2 Corinthians 13

Baoule Bible 1996 (Kuo :Dele')

1:Yee' 'an kpor⧾-a' taan neh: wor: dhe dih 'an yi a 'ye 'da.: Yee' Nyorsoa-a' 'chlee-deh 'da,: Mor: on po nyor dhih 'dlu,: yee' nyor⧾ 'sororn', nyor⧾ taan, dhe-eh ken dih, ti or no-eh, 'de: on 'ye-or' dhih 'dlu po.

2Ti 'on yi-a 'de a bo 'do kpor⧾-a' 'sororn' neh 'di, 'on zela: a: gwluhuh' 'weh, 'dekorn: nyor⧾-a' klehkpeh-:: ka: mor nyor: or se-a deh⧾-zon:⧾: no-eh dih 'tali:, 'an mu-or 'kle 'ye-eh 'dlu: po. Jorwor:: ka 'on: tehn-a bo: naa, 'an zela a: gwluhuh': neheh'.

3Eh-: mu a 'i: to-dih:: ka 'an wlu-dih-a 'do 'Klae gor-'.: Mor or po a 'kle 'ye-eh 'dlu,: yee' eh: se or-a' 'kpih-a: chehn: deh. Jorwor: or-a' 'kpih, me-:: ne 'de a 'nyne-'.

4:Yee' ti or 'ye-a' 'o tu 'i: kor-dih-eh:,: yee' or se 'kpih 'ble. Jorwor: Nyorsoa-a' 'kpih 'nyi-or: febeh', 'de or: ne 'kmo: neheh'.: A se 'kpih ken: ne,: ka 'Klae no-a: dee'. Jorwor: 'do a-a' dhih bo,: a mu Nyorsoa-a' 'kpih 'kmo: ne-dih:,: ka 'Klae no-a: ke.

5:Yee' a pobo: 'o a-a' 'jeh-a': porluh⧾ ken, a 'ye a-a' 'jeh-a' zabe zi,: eh beh a: ne-dih: 'Klae-a' dhih 'jeh-': po-eh 'kmo-:. A yubo-eh' 'jeh ka, or: ne a-uh': e?: Mor eh 'dhu a se-or dhih 'jeh-' po,: yee' 'on: se-': mleheh' 'da.

6'On dhe-eh: gwlii' a mu-eh yubo:: ka: a 'dhu-a: Yusu'-a'a: dboo-nyor⧾ 'jeh ka, 'de: a zi-a 'de eh 'di.

7'An: dou'⧾ se 'de: ne,: mor 'on se: Yusu'-a'a: dboo-nyor: 'jeh gweh 'de a 'yli 'de. Deh: due': eh: korn-a dhih 'an wlu-a 'de Nyorsoa bo, eh-: 'dhu, a: ne-' deh-zon no. Deh: due' 'an 'bhorn-a a 'ye-a' no 'klein', eh-: 'dhu a 'ye deh: eh 'sleh-a 'i no. Eh: se: yee' 'an vorn 'on 'ye: Yusu'-a'a: dboo-nyor: 'jeh gweh: deh.

8Deh no-eh, deh: eh 'beh-dih:-a: eh 'ye-a tubo-wlu:⧾ 'jeh: daa dih: ku-dih:, eh-:: a no.: A se 'beh-dih:: a 'ye deh no: eh 'ye-ih'-a ya gba.

9:Mor eh gweh: a-a' 'kpih-a: chehn 'de nyor⧾ 'yli 'de, 'de a 'ye: kmu,: yee' 'mona-a: no: a-uh. Eh-:: korn dhih: a wlu 'de Nyorsoa bo, a 'ye 'de 'kpih po 'de 'Klae-a' deh 'di.

10:Yee' deh: korn-a dhih 'an 'chle-a 'chlee-deh:: daa 'de a bo,: dha 'on: tehn-dih:-a a bo: dueh'leh:, eh-: 'dhu, 'on: se-' 'bhorn: mor 'on 'yle, 'on 'ye 'kpih: Gwlor: baa' 'nyi-a 'on no 'do a 'dlu, 'de 'on 'ye 'i: kma 'do a ken. 'Kpih: daa, or 'nyi-a 'on, eh: se 'on 'ye a 'kor-dih:: deh. Jorwor: en 'ye-eh' no, 'de a 'ye ku.

11:Yee' 'an 'Klae: de-di'-boi'-a:, 'an kpa a wlu o. A vorn a 'ye 'yi 'sleh-nyor⧾ no. A: to 'an bale-wlu⧾: dou'⧾ bo. A 'worn-dih: a 'bei' bo: due': due'. A: ne-dih: ken dih kpon-dih-eh-a' 'kmo.: Yee' Nyorsoa: or 'ble-a: ybeh-dih-eh-: 'dekorn: wlu-' dih 'worn-eh-: or mu 'o a bo: ne.

12A kpa 'de a 'bei': bhluun'⧾-': due': due', a 'ye-uh': gble-dih: 'de: porluh⧾-a': vlehehn'-': gweh ka 'di. Nyorsoa-nyor⧾-a' klehkpeh, on 'da, mo-: 'ye a-uh.

13:Yee': Gwlor: baa': Yusu' 'Klae-a' mla-: Nyorsoa-a': ybeh-dih-eh-: 'dekorn:: dha: due': na-dih-eh:: eh or-a' Gban 'i: ne: Zulu no-a 'de: eh: ne-a 'de a 'nyne-: 'nyi en: ne 'o a-a' klehkpeh bo o.