Psalms 143

azerbaijan-2013

1یارب، دوعامی اشئت، یالواریشلاریما قولاق ور! وفادارلیغیندا، صالحلئیئنده منه جاواب ور.

2قولونلا موحاکئمه‌یه گئرمه، چونکی یاشایانلاردان هچ بئری سنئن نظرئنده صالح دیئل.

3دوشمن جانیما عذاب ورئب؛ حیاتیمی یره چیرپیب؛ چوخدان اؤلموش آداملار کئمی، منی قارانلیقدا ساکئن ادئب.

4اونا گؤره ده روحوم ائچئمده حالدان گدئب، اوره‌یئم ائچئمده پرئشاندیر.

5قدئم گونلری خاطیرلاییرام؛ سنئن بوتون ائشلرئن اوستونده درئن دوشونورم؛ اللرئنئن ائشی اوستونده فئکئرله‌شئرم.

6اللرئمی سنه طرف اوزادیرام؛ جانیم سوسوز بئر یر کئمی سنه حسرت چکئر. سِلا

7منه تز جاواب ور، یارب؛ روحوم قووّتدن دوشور. اوزونو مندن گئزلتمه، یوخسا قبئره اِنَنلر کئمی اولارام.

8محبّتئنی سحر واختی منه اشئتدئر، چونکی سنه توکّول ادئرم: گده‌جیئم یولو منه بئلدئر، چونکی جانیمی سنه قالدیریرام.

9دوشمنلرئمدن منی قورتار، یارب؛ سنه پناه گتئرئرم.

10منه اؤیرت کی، سنئن ائسته‌یئنی یرئنه یتئرئم، چونکی تاریم سنسن؛ سنئن یاخشی روحون دوز یولدا منی هئدایت اتسئن.

11آدینین خاطئرئنه، یارب، منی دئرئلت! صالحلئیئنئن خاطئرئنه جانیمی دارلیقدان قورتار.

12محبّتئنده خصملرئمی قیر، بوتون جان دوشمنلرئمی محو ات، چونکی من سنئن قولونام.

← Chapter 142 Chapter 144 →