Psalms 81

Bashkir 2023 (Изге Яҙма)

1Асафтың мәҙхиәһе. Алла илаһи йыйында тороп, Хөкөмөн әйтте илаһтар араһында:

2«Ҡасанғаса нахаҡ хөкөм ҡылырһығыҙ? Яуыздарҙы аҡлап ҡалырһығыҙ?

3Ярлы менән етемдең дәғүәһенә ғәҙел ҡарағыҙ; Мохтаж менән фәҡирҙең хаҡын бирегеҙ.

4Юҡһыл менән хәйерсене ҡотҡарығыҙ, Яуыздарҙың ҡулынан уларҙы тартып алығыҙ.

5Тик белмәйҙәр, аңламайҙар! Дөм ҡараңғыла йөрөйҙәр. Ер йөҙөнөң нигеҙҙәре ҡаҡшаған.

6Әйттем Мин: „Һеҙ илаһтарһығыҙ; Һәммәгеҙ ҙә Юғарыларҙан Юғарының улдары.

7Ләкин һеҙ кешеләр кеүек үк үләсәкһегеҙ, Берәй хаким һымаҡ юғарынан ҡоларһығыҙ“».

8Эй Алла, ҡалҡ, хөкөм ит ер йөҙөн! Һәммә халыҡтар ҙа Һинеке бит!

← Chapter 80 Chapter 82 →