Psalms 145

azerbaijan-2013

1سنی اوجالتاجاغام، ای تاریم، ای پادشاه، سنئن آدینا ابددن ابده‌جک حمد اوخویاجاغام.

2هرگون سنه حمد اوخویاجاغام، سنئن آدینا ابددن ابده‌جک حمد اده‌جیم.

3رب بؤیوکدور، بؤیوک حمدلره لایئقدئر، اونون عظمتئنه عاغیل قد ورمز.

4نسئلدن-نسئله سنئن ائشلرئن تعرئفلنه‌جک، سنئن قودرتلی عمللرئنی اعلان اده‌جک.

5جلالینین عئزّتلی شؤوکتی باره‌ده، سنئن عجایئب ائشلرئن حاقّیندا درئن دوشونه‌جیم.

6ائنسانلار سنئن هیبتلی ائشلرئنئن قودرتئندن دانیشاجاقلار، من ده سنئن عظمتئنی اعلان اده‌جیم.

7اونلار سنئن یاخشیلیغینین خاطئره‌سئنی اعلان اده‌جکلر، صالحلئیئنی شادلیقلا اوخویاجاقلار.

8رب مرحمتلی و مهرئباندیر، چوخ صبئرلی‌دئر و محبّتی بؤیوکدور.

9رب هامییا یاخشی‌دیر، مهرئبانلیغی دا بوتون ائشلری اوستونده‌دئر.

10یارب، بوتون ائشلرئن سنه حمد اده‌جک، موتّقئلرئن سنه حمد اوخویاجاقلار.

11پادشاهلیغینین شؤوکتئندن دئیه‌جکلر، سنئن قودرتئندن دانیشاجاقلار کی،

12ائنسان اؤولادلارینا اونون قودرتلی عمل‌لرئنی، پادشاهلیغینین شؤوکتلی جلالینی بئلدئرسئنلر.

13سنئن پادشاهلیغین ابدی پادشاهلیقدیر، سلطنتئن نسئل‌به‌نسئل سورور. رب وردئیی بوتون وعده‌لرئنی توتار، بوتون عمل‌لرئنده صادئقدئر.

14رب بوتون دوشَنلره دایاق اولور، بوتون اَیئلمئش اولانلاری قالدیریر.

15هامینین گؤزو سنی گؤزله‌یئر، سن اونلارین یمه‌یئنی واختیندا ورئرسن.

16الئنی آچیرسان، هر یاشایانی ائسته‌یئنه گؤره دویورورسان.

17رب بوتون یوللاریندا صالحدئر، بوتون ائشلرئنده مهرئبان.

18رب اونو چاغیرانلارین هامیسینا، اونو حقئقتله چاغیران هرکسه یاخیندیر.

19اوندان قورخانلارین آرزولارینی اونلارا وره‌جک اونلارین فریادینی دا اشئدئب اونلارا نئجات وره‌جکدئر.

20رب اونو سِوَنلرئن هامیسینی حئفظ ادئر، لاکئن بوتون پئس آداملاری هلاک اده‌جک.

21آغزیم ربّئن حمدئنی دانیشاجاق، بوتون مؤوجودلار ابددن ابده‌جک اونون موقدّس آدینا حمد اوخویاجاقلار.

← Chapter 144 Chapter 146 →