Jeremiah 29

azerbaijan-2013

1اِرِمیا پیغمبر اورشلئمدن اسئرلئکده صاغ قالان خالقین آغساقّاللارینا، کاهئنلره، پیغمبرلره و نِبوکَدنِصّرئن اورشلئمدن بابئله اسئر اتدئیی بوتون خالقا بئر مکتوب گؤندَ‌ردی.

2(بو مکتوب پادشاه یِهویاکئنئن، آنا ملکه‌نئن، سارای اعیانلارینین، یهودا و اورشلئم باشچیلارینین، اوستالارین و صَنَتکارلارین اورشلئمدن بابئله اسئر آپاریلماسیندان سونرا گؤندَ‌رئلدی.)

3اونو شافان اوغلو اِلعاسا و خئلقئیا اوغلو گِمَریایا تاپشیردی کی، یهودا پادشاهی صئدقئیا اونلاری بابئل پادشاهی نِبوکَدنِصّرئن یانینا گؤندَرمئشدی. مکتوب بله دیئردی:

4«ائسرایئلئن تاریسی اولان قوشونلار ربّی اورشلئمدن بابئله اسئرلئیه وردئیئم بوتون آداملارا بله دیئر:

5”اِولر تئکئب ائچئنده یاشایین، باغچالار سالیب میوه‌لرئنی ییئن.

6آرواد آلیب اوغول-قیز آتاسی اولون. اوغوللارینیزا آرواد آلین، قیزلارینیزی اَره ورئن کی، اوغوللا و قیزلارینیز اولسون. ساییدا اورادا چوخالین، آزالمایین.

7سئزی اسئر وردئیئم شهرئن رئفاهی اوچون چالیشین و او شهر اوچون ربّه دوعا ادئن. چونکی اورا رئفاه ائچئنده اولسا، سئز ده رئفاهدا یاشایارسینیز.“

8بلی، ائسرایئلئن تاریسی اولان قوشونلار ربّی بله دیئر: ”قویمایین آرانیزداکی پیغمبرلر و فالچی‌لار سئزی آلداتسینلار. ائسته‌دئیئنئز یوخولاری گؤرمه‌یه تشوئق اتدئیئنئز یوخولارا قولاق آسمایین.

9اونلار منئم آدیملا سئزه یالاندان نبئلئک ادئرلر. اونلاری من گؤندَرمه‌مئشم.“ رب بویورور.

10رب بله دیئر: ”بابئلده یتمئش ائلئنئز باشا گلنده، من سئزه باش چکه‌جیم و سئزه وردئیئم یاخشی وعده‌نی یرئنه یتئرئب سئزی بو یِره قایتاراجاغام.

11چونکی سئزئن باره‌نئزده اولان فئکئرلرئمی اؤزوم بئلئرم.“ رب بویورور. ”من سئزئن پئسلئیئنئز یوخ، سالاماتلیغینیز باره‌ده دوشونورم، نئیّتئم بودور کی، سئزه بئر اومئد و بئر گله‌جک ورئم.

12او واخت سئز منی چاغیراجاقسینیز، گلئب منه دوعا اده‌جکسئنئز، من ده سئزی اِشئده‌جیم.

13منی آختاراجاقسینیز، و بوتون قلبئنئزله منی آختاردیقدا، منی تاپاجاقسینیز.

14منی تاپماغینیزا ائجازه وره‌جیم.“ رب بویورور. ”سئزی اسئرلئکدن گری قایتاراجاغام. سئزی اسئر اتدئیئم بوتون یِرلردن و مئلّتلرئن آراسیندان بئر یِره ییغاجاغام. سئزی اورادان اسئر آپاردیقلاری یِره قایتاراجاغام.“ رب بویورور.

15مادام کی، دیئرسئنئز: ”رب بئزه بابئلده پیغمبرلر ورئب.“

16داوودون تختئنده اوتوران پادشاه باره‌ده، بو شهرده یاشایان بوتون خالق باره‌ده، سئزئنله بئرلئکده اسئرلئیه آپاریلمامیش هموطنلرئنئز باره‌ده رب بله دیئر.

17بلی، قوشونلار ربّی بله دیئر: ”من اونلارین اوستونه قیلینج، آجلیق و وبا گؤندَ‌ره‌جیم. اونلاری یِمه‌یی مومکون اولمایان چوخ یاوا انجئره دؤندَره‌جیم.

