Song of Solomon 4

azerbaijan-2013

1نه گؤزَلسن، سِوگئلئم، سن نه گؤزَلسن. یاشماق آرخاسیندان گؤزلرئن گؤیرچئنلر کئمی‌دئر. ساچلارین گئلعاد داغیندان اِنَن کچی سوروسو کئمی‌دئر.

2دئشلرئن تزه قیرخیلمیش قویون سوروسو کئمی‌دئر کی، یویونماقدان چیخیر. هامیسینین اِکئزلری وار، آرالاریندا بالاسیزی یوخ.

3دوداقلارین قیرمیزی قایتان کئمی‌دئر، آغزین دا نه گؤزَل! یاناقلارین یاشماق آرخاسیندا نار پارچاسی کئمی‌دئر.

4بویونون داوودون بورجونه بَنزه‌یئر کی، سئلاح اوچون تئکئلمئش؛ اوندان مئن قالخان آسلانیب، هامیسی پهلوانلار قالخانی‌دیر.

5ائکی دؤشون ائکی جیران بالاسی کئمی‌دئر، زانباقلار آراسیندا اوتلایان اِکئز جیران بالاسی.

6گون سَرئلَنجه، کؤلگه‌لر قاچانجا، مور داغینا گده‌جیم، بوخور تپه‌سئنه گده‌جیم.

7تامامن گؤزَلسن، سِوگئلئم. سنده هچ یاوا بئر شی یوخ.

8گلئنئم، منئمله لوبناندان گل! منئمله لوبناندان گل؛ آمانا تپه‌سئندن، سنئر و خَرمون تپه‌لرئندن، آصلانلارین یووالاریندان، پلنگلرئن داغلاریندان.

9اوره‌یئمی قاپیبسان باجیم، گلئنئم! گؤزلرئنئن بئر باخیشی ائله، بویونباغینین بئر جواهئری ائله اوره‌یئمی قاپیبسان.

10سنئن سِوگئن نه گؤزَلدئر باجیم، گلئنئم! سِوگئن نه قدر شرابدان خوشدور، عطئرئنئن گؤزَل ائیسی ده بوتون عطئرلردن.

11دوداقلارین بال داملادیر، گلئنئم! بال و سود دئلئنئن آلتیندادیر. پالتارلارینین رایئحه‌سی لوبنانین رایئحه‌سی کئمی‌دئر.

12منئم باجیم، منئم گلئنئم سن قاپیسی باغلی بئر باغسان، آغزی باغلی بئر بولاق، مؤهورلَنمئش بئر چشمه‌سن.

13سنئن شاخلارین نار جنّتی‌دئر، سِچئلمئش میوه‌لرله، حَنا و ناردلا،

14نارد و زعفرانلا، عطئرلی قامیش و دارچینلا، هر جور عطئر آغاجی ائله، مور و عؤد آغاجلاری ائله، بوتون خالئص اَدوئیّه‌لرله.

15سن باغلارین چِشمه‌سی‌سن، حیات ورن سولارین قویوسوسان، لوبناندان آخان سولارسان.

16اویان، ای شئمال یلی! سن ده گل، ای جنوب یلی. منئم باغیما اَس کی، اونون رایئحه‌سی هر یری بوروسون. قوی سِوگئلئم باغینا گلسئن، اونون گؤزل میوه‌لرئندن دادسین.

← Chapter 3 Chapter 5 →