Jeremiah 17

azerbaijan-2013

1یهودانین گوناهی دمئر قلمله یازیلدی، اورَکلرئنئن لؤوحه‌لری و قوربانگاهلارینین بوینوزلاری اوستونه آلماس اوجلو آلتله حَکّ ادئلدی.

2اونلارین اؤولادلاری بول یارپاقلی آغاجلارین یانیندا، اونلارین اوجا تپه‌لرده اولان قوربانگاهلارینی اَشِرا بوتلرئنی خاطیرلاییرلار.

3ای چؤلده‌کی داغیم، سنئن ثروتئنی، بوتون خَزئنه‌لرئنی، پرستئشگاهلارلا بئرلئکده، اؤلکه‌نئن هر طرفئنده ائشله‌نن گوناهلاردان اؤتری غارته تسلئم اده‌جیم.

4سنه وردئیئم ائرثی اؤز عملئنله اَلدن وره‌جکسن. تانیمادیغین اؤلکه‌ده سنی دوشمنلرئنه قول اده‌جیم. چونکی قضبئمی آلیشدیردینیز، و او، ابده کئمی یاناجاق.»

5رب بله دیئر: «لعنت اولسون او آداما کی، ائنسانا بِل باغلاییر، بشرئن گوجونه آرخالانیر، و اوره‌یی ربدن دؤنور.

6او، چؤلده‌کی کؤل کئمی اولاجاق، خیئر گلنده اونو گؤرمه‌یه‌جک. صحرادا اولان قوراق یِرلرده هچ کس یاشامایان شورانلیقدا ساکئن اولاجاق.

7آمّا خوش او آدامین حالینا کی، ربّه بِل باغلاییر، ربّی اؤزونه آرخا ساییر.

8او، سولار کناریندا اَکئلمئش آغاج کئمی اولاجاق. اِله آغاج کی، چای قیراغیندا کؤک سالار، ائستی گلنده قورخماز، یارپاغی همئشه یاشیل قالار، قوراقلیق اولان ائل نئگارانلیق چکمز، میوه ورمکدن ده قالماز.»

9اورَک هر شیدن ده حئیله‌گردئر، صاغالماز ناخوشلوغو وار. اونو کئم باشا دوشه بئلر؟

10«من رَب، اوره‌یی ائمتاحان ادئرم، ائنسانین فئکرئنی ائمتاحانا چکئرم کی، هر کسه یول‌لارینا، اتدئکلرئنئن نتئجه‌سئنه گؤره عوض ورئم.»

11حاقسیزلیقلا وار-دؤولت ییغان آدام، او کَکلئک کئمی‌دئر کی، اؤزونون یومورتلامادیغی یومورتالارین اوستونه اوتورور؛ عؤمرونون اورتاسیندا وار-دؤولتی اونو ترک اده‌جک، آخیردا او آدام آخماق چیخاجاق.

12موقدّس مکانیمیزداکی یِر، اوّلجه‌دن اوجالدیلمیش عئزّت تختی‌دئر.

13یارب، ائسرایئلئن اومئدی، سنی ترک ادنلرئن هامیسی اوتاناجاقلار. سندن اوز دؤنده‌رَنلرئن آدی توز-تورپاغا یازیلاجاق، چونکی ربّی-آخار سولارین بولاغینی ترک ادئبلر.

14یارب، منه شفا ور، من صاغالارام. منی خئلاص ات، من خئلاص اولارام. چونکی حمد اتدئیئم سنسن.

15باخ، اونلار منه دایانمادان دیئرلر: «ربّئن سؤزو هانی؟ قوی یرئنه یِتئشسئن!»

16منه گلئنجه، من سنئن خئدمتئنه چوبان اولماقدان بویون قاچیرتمامیشام. بئلئرسن کی، بلا گونونون گلمه‌سئنی ائستمه‌مئشم. آغزیمدان چیخان هر سؤزو بئلئرسن، او، سنئن گؤزونون قاباغیندادیر.

17منئم اوچون دهشته چِورئلمه، پئس گونده سیغیناجاغیم سنسن.

18قوی منی تعقئب ادنلر اوتانسینلار، لاکئن قویما من خجالت آلتینا دوشوم. قوی اونلار دهشته دوشسونلر، من آمّا قورخماییم. پئس گونو اونلارین باشینا گتئر، اونلاری ائکی‌قات هلاکتله اَز.

19رب منه بله ددی: «گت، یهودا پادشاهلارینین گئرئب-چیخدیقلاری خالق دروازاسیندا دایان. اورشلئمئن باشقا بوتون دروازالاریندا دا دایان

20اونلارا دِه: ”ای یهودا پادشاهلاری، یهودا و اورشلئمئن بوتون اهالئسی، بو دروازالاردان گئرنلر، ربّئن سؤزونه قولاق آسین.

21رب بله دیئر: دئقّت ادئن کی، سَبّت گونو یوک داشیمایاسینیز، یا دا اونو اورشلئم دروازالاریندان ائچه‌ری گتئرمیه‌سئنئز.

22سَبّت گونو اِولرئنئزدن یوک چیخارتمایین، هچ بئر ائش گؤرمه‌یئن. آتالارینیزا امر اتدئیئم کئمی سَبّت گونونو موقدّس ساخلایین.

23آنجاق اونلار اشئتمه‌دئلر، قولاق آسمادیلار. بویونلارینی عئنادکارلیقدان بَرک اتدئلر اِله کی، تأدئبدن عئبرت آلمادیلار.“

24رب بویورور: ”اگر سئز دئقّتله مندن ائطاعت اده‌سئنئز، و سَبّت گونو بو شهرئن دروازالاریندان یوک داشیمایاسینیز، سَبّت گونونده هچ بئر ائشله مشغول اولماییب بو گونو موقدّس ساخلایاسینیز،

25او زامان داوودون تختئنده اوتوران پادشاهلار و باشچیلار دؤیوش عارابالارینا و آتلارا مئنئب، یهودا آداملاری و اورشلئمده یاشایانلارلا بئرلئکده بو شهرئن دروازالاریندان ائچه‌ری گئرَرلر. و بو شهر ابده کئمی مسکونلاشمیش قالار.

26یهودا شهرلرئندن، اورشلئمئن اطرافیندان، بِنیامئن تورپاغیندان، هامار بؤلگه‌دن، داغلیق بؤلگه‌دن و نِگِبدن آداملار گلئب ربّئن معبدئنه یاندیرما قوربانلاری، باشقا قوربانلار، تاخیل تقدئملری، کوندور و شوکور تقدئملری گتئرَر.

27لاکئن اگر سؤزومه قولاق آسماییب سَبّت گونو یوک داشییاسینیز و اورشلئم دروازالاریندان گئره‌رَک سَبّت گونونو موقدّس ساخلامایاسینیز، اوندا اونون دروازالارینی اودا قالایاجاغام، آلوو اورشلئمئن سارایلارینی یاندیریب تؤکه‌جک و هچ واخت سؤنمیه‌جکدئر.“»

← Chapter 16 Chapter 18 →