Psalms 144

azerbaijan-2013

1قایام اولان رب موبارک اولسون، او کی، اللرئمی جنگه، بارماقلاریمی موحارئبه‌یه اؤیرَ‌دئر؛

2وفالی دوستوم و قالام، اوجا بورجوم و منئم قورتاریجیم، قالخانیم و اونا پناه آپاردیغیم اودور، او کی، خالقیمی مندن ائطاعت اتمه‌یه چکئر.

3یارب، ائنسان نه‌دئر کی، اونو تانییاسان؟ ائنسان اؤولادی نه‌دئر کی، اونون قیدئنه قالاسان؟

4ائنسان بئر نفس کئمی‌دئر، گونلری کچئب گدن بئر کؤلگه کئمی‌دئر.

5یارب، گؤیلرئنی یار و آشاغی اِن؛ داغلارا دَی کی، توستولنسئن.

6شئمشک چاخدیر و دوشمنلری داغیت، اوخلارینی آت و اونلاری پرئشان ات.

7الئنی یوخاریدان اوزات؛ منی بؤیوک سولاردان، اجنبی الئندن قورتار و آزاد ات،

8اونلارین آغیزلاری بوش سؤزلر دانیشیر، صاغ ال‌لری یالانین صاغ الی‌دئر.

9سنه تزه بئر نغمه اوخویاجاغام، ای تاری، اون سئملی چنگله سنه پرستئش نغمه‌سی اوخویاجاغام،

10سنه کی، پادشاهلارا ظفر ورئرسن، قولون داوودو اؤلوملو قیلینجدان قورتاریرسان.

11منی قورتار و منی اجنبئلر الئندن آزاد ات. اونلارین آغیزلاری بوش سؤزلر دانیشیر، صاغ ال‌لری یالانین صاغ الی‌دئر.

12او زامان، اوغوللاریمیز جاوانلیغیندا بؤیوموش آغاجلار کئمی اولارلار. قیزلاریمیز سارایین یونولموش سوتونلاری کئمی اولارلار.

13آنبارلاریمیز دولوب، اونلاردان جوربه‌جور محصول چیخسین. قویونلاریمیز زمئلرئمئزده مئنلر و اون مئنلرله چوخالسین.

14ماللاریمیز بالالارلا آغیرلانسین. نه دوواریمیز چاتلاسین، نه ده اسئرلئیه گده‌نئمئز اولسون. کوچه‌لرئمئزده شئون سسی اولماسین.

15بله اولان خالقین خوش حالینا؛ خوش او خالقین حالینا کی، اونلارین تاریسی ربدئر.

← Chapter 143 Chapter 145 →