Jeremiah 30

azerbaijan-2013

1اِرِمیایا ربدن بو سؤز نازئل اولدو:

2«ائسرایئلئن تاریسی رب بله دیئر: ”سنه دِدئیئم بوتون سؤزلری بئر کئتابا یاز.“

3رب بویورور: ”باخ، گونلر گلئر کی، خالقیم ائسرایئلی و یهودانی اسئرلئکدن قایتاراجاغام. اونلاری آتالارینا وردئیئم تورپاغا گری گتئره‌جیم و اورانی مولک اده‌جکلر.“ رب دیئر.»

4ائسرایئل و یهودا اوچون ربّئن ددئیی سؤزلر بونلاردیر:

5رب بله دیئر: «قورخو سَسی اِشئدئلئر، باریش یوخ، دهشت سَسی.

6سوروشون، گؤرون: کئشی مگر اوشاق دوغار؟ بس نه اوچون، هر کئشئنئن اَللرئنی، دوغان آرواد کئمی، قارنینین اوستونده گؤرورَم؟ نه اوچون هامینین اوزو سولوب؟

7آه، بو نه دهشتلی بئر گون اولاجاق! بئر داها بله گون اولمایاجاق، یعقوب نسلی اوچون سیخینتی دؤورو اولاجاق، آنجاق گئنه ده بوندان قورتولاجاق.»

8قوشونلار ربّی بویورور: «او گون بویونلارینداکی یوغو قیراجاغام، ائپلرئنی قوپارداجاغام؛ بئر داها یاد اِللی‌لر اونلاری اؤزلرئنه قول اتمیه‌جکلر.

9آنجاق اؤزلرئنئن تاریسی ربّه، اونلارا قویاجاغیم پادشاهلاری داوودا قوللوق اده‌جکلر.»

10رب بویورور: «قورخما، ای قولوم یعقوب، دهشته دوشمه، ای ائسرایئل. چونکی سنی اوزاق یِرلردن، نسلئنی اسئر اولوندوغو اؤلکه‌دن قورتاراجاغام. یعقوب نسلی گئنه اَمئن-آمانلیقدا اولاجاق، راحاتلیق تاپاجاق، کئمسه اونو قورخوتمایاجاق.

11من سنئنله‌یم، سنی قورتاراجاغام» رب بویورور. «سنی آرالارینا قوودوغوم مئلّتلرئن هامیسینی یوخ اِتسَم ده، سنی کامئل محو اتمیه‌جیم، سنه آنجاق عدالتله تربئیه وره‌‌جیم، دوغرودان دا، جزاسیز قالماغینا ائجازه ورمه‌یه‌جیم.»

12ربّئن بویوردوغو بودور: «سنئن یاران شفا تاپماز، جراحتئن صاغالماز.

13محکمه‌ده ائشئنه باخان یوخدور، ناخوشلوغونا درمان یوخدور، سنئن دردئنه علاج یوخدور.

14بوتون موتّفئق‌لرئن سنی یاددان چیخاردیبلار، سنئن قیدئنه اصلا دیئل‌لر. من سنی، دوشمن ووران کئمی، وورموشام، رحمسئز بئر آدام کئمی جزالاندیرمیشام، چونکی تقصئرئن بؤیوکدور، گوناهلارین چوخدور.

15نئیه یاراندان اؤتری باغیریرسان؟ دردئنئن علاجی اولمادیغی اوچون؟ بو ائشلری اونا گؤره سنه اتمئشم کی، تقصئرئن بؤیوکدور، گوناهلارین چوخدور.

16بونا گؤره سنی یئیَنلرئن هامیسی، یِیئله‌جکلر؛ بوتون دوشمنلرئن اسئرلئیه گده‌جکلر. سنی سویانلار، سویولاجاقلار؛ سنی قارت ادنلر، قارت اولوناجاقلار.»

17رب بویورور: «آمّا من سنی گئنه صاغالداجاغام، یارالارینا شفا وره‌جیم. چونکی سنی ردّ ادئلمئش چاغیریرلار، صحیون کی، اونا اهمئیّت ورن یوخدور.»

18رب بله دیئر: «یعقوبون چادیرلارینین اوغورونو تزه‌دن قوراجاغام، ساکئن اولدوغو یِرلره شَفقَت گؤرسده‌جیم. شهر تزه‌دن وئرانه‌لری اوستونده تئکئله‌جک، سارای اؤز یِرئنده برپا اولوناجاق.

19اونلارین آراسیندان شوکور و شَنلئک سَسلری اِشئدئله‌جک. من اونلاری چوخالداجاغام، آزالمایاجاقلار؛ من اونلارا عئزّت وره‌جیم، آلچالمایاجاقلار.

20اؤولادلاری اوّلکی کئمی اولاجاقلار، جاماعاتی حوضورومدا مؤحکم دوراجاق؛ اونلاری سیخیشدیرانلارین هامیسینی جزالاندیرجاغام.

21رهبری اؤزلرئندن اولاجاق؛ باشچیسی اؤز آرالاریندان چیخاجاق. اونو اؤزومه یاخینلاشدیراجاغام، او دا منه یاخینلاشاجاق. آیری جور کئم جورعت اده بئلر کی، اؤزونو منه یاخینلاشدیرسین؟» رب بویورور.

22«بله‌جه سئز منئم خالقیم، من ده سئزئن تارینیز اولاجاغام.»

23باخ، ربّئن طوفانی قضبله قوپاجاق، شئدّتلی طوفانی پئس آداملارین باشیندا پارتلایاجاق.

24ربّئن اؤز حئدّتلی قضبی، اوره‌یئنئن ائسته‌ئیئنی اده‌نه قدر، اونو یرئنه یتئره‌نه قدر سؤنمیه‌جک. سئز گله‌جک گونلرده بونو آنلایاجاقسینیز.

← Chapter 29 Chapter 31 →