 'da, 'on no: bhuli'-: sih-: 'de 'on 'ye a-a': kpon 'da.

17Nyor⧾ 'on dbo-a 'de a bo, on: se-' a 'dlu dih 'vleh.

18'On bale: Talor' 'weh, or 'ye 'de a bo yi. 'De 'on: dbo-dih-or 'Klae: de-di': noror' bo. A 'bhorn a 'ye 'on: gwluhuh' zela: Talor' 'vleh a 'dlu dih: e? Eh: se: gwie:: ne-a: due',: a-a' klehkpeh,: a se kpa: e? 'De mor eh: se kplen or 'ble-a 'on se 'ble: e?

19Nyor-a': na-dih-eh': gwluhuh' dih: eh: mor: a vorn-': a 'ye: a-a' 'jeh ken: kan-dih: 'de a bo.: A za-' dhih-a' 'yor-eh: 'do Nyorsoa ybei',: ka: a: ne-a 'Klae-'.: Yee' deh⧾-a' klehkpeh: a no-a,: a 'bli-nyor⧾-a:,: a no-ih', en 'ye a-': za-dih:.

20:Yee' eh-a' dhih,: fano-a: no 'on,: mor 'on 'si 'o a bo dih, 'de deh 'on dhe-a: gwlii' a 'ye-a' no, a: sor se-eh no. 'De mor deh a dhe-a 'on: gwlii' 'on 'ye-a' no, 'on: sor se-eh no.: Fano-a: no 'on, 'on: ne-' jeh-a'-:: gwlehehn'-: 'chehn 'kpa-eh-: 'cheh 'ya 'cheh 'ya-: 'jlei:: po-eh-: nyor⧾ chehn-eh-: 'jeh 'i 'beh-dih-eh-: 'dekorn: deh⧾ ya: gba-eh-: 'ye 'noror a 'nyne-'.

21'De mor: fano-a: no 'on,: mor 'on 'si 'o a bo dih: neheh', Nyorsoa: ne-eh' no, 'de dhen: ne 'on no 'do a-a' dhih bo.: Yee' 'an: porluh-a mu 'zorn 'kpa-: 'do nyor⧾: on no-a deh⧾-zon:⧾: ne-a: due' on no-a: zai' bo, 'de: on 'see-ih-a 'kpuh ya to,: en 'dhu-a se: vlehehn'-': gweh-deh⧾-: 'tmeor:⧾: korn-eh-: 'dekorn: 'pebe' 'i 'kpa-eh-:.

← Chapter 11 Chapter 13 →