Joshua 23

azerbaijan-2013

1رب ائسرایئللی‌لره هر طرفدن دوشمنلرئندن دئنجلئک ورندن سونرا، اوزون مودّت کچدی. آرتیق یوشَع قوجالیب یاشی چوخالمیشدی.

2او بوتون ائسرایئلی، آغساقّاللاری، باشچیلاری، حاکئملری و سرکرده‌لری چاغیردی و اونلارا ددی: «من قوجالمیشام، یاشیم چوخدور.

3تارینیز ربّئن سئزئن حاقّینیزدا بوتون بو مئلّتلره نه اتدئیئنی گؤردونوز، چونکی تارینیز رب اؤزو سئزئن اوچون دؤیوشدو.

4باخ، اوردون چاییندان گونشئن باتدیغی طرفه، بؤیوک دهنزه قدر قیردیغیم بوتون مئلّتلرئن تورپاقلاری ائله برابر قالان بو مئلّتلرئن ده تورپاقلارینی قبئله‌لرئنئز اوچون ائرث پایلادیم.

5تارینیز رب اؤزو اونلاری قاباغینیزدان سئلئب آتاجاق و اونلاری گؤزونوزون قاباغیندان قوواجاق. و سئز اونلارین تورپاغینا مالئک اولاجاقسینیز، نجه کی، تارینیز رب سئزه وعده ورئب.

6اونا گؤره ده چوخ دئقّتلی اولون کی، موسانین شرئعت کئتابیندا یازیلان هر شیی ساخلایاسینیز. اله کی، اوندان نه صاغا، نه ده سولا دؤنه‌سئنئز.

7سئزئنله قالان بو مئلّتلره قاریشمایین، آللاهلارینین آدینی چکمه‌یئن، اونلارا آند ائچمه‌یئن، اونلارا قوللوق اتمه‌یئن، اونلارا سجده قیلمایین.

8فقط بو گونه قدر اتدئیئنئز کئمی ربّه باغلی قالین.

9چونکی رب قاباغینیزدان بؤیوک و قووّتلی مئلّتلری قوووب؛ بو گونه قدر سئزئن قاباغینیزدا هچ کئم دورا بئلمه‌یئب.

10سئزدن بئر آدام مئن آدامی قووا بئلدی، چونکی تارینیز رب سئزه ددئیی کئمی سئزئن اوچون اؤزو دؤیوشدو.

11بونون اوچون دئقّت ادئن کی، تارینیز ربّی سِوه‌سئنئز.

12اگر گری دؤنه‌سئنئز، سئزئن آرانیزدا یاشایان بو مئلّتلردن قالانلارا باغلاناسینیز، اونلارلا قوحوم اولاسینیز، اونلارلا اوتوروب دوراسینیز،

13یَقئن بئلئن کی، تارینیز رب بو مئلّتلری گؤزونوز قاباغیندان بئر داها قوومایاجاق. تارینیز ربّئن وردئیی بو نعمتلی تورپاق اوستوندن یوخ اولانا قدر، اونلار سئزئن اوچون کمند، تله، بؤیورلرئنئزه قامچی و گؤزلرئنئزه تئکان اولاجاقلار.

14باخ، بو گون من ده هامی کئمی دونیادان کؤچه‌جیم. بوتون قلبئنئزله، بوتون جانینیزلا بئلئرسئنئز کی، تارینیز ربّئن حاقّینیزدا ددئیی بوتون یاخشی شیلردن هچ بئری بوشا چیخمادی. هامیسی سئزئن اوچون یرئنه یتئشدی. اونون سؤزلرئندن هچ بئری بوشا چیخمادی.

15تارینیز ربّئن سئزه وعده وردئیی بوتون نعمتلی شیلر نجه یرئنه یتئشدی، بوتون پئس شیلری ده رب بله‌جه سئزئن باشینیزا گتئره‌جک، او زاماناجاق کی، وردئیی بو یاخشی تورپاق اوستوندن سئزی هلاک اتسئن.

16اگر تارینیز ربّئن سئزه بویوردوغو عهدی پوزاسینیز، گدئب آیری آللاهلارا قوللوق اده‌سئنئز، اونلارا سجده اده‌سئنئز، ربّئن قضبی سئزئن ضئدّئنئزه آلوولاناجاق و سئزه وردئیی نعمتلی تورپاق اوستوندن تزلئکله یوخ اولاجاقسینیز.»

← Chapter 22 Chapter 24 →