Joshua 24

azerbaijan-2013

1یوشَع ائسرایئلئن بوتون قبئله‌لرئنی شِکِمه ییغدی و ائسرایئلئن آغساقّال‌لارینی، باشچیلارینی، حاکئملرئنی و سرکرده‌لرئنی چاغیردی. اونلار تارینین حوضوروندا دوردولار.

2یوشَع بوتون خالقا ددی: «ائسرایئلئن تاریسی رب بله دیئر: ”آتالارینیز یعنی ائبراهئم و ناخورون آتاسی تِرَخ، کچمئشدن چایین او بئری تاییندا یاشاییردیلار و باشقا آللاهلارا قوللوق ادئردئلر.

3آتانیز ائبراهئمی چایین او بئری تاییندان گؤتوروب، بوتون کَنَعان تورپاغیندا گَزدئردئم و نسلئنی چوخالدیب اونا ائسحاقی وردئم.

4ائسحاقا یعقوب و عئسونو وردئم. عئسویا سِعئر داغینی وردئم کی، اونا مالئک اولسون؛ لاکئن یعقوبلا اؤولادلاری مئصئره گتدئلر.

5سونرا موسا و هارونو گؤندَ‌رئب، اورادا اتدئکلرئمله مئصئری بلالارا دوچار اتدئم و سونراسی سئزی اورادان چیخارتدیم.

6آتالارینیزی مئصئردن چیخارتدیم و سئز دهنزه طرف گلدئنئز. مئصئرلی‌لر دؤیوش عارابالار و آتلی‌لارلا، آتالارینیزی قیرمیزی دهنزه قدر تعقئب اتدئلر.

7لاکئن آتالارینیز ربّه فریاد ادنده او، مئصئرلی‌لرله سئزئن آرانیزدا قارانلیق یاراتدی، اونلارین اوستونه دهنزی گتئردی و اونلار سولارین آلتیندا قالدیلار؛ مئصئرده اتدئیئم شیلری گؤزونوزله گؤردونوز و اوزون مودّت صحرادا یاشادینیز.

8سونرا سئزی اوردون چایینین شرق طرفئنده یاشایان اِمورلولار تورپاغینا گتئردئم، اونلار سئزئنله ووروشدولار؛ اونلاری سئزه تسلئم اتدئم، اونلاری قاباغینیزدان یوخ اتدئیئم زامان، سئز اونلارین تورپاقلارینا مالئک اولدونوز.

9موآب پادشاهی صئپّور اوغلو بالاق قالخیب، ائسرایئللی‌لرله ووروشدو و خبر گؤندَ‌رئب بِعور اوغلو بَلعامی چاغیردی کی، سئزه لعنت اتسئن.

10لاکئن بَلعامی اشئتمک ائستمه‌دئم. بله‌جه مجبور قالدی کی، سئزه برکت ورسئن و سئزی اونون الئندن قورتاردیم.

11اوردون چاییندان کچئب اَرئحایا گلدئنئز. اَرئحا اهالئسی، اِمورلولار، پِرئزلئلر، کَنَعانلی‌لار، خئتلی‌لر، گئرگاشلی‌لار، خئولی‌لر، یِبوسلولار سئزئن ضئدّئنئزه ووروشدولار، لاکئن اونلاری سئزه تسلئم اتدئم.

12سئزئن قاباغینیزجا اِششَک‌چئبئنی چیخاردیب اونونلا اِمورلولارین ائکی پادشاهینی قاباغینیزدان قوودوم. بو ائش سئزئن قیلینجینیزلا و اوخ-کامانینیزلا اولمادی.

13اوستونده ائشلَمه‌دئیئنئز بئر تورپاغی، تئکمه‌دئیئنئز شهرلری سئزه وردئم کی، اورادا یاشایاسینیز؛ سالمادیغینیز باغلاردان و زیتونلوقلاردان یِیئرسئنئز.“

14اونا گؤره ده ائندی رَبدن قورخون، صداقت و حقئقتله اونا قوللوق ادئن؛ چایین او بئری تاییندا و مئصئرده آتالارینیزین قوللوق اتدئیی آللاهلاری آتین و فقط ربّه قوللوق ادئن.

15اگر ربّه قوللوق اتمه‌یی بَیَنمئرسئنئز، بو گون کئمه قوللوق اده‌جیئنئزی اؤزونوز سچئن: مگر آتالارینیزین چایین او تاییندا قوللوق اتدئکلری آللاهلارا یا دا تورپاقلاریندا یاشادیغینیز اِمورلولارین آللاهلارینا قوللوق اده‌جکسئنئز؟ آمّا من و منئم اِوئمده‌کئلر ربّه قوللوق اده‌جک.»

