Joshua 22

azerbaijan-2013

1او زامان یوشَع رِعوبئنلی‌لری، جادلی‌لاری، مِنَسّه قبئله‌سئنئن یاریسینی چاغیریب،

2اونلارا ددی: «سئز ربّئن قولو موسانین امر اتدئیی هر شیه عمل اتدئنئز و منئم سئزه امر اتدئیئم هر شیده سؤزومه قولاق آسدینیز.

3بو گونه قدر کچن اوزون مودّتده هموطنلرئنئزی ترک اتمه‌دئنئز و تارینیز ربّئن سئزه بویوردوغو ائشلره عمل اتدئنئز.

4اونا گؤره ده تارینیز رب هموطنلرئنئزه وعده وردئیی کئمی دئنجلئک ورئب. ائندی دؤنون و چادیرلارینیزا، ربّئن قولو موسانین اوردون چایینین او طرفئنده سئزه مولک وردئیی تورپاغا قاییدین.

5آنجاق دئقّت ادئن کی، ربّئن قولو موسانین سئزه بویوردوغو امره و قانونا عمل اده‌سئنئز. تارینیز ربّی سِوه‌سئنئز، تارینین بوتون یوللاری ائله گده‌سئنئز و امرلرئنی یرئنه یتئره‌سئنئز، اونا باغلی قالاسینیز و بوتون قَلبئنئزله، بوتون جانینیزلا اونا قوللوق اده‌سئنئز.»

6بله‌جه یوشَع اونلارا برکت ورئب اونلاری یولا سالدی و اونلار چادیرلارینا قاییتدیلار.

7موسا باشاندا مِنَسّه قبئله‌سئنئن یاریسینا ائرث تورپاغی ورمئشدی. لاکئن یوشَع بو قبئله‌نئن او بئری یاریسینا، اوردون چایینین قرب طرفئنده، هموطنلری آراسیندا ائرث تورپاغی وردی. یوشَع اونلاری چادیرلارینا گؤندَ‌رَن زامان اونلارا برکت وردی.

8اونلارا بله ددی: «ائندی اؤز چادیرلارینیزا چوخلو وار دؤولتله و چوخلو حیوان، قیزیل-گوموش، بورونج، دمئر و چوخلو پالتارلا قاییدین. دوشمنلرئنئزدن تالان اتدئیئنئز بو مالی هموطنلرئنئزله پایلاشین.»

9رِعوبئن اؤولادلاری، جاد اؤولادلاری، مِنَسّه قبئله‌سئنئن یاریسی کَنَعان تورپاغینداکی شئلودان، ائسرایئل اؤولادلارینین یانیندان قاییتدیلار. اونلار ربّئن امرئنه گؤره موسا واسئطه‌سی‌ائله صاحئب اولدوقلاری گئلعاد تورپاغینا یعنی اونلارا مولک ورئلن تورپاغا یولا دوشدولر.

10اونلار کَنَعان تورپاغیندا اولان گِلئلوتا چاتدیلار کی، اوردون چایینین یانیندا ائدی. اورادا، اوردون چایینین یانیندا، رِعوبئن اؤولادلاری، جاد اؤولادلاری و مِنَسّه قبئله‌سئنئن یاریسی مؤحتشم گؤرونوشلو بئر قوربانگاه دوزَلتدئلر.

11ائسرایئل اؤولادلاری بونون خبرئنی اشئتدئلر: «باخ، رِعوبئن اؤولادلاری، جاد اؤولادلاری و مِنَسّه قبئله‌سئنئن یاریسی کَنَعان تورپاغینین سرحدئنده، اوردون چایینین یانینداکی گِلئلوتدا، ائسرایئل اؤولادلارینا عایید اولان طرفده بئر قوربانگاه قوروبلار.»

12ائسرایئل اؤولادلاری بونو اشئدن واخت، بوتون ائسرایئل اؤولادلارینین ائجماعسینی شئلوها چاغیردیلار کی، اونلارین ضئدّئنه دؤیوشه چیخسینلار.

13ائسرایئل اؤولادلاری گئلعاد تورپاغینا، رِعوبئن اؤولادلارینین، جاد اؤولادلارینین و مِنَسّه قبئله‌سئنئن یاریسینین یانینا کاهئن اِلعازار اوغلو پئنِخاسی،

14اونونلا بئرلئکده اون رهبر ده گؤندَردئلر کی، هر بئری بئر قبئله‌نئن باشچیسی ائدی. اونلارین هر بئری ائسرایئل طایفالاری آراسیندا نسئل باشچیلاری ائدئلر.

15اونلار گئلعاد تورپاغینا، رِعوبئن اؤولادلارینین، جاد اؤولادلارینین و مِنَسّه قبئله‌سئنئن یاریسینین یانینا گلئب اونلارا بله ددئلر:

16«ربّئن جاماعاتی هامیلیقلا بله دیئر: ”بو خیانت عملی نه‌دئر کی، سئز ائسرایئلئن تاریسینین ضئدّئنه ادئبسئنئز؟ نئیه بو گون اونون یولوندان اوز دؤندَ‌رئبسئنئز و اؤزونوز اوچون باشقا قوربانگاه دوزَلتمکله ربّئن ضئدّئنه عوصیان ادئبسئنئز؟

17مگر پِعور تقصئری بئزه بس دیئل کی، اوندان حله بو گونه کئمی تمئزلَنمه‌مئشئک، گرچی اونون اوزوندن ربّئن جاماعاتی اوستونه بلا دا گلدی؟

18بو گون ربّئن یولوندان دؤنورسونوز؟ اگر سئز بو گون ربّئن ضئدّئنه قالخاسینیز، او دا صاباح بوتون ائسرایئل جاماعاتینا قضبلَنه‌جک.

