Song of Solomon 5

azerbaijan-2013

1باغیما گلمئشم، باجیم، گلئنئم! مورّومو عطئرلرئمله دَرمئشم، بالیمی شان بالیملا یمئشم، شرابیمی ائچمئشم، سودومو ائچمئشم. ای دوستلار، ییئن، ائچئن، ای سِوگئلئلر، مست اولون!

2یاتمیشدیم، آمّا اوره‌یئم اویاق ائدی. اشئت! سِوگئلئم قاپینی دؤیور: قاپینی آچ، باجیم، سِوگئلئم، گؤیرچئنئم، تَک کامئلئم! چونکی باشیم شبنمله، تِل‌لرئم گجه‌نئن داملالاری ائله دولودور.

3پالتاریمی چیخارتمیشام، اونو نجه تزه‌دن گِیئم؟ آیاقلاریمی یوموشام، اونو تزه‌دن نجه باتیریم؟

4سِوگئلئم قاپینین دَلئیئندن اَلئنی اوزاتدی، قلبئم ائچئمده هیجانلاندی.

5قاپینی سِوگئلئمه آچماغا قالخدیم؛ قیفیلینین دسته‌سی اوستونه اَللرئمدن مور دامیردی، بارماقلاریمدان مور شئره‌سی.

6قاپینی سِوگئلئمه آچدیم، آمّا سِوگئلئم دؤنوب گتمئشدی. اونون گتدئیئندن اوره‌یئم اوزولدو. اونو آختاردیم، آمّا تاپمادیم، اونو چاغیردیم، آمّا جاواب ورمه‌دی.

7شهرده دولانان قوروجولار منی تاپدیلار، منی ووردولار، منی یارالادیلار. دووار قوروجولاری شالیمی اَینئمدن آلدیلار.

8ای اورشلئم قیزلاری، سئزی آند ورئرم - اگر سِوگئلئمی تاپاسینیز، اونا نه دئیه‌جکسئنئز؟ اونا دیئن کی، من سِوگی ناخوشویام.

9سنئن سِوگئلئنئن اؤزگه سِوگئلئلردن نه‌یی آرتیقدیر، ای قیزلارین لاپ گؤزَلی؟ سنئن سِوگئلئنئن اؤزگه سِوگئلئلردن نه‌یی آرتیقدیر کی، بئزی بله آند ورئرسن؟

10سِوگئلئم پارلاقدیر، قیرمیزی‌دیر. اون مئنلر ائچئندن سِچئلمئش اولان اودور.

11باشی خالئص قیزیل؛ بئربئرئنه توخونوب تِل‌لری، قارادیر قارا قارغا کئمی.

12گؤزلری سو آرخلارینین یانینداکی گؤیرچئنلر کئمی‌دئر، سود ائچئنده یویونموش، جواهئر کئمی بَزه‌نمئش.

13یاناقلاری عطئر گولوستانی، شئرئن ائیلی بئتکئلر ییغینی. دوداقلاری زانباقلاردیر، مور داملادیر.

14اَللری زومرودله بَزه‌نمئش قیزیل آغاج‌دیر. بودلاری عاجدان قایریلمیش، یاقوتلا بَزه‌نمئشدئر.

15باجاقلاری خالئص قیزیل پایاسی اوستونده مرمر سوتونلاری‌دیر. گؤرونوشو لوبنان کئمی، سئدر آغاجلاری کئمی عظمتلی‌دئر.

16آغزی چوخ شئرئن، هر شیی گؤزَل. ای اورشلئم قیزلاری، بودور منئم سِوگئلئم، منئم دوستوم.

← Chapter 4 Chapter 6 →