16خالق جاواب ورئب ددئلر: «ائراق اولسون کی، ربّی ترک ادئب آیری آللاهلارا قوللوق ادک!

17چونکی بئزی و آتالاریمیزی مئصئر تورپاغیندان یعنی نؤکرچئلئک دئیاریندان چیخاردان تاریمیز ربدئر کی، گؤزوموزون قاباغیندا بو بؤیوک علامتلری گؤرستدی و گتدئیئمئز هر یولدا، آراسیندان کچدئیئمئز بوتون خالقلار آراسیندا بئزی حئفظ اتدی.

18رب بوتون خالقلاری، یعنی بو تورپاقدا یاشایان اِمورلولاری قاباغیمیزدان قوودو. بئز ده ربّه قوللوق اده‌جیئک، چونکی تاریمیز اودور.»

19یوشَع خالقا ددی: «ربّه قوللوق اده بئلمزسئنئز، چونکی او، موقدّس تاری‌دیر. او، قیرتلی تاری‌دیر؛ تقصئرلرئنئزی و گوناهلارینیزی باغیشلامایاجاق.

20اگر ربّی ترک ادئب اؤزگه بوت آللاهلارینا قوللوق اده‌سئنئز، سئزه یاخشیلیق ادن رب ضئدّئنئزه دؤنوب، سئزی ووراجاق و سئزی محو اده‌جک.»

21خالق یوشَعه ددی: «خیر، آنجاق ربّه قوللوق اده‌جیئک.»

22یوشَع خالقا ددی: «سئز اؤزونوز، اؤزونوزون ضئدّئنه شاهئدسئنئز کی، قوللوق اتمک اوچون اؤزونوزه ربّی سِچدئنئز.» و اونلار ددئلر: «بئز شاهئدئک.»

23یوشَع ددی: «اِله ده ائندی آرانیزدا اولان یاد آللاهلاری آتین، اوره‌یئنئزی ائسرایئلئن تاریسی ربّه دؤندَرئن.»

24خالق یوشَعه ددی: «تاریمیز ربّه قوللوق اده‌جیئک و فقط اونون سؤزونه قولاق آساجاغیق.»

25یوشَع او گون خالق آدینا عهد باغلادی. اونلار اوچون شِکِمده قانون و حؤکم قویدو.

26یوشَع بو سؤزلری تارینین شرئعت کئتابینا یازدی؛ سونرا بؤیوک بئر داش گؤتوروب ربّئن موقدّس مکانینین یانیندا اولان چؤل بوتا‌سی آلتیندا یِرلَشدئردی.

27یوشَع بوتون خالقا ددی: «باخین، بو داش بئزئم ضئدّئمئزه شاهئددئر، چونکی ربّئن بئزه ددئیی بوتون سؤزلری او اشئتدی؛ قوی بو داش سئزئن ضئدّئنئزه شاهئد اولسون کی، تارینیزی ائنکار اتمیه‌سئنئز.»

28بوندان سونرا بوتون خالقی ائرث آلدیغی تورپاقلارا گؤندَ‌ردی.

29بئر مودّت سونرا ربّئن قولو نون اوغلو یوشَع یوز اون یاشیندا وفات اتدی.

30اونو گاعَش داغینین شئمالیندا، اِفرایئمئن داغلیق بؤلگه‌سئنده‌کی تئمنَت‌سِره‌خده ائرث اولان تورپاغینین ساحه‌سئنده دفن اتدئلر.

31یوشَع یاشادیقجا و یوشَعدن سونرا یاشایان و ربّئن ائسرایئل اوچون اتدئیی هر شیی بئلَن آغساقّاللار یاشادیقجا، ائسرایئل خالقی ربّه قوللوق اتدی.

32ائسرایئللی‌لر مئصئردن چیخاندا یوسئفئن سوموکلرئنی اؤزلری ائله گؤتورموشدولر. بونلاری یعقوبون شِکِمده‌کی زَمئسئنده باسدیردیلار. یعقوب بو زَمئنی شِکِمئن آتاسی خَمورون اؤولادلاریندان یوز پارچا گوموشه ساتین آلمیشدی؛ و بو تورپاق یوسئف اؤولادلارینین ائرثی اولدو.

33بوندان سونرا هارون اوغلو اِلعازار اؤلدو. اونو اِفرایئمئن داغلیق بؤلگه‌سئنده اولان گئبعَتده کی، اوغلو پئنِخاسا ورئلمئشدی، دفن اتدئلر.