Job 32

azerbaijan-2013

1بله‌جه بو اوچ کئشی اَیّوبا جاواب ورمکدن دایاندیلار، چونکی او، اؤز نظرئنده صالح بئر آدام ائدی.

2لاکئن رام نسلئندن بوزلو بَرَکِلئن اوغلو اِلئهونون قضبی اَیّوبون اوستونه آلوولاندی، چونکی اؤزونو تاریدان داها چوخ حاقلی حساب ادئردی.

3اونون قضبی او اوچ دوستون اوستونه ده آلوولاندی، چونکی اَیّوبو محکوم اتدئیی حالدا، حله ده اونا بئر جاواب تاپا بئلمه‌مئشدئلر.

4اِلئهو بوراجاق اَیّوبلا دانیشماغا گؤزله‌مئشدی، چونکی اونلار یاشدا اوندان بؤیوک ائدئلر.

5لاکئن بو اوچ کئشئنئن آغزیندا آرتیق جاواب اولمادیغینی گؤرَن واخت، قضبی آلوولاندی.

6بوزلو بَرَکِلئن اوغلو اِلئهو دانیشیب ددی: «یاشجا من کئچئیَم، آمّا سئز یاشلی؛ اونا گؤره ده چکئندئم، بئلدئیئمی سئزه دِمَکدن قورخدوم.

7دوشوندوم: قوی اوزون عؤمور سورَنلر دانیشسینلار، قوی چوخ ائل‌لرئن شاهئدلری حئکمت اؤیرَتسئنلر.

8آمّا دوغرودان دا ائنساندا روح وار، قادئری-موطلقئن نفسی ائنسانا آغیل ورئر.

9حئکمت یاشدا اولماز، عدالتی درک اتمک، یاشا باخماز.

10اونا گؤره ده دیئرم: منه قولاق آسین. قویون من ده بئلدئیئمی دیئم.

11باخین، سئز دانیشارکَن، من گؤزله‌دئم، نه دئیه‌جیئنئزی آختارارکن، من سئزئن دلئلرئنئزه قولاق آسدیم.

12سئزه چوخ دا دئقّت اتدئم، لاکئن سئزدن هچ بئرئنئز اَیّوبون سهو دانیشدیغینی ثوبوت اتمه‌دئنئز، اونون سؤزلرئنه جاواب ورمه‌دئنئز.

13دِمه‌یئن: حئکمت تاپمیشیق، اونو ووران ائنسان یوخ، تاری‌دیر.

14اَیّوب سؤزلرئنی منئم ضئدّئمه دوزمه‌یئب، من ده سئزئن سؤزلرئنئزله اونا جاواب وِرمه‌یه‌جیم.

15اونلار آرتیق حیران‌دیرلار، جاوابسیز قالیبلار، دِمیه بئر سؤزلری ده یوخدور.

16ائندی کی، اونلار ساکئتدئرلر، ائندی کی، آرتیق جاوابسیز قالیبلار، من مگر گؤزله‌مه‌لی‌یَم؟!

17من ده جاوابیمی وره‌جیم، من ده بئلدئیئمی گؤرسده‌جیم.

18چونکی ائچئم سؤزله دولودور؛ ائچئمده‌کی روح منی سیخیر.

19آز قالیر باغریم، آچیلمامیش شراب کئمی‌، تزه تولوقلار کئمی چاتلاسین.

20قوی دانیشیم، اؤزومو راحاتلاییم؛ قوی آغیز آچیب جاواب ورئم.

21هچ کئمئن طرفئنی توتمایاجاغام، هچ کئمه ده یالتاقلیق اتمیه‌جیم.

22چونکی یالتاقبازلیغی بئلَن دیئلم، بئلسَیدئم، یارادانیم حیاتیمی بئر آندا باشا گتئرَردی!

← Chapter 31 Chapter 33 →