19اگر صاحئب اولدوغونوز تورپاق نجئسدئر، ربّئن خیمه‌سئنئن یِرلَشدئیی یره، ربّئن مولکو اولان تورپاغا کچئن. قوی تورپاق پایینیز بئزئم آرامیزدا اولسون. تاریمیز ربّئن قوربانگاهیندان باشقا اؤزونوزه قوربانگاه قورماقلا ربّئن و بئزئم ضئدّئمئزه چیخمایین.

20مگر زِرَخ اوغلو آکان حارام اولان شیلردن گؤتورمکله خیانت اتمه‌دی؟ مگر اونا گؤره بوتون ائسرایئل جاماعاتی اوستونه قضب گلمه‌دی؟ بو گوناهدان اؤتری او آدام تک اؤزو محو اولمادی.“»

21رِعوبئن اؤولادلاری، جاد اؤولادلاری، مِنَسّه قبئله‌سئنئن یاریسی ائسرایئل طایفالارینین باشچیلارینا جاواب وردئلر:

22«قادئر تاری رب! قادئر تاری رب! او بئلئر، قوی ائسرایئل اؤزو ده بئلسئن. اگر بو ائشئمئز عوصیان اوزوندندئر، و یا اگر ربّئن ضئدّئنه خیانت عملی ادئرئک، قوی بو گونوموز آخیرا گلمه‌سئن!

23اگر بو قوربانگاهی قورموشوق کی، ربّئن یولوندان دؤنک و اوستونده یاندیرما قوربانلاری، تاخیل تقدئملری، باریش قوربانلاری تقدئم ادک، قوی رب اؤزو بونون جاوابینی بئزدن ائسته‌سئن.

24حقئقتن ده بونو بو مقصدله اتدئک کی، صاباح سئزئن اؤولادلارینیز اؤولادلاریمیزا دِمه‌سئنلر: ”ائسرایئلئن تاریسی ربدن سئزه نه؟

25ای رِعوبئن اؤولادلاری، ای جاد اؤولادلاری! رب سئزئنله بئزئم آرامیزدا اوردون چایینی سرحد قویوب. ربده سئزئن پایینیز یوخدور.“ و بله‌جه سئزئن اؤولادلارینیز بئزئم اؤولادلاریمیزی رب قورخوسوندان دؤندره بئلرلر.

26اونا گؤره بله ددئک: ”گلئن اؤزوموزه بئر قوربانگاه دوزَ‌لدَک. بو قوربانگاه یاندیرما قوربانی و آیری قوربانلار اوچون دیئل،

27بئزئمله سئزئن آرانیزدا و سونراکی نسئل‌لرئمئز آراسیندا شاهئد اولماق اوچوندور. تا کی بئز ده یاندیرما قوربانلاریمیزلا، آیری قوربانلاریمیزلا و باریش قوربانلاریمیزلا ربّئن حوضوروندا اونا خئدمت ادک. صاباح سئزئن اؤولادلارینیز دا بئزئم اؤولادلاریمیزا دمه‌سئنلر کی، ربده سئزئن پایینیز یوخدور.“

28بئز ددئک: ”صاباح بئزه و یا نسئل‌لرئمئزه بله دسه‌لر، بئز ده بله جاواب وره‌رئک کی، آتالاریمیزین قوردوغو ربّئن قوربانگاهینین صورتئنه باخین. بو یاندیرما قوربانلاری و آیری قوربانلار اوچون دیئل، فقط سئزئنله بئزئم آرامیزدا شاهئد اولماق اوچوندور.“

29قوی بئزدن ائراق اولسون کی، ربّئن ضئدّئنه چیخاق، بو گون ربّئن یولوندان دؤنک، یاندیرما قوربانی، تاخیل تقدئملری، آیری قوربانلار اوچون تاریمیز ربّئن خیمه‌سی قاباغیندا اولان اؤز قوربانگاهیندان آیری قوربانگاه دوزَ‌لدَک.»

30کاهئن پئنِخاس، اونونلا بئرلئکده اولان جاماعات رهبرلری، یعنی ائسرایئل طایفالارینین باشچیلاری رِعوبئن اؤولادلارینین، جاد اؤولادلارینین و مِنَسّه اؤولادلارینین ددئکلرئنی اشئدنده بو سؤزلری بَیَندئلر.

31کاهئن اِلعازار اوغلو پئنِخاس رِعوبئن اؤولادلارینا، جاد اؤولادلارینا و مِنَسّه اؤولادلارینا ددی: «بو گون بئلدئک کی، رب آرامیزدادیر، چونکی اونون ضئدّئنه بو خیانتی اتمه‌دئنئز؛ ائندی ائسرایئل اؤولادلارینی ربّئن اَلئندن قورتاردینیز.»

32کاهئن اِلعازار اوغلو پئنِخاس و رهبرلر رِعوبئن اؤولادلاری و جاد اؤولادلارینین یانیندان، گئلعاد تورپاغیندان کَنَعان تورپاغینا ائسرایئل اؤولادلارینین یانینا قاییدیب اونلارا خبر گتئردئلر.

33بو ائشی ائسرایئل اؤولادلاری دا بَیَندئلر. اونلار تارییا شوکور اتدئلر و رِعوبئن اؤولادلارینین، جاد اؤولادلارینین ضئدّئنه موحارئبه اتمک فئکرئندن و اونلارین یاشادیقلاری اؤلکه‌نی وئران اتمک فئکرئندن دؤندولر.

34رِعوبئن اؤولادلاری و جاد اؤولادلاری قوربانگاهین آدینی «شاهئد» قویدولار. چونکی اونلار ددئلر: «بو قوربانگاه بئزئم آرامیزدا شاهئددئر کی، رب تاریدیر.»

← Chapter 21 Chapter 23 →