Song of Solomon 3

azerbaijan-2013

1بوتون گجه یاتاغیمدا اونو، جانیمین سِودئیئنی آختاردیم، آختاردیم، لاکئن اونو تاپا بئلمه‌دئم.

2ائندی قالخیب شهری دولاناجاغام، کوچه‌لرئنی، میدانلارینی. جانیمین سِودئیئنی آختاراجاغام. آختاردیم، لاکئن اونو تاپا بئلمه‌دئم.

3شهرده دولانان قوروجولار منی تاپدیلار. ددئم: «اونو، جانیمین سِودئیئنی، گؤروبسونوز؟»

4اونلاردان آیریلدیغیم زامان، اونو، جانیمین سِودئیئنی تاپدیم. اونو توتدوم و بوراخمادیم، اِله کی، اونو آنامین اِوئنه، منه حامئله اولدوغو اوتاغا گتئردئم.

5ای اورشلئم قیزلاری، سئزی جیرانلارا، چؤلون ماراللارینا آند ورئرم، اؤزو موشتاق اولمایانا قدر، سِوگئنی دئندئرمه‌یئن، اویاندیرمایین.

6صحرادان گلن بو کئمدئر؟ توستو سوتونو کئمی، مور و بوخورلا عطئرلَنمئش، عطّارین بوتون عطئرلری ائله.

7باخ، او سولیمانین تخت-روانی‌دیر، ائسرایئلئن ائگئدلرئندن آلتمیش ائگئد اونون اطرافیندادیر.

8اونلارین هامیسی قیلینج داشییان، موحارئبه‌ده اوستا، هر بئرئنئن بِلئنده قیلینج، گجه‌نئن قورخولارینا حاضیرلانمیش.

9سولیمان پادشاه، لوبنانین آغاجلاریندان اؤزونه تَخت-رَوان دوزَ‌لدئب.

10سوتونلارینی گوموشدن، پایاسینی قیزیلدان، اوتوراجاق یِرئنی ارغوان قوماشدان، اونون ائچئنی اورشلئم قیزلاری سِوگی ائله دؤشه‌یئبلر.

11ای صَحیون قیزلاری، چیخین. سولیمان پادشاهی تاجی ائله گؤرون. او تاج کی، اونون توی گونونده، اوره‌یئنئن شادلیغی گونونده، آناسی اونون باشینا قویموشدور.

← Chapter 2 Chapter 4 →