Job 28

azerbaijan-2013

1یقئن کی، گوموشون معدنی وار، قیزیلین دا تصفئیه اتدئکلری یری.

2دمئر تورپاقدان آلینیر، مئس ده قایادان اَرئدئلئر.

3ائنسان قارانلیغا نهایت قویور. قارانلیقدا، ظولمتده قایانی آخیر حدّئنه قدر قازیب آختاریر.

4آداملارین ساکئن اولدوغو یردن اوزاق بئر دلئک آچیر؛ ائنسان آیاغی دَیمه‌یَن یرلرده. فانی ائنساندان اوزاقدا ساللانیب یِللَنه-یِللَنه قالیر.

5یر کی، اوندان چؤرک چیخیر، دئبی اود کئمی آلت اوست اولور.

6قایالاریندان لاجورد داشی چیخیر، و اوندا قیزیل توزو وار.

7اورانین یولونو شئکار قوشو دا بئلمئر، شاهئنئن گؤزو ده اورانی گؤرمه‌یئب.

8مغرور وحشی حیوانلار اورایا آیاق قویماییبلار، ییرتیجی آصلانلار دا اورادان کچمه‌یئب.

9آدام اَلئنی چاخماق داشینا اوزادیر؛ داغلاری بونؤوره‌سئندن آلت-اوست ادئر.

10قایالار ائچئندن تونل‌لر یاریب آچیر، گؤزو هر جور قئیمتلی شیی گؤرور.

11چایلارین آخینتیسینا سدّ چکئر؛ گئزلئنی آشکارا چیخاردیر.

12آمّا حئکمتی هارادان تاپماق اولار؟ آنلاغین یری هارادادیر؟

13ائنسان اونون دَیَرئنی بئلمئر، دئرئلر دئیاریندا دا اونا راست گلمئر.

14درئنلئکلر دیئر: ”مَنده یوخدور.“ دهنز دیئر: ”مَنده دیئل.“

15اونون عوضئنده خالئص قیزیل ورئله بئلمز، قئیمتی گوموشله اؤلچولمَز.

16اونو اوفئر قیزیلی ائله قئیمتلَندئرمک اولماز، اونو دَیَرلی دامارلی عقئقله، لاجورد داشی ائله دَیَرلَندئرمک اولماز.

17نه قیزیل اونا تای اولار، نه ده گؤزل جام، خالئص قیزیل قابلار دا اونا عوض اولا بئلمز.

18یانیندا مرجانین، بولورون آدی چکئلمَز؛ حئکمتئن دَیَری مئروارئدن ده اوستوندور.

19حبشه‌نئن توپازی اونون تایی دیئل، اونون دَیَری خالئص قیزیللا اؤلچولمَز.

20بس حئکمت هارادان گلئر؟ آنلاغین یری هارادادیر؟

21بله‌جه بوتون دئرئلرئن گؤزلرئندن گئزلی، گؤیون قوشلاریندان اؤرتولودور.

22هلاکت یری ائله اؤلوم بله دیئر: قولاقلاریمیز آنجاق سوراغینی اشئدئب.

23اونون یولونو تاری آنلاییر؛ یِرئنی آنجاق او بئلئر.

24چونکی یرئن او بئری اوجلارینا قدر باخیر، گؤیلرئن آلتینداکی هر شیی گؤرور.

25یِله گوجونو تعیئن ادنده، سولاری اؤلچَنده،

26یاغیشا قانون قویاندا، ائلدیریما یول آچاندا؛

27حئکمته باخیب قئیمت قویدو؛ اونو برقرار ادئب، هم ده آراشدیردی.

28ائنسانا ددی: باخ، ربدن قورخماق حئکمتدئر، پئسلئکدن چکئلمک آنلاق‌دیر!»

← Chapter 27 Chapter 29 →