Judges 12

azerbaijan-2013

1اِفرایئملی‌لر ییغیلیب صافونا گتدئلر و یئفتاخا ددئلر: «سن نئیه عَمّون اؤولادلاری ائله دؤیوشه چیخدین، لاکئن بئزی اؤزونله گتمه‌یه چاغیرمادین؟ بونا گؤره بئز سنئن اِوئنی سنئن باشینا یاندیراجاغیق.»

2یئفتاخ اونلارا ددی: «من و خالقیم عَمّون اؤولادلاری ائله آغیر دؤیوشده اولان واخت سئزی کؤمَیه چاغیردیم، لاکئن سئز گلئب منی اونلارین اَلئندن قورتارمادینیز.

3من ده گؤردوم کی، سئز منی قورتارمیرسینیز، حیاتیمی خطره سالیب عَمّون اؤولادلاری ائله دؤیوشمَک اوچون او تایا کچدئم. و رب اونلاری منه تسلئم اتدی. نه اوچون بو گون منئمله داعوایا چیخیبسینیز؟»

4سونرا یئفتاخ بوتون گئلعادلی‌لاری ییغیب اِفرایئملی‌لرله دؤیوشدو و گئلعادلی‌لار اِفرایئملی‌لره شئکست وردئلر، چونکی اِفرایئملی‌لر بله دِمئشدئلر: «ای اِفرایئمله مِنَسّه آراسیندا یاشایان گئلعادلی‌لار، سئز اِفرایئمدن قاچان فَرارئلرسئنئز!»

5گئلعادلی‌لار اِفرایئمئن موقابئلئنده‌کی اوردون چایینین کچئدلرئنی توتدولار. اگر قاچیب قورتولماق ائسته‌یَن اِفرایئملی‌لردن بئری گلئب «قوی چایی کچئم» دِسَیدی، گئلعادلی‌لار اوندان سوروشاردیلار: «آیا اِفرایئملی‌سن؟» اگر او «خیر» دِسَیدی،

6او زامان اونا دئیَردئلر: «بئر ”شئبّولِت“ دِه گؤرک» او دا کلمه‌نی دوغرو دئیه بئلمه‌یئب «سئبّولِت» دئیردی. او واخت گئلعادلی‌لار اونو توتوب اوردون چایینین کچئدلرئنده اؤلدورَردئلر. او واخت اِفرایئملی‌لردن قیرخ ائکی مئن نفر قیریلدی.

7یئفتاخ آلتی ائل ائسرایئلده داورلئک اتدی. سونرا گئلعادلی یئفتاخ اؤلدو و گئلعادین بئر شهرئنده دفن اولوندو.

8اوندان سونرا بیت‌لِحِملی ائبصان ائسرایئلده داورلئک اتدی.

9اونون اوتوز اوغلو و اوتوز قیزی وار ائدی. قیزلارینی آیری طایفالارا اَره ورمئش، اوغوللارینا دا آیری طایفالاردان اوتوز گلئن گتئرمئشدی. ائبصان ائسرایئلده یدّی ائل داورلئک اتدی.

10سونرا ائبصان اؤلدو و بیت‌لِحِمده دفن اولوندو.

11اوندان سونرا زِبولونلو ائلون اون ائل ائسرایئلده داورلئک اتدی.

12زِبولونلو ائلون دا اؤلدو و زِبولون تورپاغیندا، اَیّالوندا دفن اولوندو.

13اوندان سونرا پئرعاتونلو خئلّل اوغلو عَبدون ائسرایئلده داورلئک اتدی.

14اونون قیرخ اوغلو و اوتوز نوه‌سی وار ائدی کی، یتمئش اِششه‌یه مئنَردئلر؛ او، سکّئز ائل ائسرایئلده داورلئک اتدی.

15پئرعاتونلو خئلّل اوغلو عَبدون دا اؤلدو و عَمالِقلی‌لرئن داغلیق بؤلگه‌سئنده‌کی اِفرایئم تورپاغیندا، پئرعاتوندا دفن اولوندو.

← Chapter 11 Chapter 13 →