Jeremiah 43

azerbaijan-2013

1او زامان کی، اِرِمیا بوتون خالقا اؤزلرئنئن تاریسی ربّئن سؤزلرئنی، ربّئن اِرِمیا واسئطه‌سی‌ائله اونلارا نازئل اتدئیی هر شیی دیئب قورتاردی،

2حوشاعیا اوغلو عَزَریا، قارِاَخ اوغلو یوخانان و بوتون دئکباش آداملار اِرِمیایا ددئلر: «سن یالان دیئرسن. تاریمیز رب سنی بئزئم یانیمیزا گؤندَ‌رمه‌یئب کی، دئیه‌سن: ”مئصئره گرک گتمه‌یئب اورادا ساکئن اولمایاسینیز.“

3لاکئن نِرئیا اوغلو باروک سنی بئزئم ضئدّئمئزه تحرئک ادئر کی، بئزی کَلدانئلره تسلئم اده‌سن، اونلار بئزی اؤلدوره‌لر، یا دا بابئله اسئر آپارالار.»

4بله‌جه قارِاَخ اوغلو یوخانان، بوتون قوشون باشچیلاری و خالق ربّئن یهودادا قالماق امرئندن ائطاعت اتمه‌دئلر.

5عکسئنه، قارِاَخ اوغلو یوخانان و بوتون قوشون باشچیلاری، بوتون یهودالی‌لارین قالانینی کی، اسئر اولوندوقلاری مئلّتلرئن آراسیندان یهودا تورپاغیندا یاشاماق اوچون قاییتمیشدیلار، یولا سالدیلار.

6اونلار کئشئلری، آروادلاری، اوشاقلاری، پادشاهین قیزلارینی، کشئکچئلر ریئسی نِبوزَره‌دانین شافان اوغلو اَخئقام اوغلو گِدَلیانین یانیندا قویدوغو هر کسی، اِرِمیا پیغمبری و نِرئیا اوغلو باروکو دا گؤتوروب گتدئلر.

7اونلار ربّئن سؤزونه قولاق آسماییب مئصئر تورپاغینا گئردئلر و تَخپِنخِسه قدر گتدئلر.

8تَخپِنخِسده اِرِمیایا ربّئن بو سؤزو نازئل اولدو:

9«اَلئنه بؤیوک داشلار آل و اونلاری یهودا کئشئلرئنئن گؤزو قاباغیندا کرپئج دؤشَمه‌نئن پالچیغیندا کی، تَخپِنخِسده فئرعون سارایینا گئرئلن یرده‌دئر، گئزلَت.

10سونرا اونلارا دِه: ائسرایئلئن تاریسی اولان قوشونلار ربّی بله دیئر: ”من خبر گؤندَ‌رئب قولوم بابئل پادشاهی نِبوکَدنِصّری گتئرده‌جیم و گئزلَتدئیئم بو داشلارین اوستونده اونون تختئنی قوراجاغام. پادشاه اؤز چارداغینی اونلارین اوستونده آچاجاق.

11او گلئب مئصئر اؤلکه‌سئنی مغلوب اده‌جک. اؤلوم اوچون آیریلانلار اؤلومه، اسئرلئک اوچون آیریلانلار اسئرلئیه، قیلینج اوچون آیریلانلار قیلینجا تسلئم ادئله‌جکلر.

12او مئصئر آللاهلارینین معبدلرئنده اود قالایاجاق. اونلاری یاندیراجاق، بوتلری آلیب آپاراجاق. بئر چوبان، پالتاری ائله اؤزونو نجه اؤرتور، او دا مئصئر اؤلکه‌سئنی اؤزونه اِله اؤرته‌جک. و سونرا اورادان صاغ-سالامات چیخاجاق.

13او، مئصئر تورپاغیندا گونش آللاهینین معبدئنئن موقدّس سوتونلارینی داغیداجاق، مئصئر آللاهلارینین معبدلرئنی یاندیراجاق.“»

← Chapter 42 Chapter 44 →