18اونلاری قیلینج، آجلیق و وبا ائله تعقئب اده‌جیم، یِر اوزونون بوتون اؤلکه‌لرئنئن قاباغیندا دهشتلی حالا سالاجاغام. اونلاری آتدیغیم بوتون مئلّتلرئن آراسیندا، اونلار لعنت، حیرت، رئشخند و روسوایچیلیق هدفی اولاجاقلار.“

19رب بویورور: ”اونا گؤره کی، سؤزلرئمه قولاق آسمادیلار. همئن سؤزلری قوللاریم اولان پیغمبرلر واسئطه‌سی‌ائله دفه‌لرله اونلارا چاتدیردیم، لاکئن سئز، ای اسئرلئیه گِدنلر، قولاق آسمادینیز.“ رب بویورور.

20بونا گؤره ده، ای اورشلئمدن بابئله گؤندَردئیئم بوتون اسئر اولونموش آداملار، ربّئن سؤزونو اِشئدئن.

21منئم آدیملا سئزه یالاندان نبئلئک ادن قولایا اوغلو اَخاب و مَعَسِیا اوغلو صئدقئیا باره‌ده ائسرایئلئن تاریسی اولان قوشونلار ربّی بله دیئر: ”من اونلاری بابئل پادشاهی نِبوکَدنِصّره تسلئم اده‌جیم و او، گؤزلرئنئزئن قاباغیندا، اونلاری اؤلدوره‌جک.

22اونلار باره‌ده بابئلده‌کی بوتون اسئر اولونموش یهودالی‌لار بوندان سونرا بله قارغیش اده‌جکلر: رب سنه بابئل پادشاهینین دئری-دئری یاندیردیغی صئدقئیا و اَخاب کئمی اتسئن.

23چونکی اونلار ائسرایئلده آخماق ائشلر گؤروبلر، قونشولارینین آروادلاری ائله زئنا ادئبلر، اونلارا دِمه‌دئیئم حالدا، منئم آدیمدان یالان سؤزلر ددئلر. من بونو بئلئرم و بونا شاهئدم.“ رب بویورور.»

24نِخِلاملی شِمَعیایا دِه:

25ائسرایئلئن تاریسی قوشونلار ربّی بله دیئر: «سن اورشلئمده اولان بوتون خالقا، مَعَسِیا اوغلو کاهئن صِفَنیایا، و بوتون باشقا کاهئنلره اؤز آدیندان مکتوبلار گؤندَ‌ردئن. صِفَنیایا ددئن:

26رب یِهویاداعین یرئنه سنی اؤز معبدی اوستونه کاهئن قویوب. اؤزونو پیغمبر اعلان ادن هر دَلئیه کونده و دمئر یوغ وورمالی‌سان.

27بس نه اوچون سئزه اؤزونو پیغمبر اعلان ادن عَناتوتلو اِرِمیانی مزمّت اتمئرسن؟

28چونکی اِرِمیا بئز بابئلده‌کئلره بو خبری گؤندَ‌رئب: اسئرلئک اوزون چکه‌جک. بونا گؤره ده اِولر تئکئب، ائچئنده یاشایین، باغچالار سالیب، میوه‌لرئنی ییئن.»

29کاهئن صِفَنیا بو مکتوبو اِرِمیا پیغمبره اوخودو.

30بو واخت اِرِمیایا ربّئن بو سؤزو نازئل اولدو:

31«بوتون اسئر اولونموشلارا خبر گؤندَ‌رئب دِه: نِخِلاملی شِمَعیا باره‌ده رب بله دیئر: ”ائندی کی، من گؤندَ‌رمه‌دئیئم حالدا، شِمَعیا نبئلئک ادئب سئزی یالانا ائناندیریب.

32ربّئن ددئیی بودور: نِخِلاملی شِمَعیانی و اونون نسلئنی جزالاندیرجاغام. بو خالقین آراسیندا اونون نسلئندن اولان بئر کس صاغ قالمایاجاق، خالقیما اده‌جیئم یاخشیلیغی گؤرمه‌یه‌جک، چونکی او، خالقا منئم ضئدّئمه عوصیان اتمه‌یی دیئب.“ رب بویورور.»

← Chapter 28 Chapter 30 →