Jeremiah 40

azerbaijan-2013

1کشئکچئلر ریئسی نِبوزَره‌دان اِرِمیانی رامادا آزاد ادئب گتدئکدن سونرا، ربّئن سؤزو اِرِمیایا نازئل اولدو. نِبوزَره‌دان اونو بابئله اسئر اولونان بوتون اورشلئم و یهودا خالقی ائله بئرلئکده زنجئرلَنمئش حالدا رامایا آپارمیشدی.

2کشئکچئلر ریئسی اِرِمیانی تاپاندا اونا ددی: «بو یِرئن باشینا تارین رب بو فلاکتی گتئره‌جیئنی ددی،

3سونرا دا اونو یرئنه یتئردی؛ نجه کی، دمئشدی، ادئب. بونلارین هامیسی باش وردی، چونکی سئز ربّه گوناه اتدئنئز و اونون سؤزونه قولاق آسمادینیز.

4ائندی سنی، اَلئنه وورولان زنجئرلردن آزاد ادئرم. اگر ائسته‌یئرسن، منئمله بئرلئکده بابئله گل، اورادا سنی یاخشی ساخلایارام؛ آمّا اگر ائسته‌مئرسن، اوندا گلمه. باخ، بوتون اؤلکه سنئن قاباغیندادیر، هارایا گتمک ائسته‌یئرسن، گت.»

5اِرِمیا حله گتمک اوچون دؤنمه‌مئشدی کی، نِبوزَره‌دان ددی: «شافان اوغلو اَخئقام اوغلو گِدَلیانین یانینا قاییت کی، بابئل پادشاهی اونو یهودا شهرلری اوستونه حاکئم قویوب و اونونلا بئرلئکده خالق آراسیندا یاشا. یا دا هارا گتمک ائسته‌یئرسن، اورا گت.» او واخت کشئکچئلر ریئسی اونا آذوقه و بئر هدئیّه ورئب بوراخدی.

6اِرِمیا مئصپایا اَخئقام اوغلو گِدَلیانین یانینا گتدی و اونونلا بئرلئکده اؤلکه‌ده قالان خالق آراسیندا یاشادی.

7چؤلده اولان بوتون قوشون باشچیلاری و اونلارین آداملاری اشئتدئلر کی، بابئل پادشاهی، اَخئقام اوغلو گِدَلیانی اؤلکه‌یه باشچی قویوب و اؤلکه‌نئن یوخسول اهالئسئندن بابئله اسئر اولونمامیش کئشئلری، آروادلاری و اوشاقلاری اونون ائختئیارینا ورئبدئر.

8بو آداملار مئصپایا، گِدَلیانین یانینا گلدئلر: نِتَنیا اوغلو ائسماعئل، قارِاَخئن اوغوللاری یوخانان و یوناتان، تَنخومِت اوغلو سِرایا، نِطوَفالی عِفه‌یئن اوغوللاری، مَعَکالینین اوغلو یِزَنیا و اونلارین آداملاری.

9شافان اوغلو اَخئقام اوغلو گِدَلیا اونلارین اؤزلرئنه و آداملارینا آند ائچئب ددی: «کَلدانئلره قوللوق اتمکدن قورخمایین. اؤلکه‌ده قالیب بابئل پادشاهینا قوللوق ادئن. بله اده‌سئنئز، سئزئن اوچون یاخشی اولار.

10منه گلئنجه؛ من مئصپادا قالاجاغام کی، بئزئم یانیمیزا گله‌جک کَلدانئلرئن قاباغیندا سئزی تمثئل اِدئم. لاکئن سئز شراب، یای میوه‌لری و زیتون یاغی ییغیب قابلارینیزا دولدورون و آلدیغینیز شهرلرده یاشایین.»

11او واخت کی، موآبدا، عَمّونلولار آراسیندا، اِدومدا و باشقا اؤلکه‌لرده اولان بوتون یهودئلر اشئتدئلر کی، بابئل پادشاهی یهودادا بئر عئدّه‌نی ساخلاییب و شافان اوغلو اَخئقام اوغلو گِدَلیانی اونلارا باشچی قویوب،

12هامیسی سَپه‌لَندئیی بوتون یِرلردن قاییتدیلار. یهودا تورپاغینا، مئصپادا اولان گِدَلیانین یانینا گلدئلر. اونلار چوخلو شراب و یای میوه‌لری ییغدیلار.

13قارِاَخ اوغلو یوخانان و چؤل‌لرده اولان بوتون قوشون باشچیلاری مئصپادا اولان گِدَلیانین یانینا گلئب

14اونا ددئلر: «مگر بئلمئرسن کی، عَمّونلولارین پادشاهی بَعَلئس، سنئن جا‌نینی آلماق اوچون، نِتَنیا اوغلو ائسماعئلی گؤندَ‌رئب؟» لاکئن اَخئقام اوغلو گِدَلیا اونلارا ائنانمادی.

15قارِاَخ اوغلو یوخانان مئصپادا گِدَلیایا گئزلئجه ددی: «قوی گِدئم، نِتَنیا اوغلو ائسماعئلی اؤلدوروم، هچ کس بئلمیه‌جک. نه اوچون او سنی اؤلدورسون و اطرافینا ییغیلمیش بوتون یهودئلر داغیلسین، یهودادان صاغ قالانلار دا محو اولسون؟»

16لاکئن اَخئقام اوغلو گِدَلیا قارِاَخ اوغلو یوخانانا ددی: «بله بئر ائشی اتمه! ائسماعئل باره‌سئنده ددئیئن سؤز دوز دیئل.»

← Chapter 39 Chapter 41 →