Isaiah 44

azerbaijan-2013

1ائندی آمّا، ای قولوم یعقوب نسلی، سِچدئیئم ائسرایئل، قولاق آس!

2سنی یارادان، آنا بطنئنده قورولوش ورن، ائمدادینا چاتاجاق اولان رب بله دیئر: «قورخما، ای قولوم، یعقوب نسلی، ای سِچدئیئم یِشورون!

3چونکی سوسوزلامیش تورپاغی سولایاجاغام، قورو تورپاغا آرخلار آخیداجاغام، اؤولادلارینا روحومو تؤکه‌جیم، نسلئنه برکتئمی وره‌جیم.

4اونلار اوتلار آراسیندا، آخار سولار کناریندا، سؤیود آغاجلاری کئمی بوی آتاجاقلار.

5بئری ”من ربّئنکئیَم“ دئیه‌جک، او بئرئسی یعقوبون آدی ائله چاغیریلاجاق. آیری بئری ده اَلئنه ”ربّئنکئیَم“ یازاجاق، ائسرایئلئن آدینی اؤزونه فامئل آدی گؤتوره‌جک.»

6رب، ائسرایئلئن پادشاهی، اونون ساتین آلانی، قوشونلارین ربّی بله دیئر: «من بئرئنجئیَم، من آخیرینجی‌یام، مندن باشقا تاری یوخدور.

7منئم کئمی کئم وار؟ قوی خبر ورسئن، اعلان اتسئن؛ قوی قدئم خالقیمی یاراتدیغیمدان بَری اولوب-کچنلری، قوی بوندان سونرا اولدوقلارینی دا‌نیشیب نقل اتسئن، بلی، گله‌جک حادئثه‌لری بئلدئرئن!

8قورخمایین، دهشته گلمه‌یئن، مگر بونو سئزه ازلدن بَری خبر ورئب اعلان اتمه‌دئم؟ سئز منئم شاهئدلرئمئزسئنئز! مندن باشقا مگر تاری وار؟ مگر باشقا بئر قایا وار؟ هچ بئرئنی تانیمیرام.»

9بوتون بوتلری دوزَ‌لدن آداملار باطئلدئرلر و دَیَرلی اشیالاردان هچ بئر خیئر یوخدور. بوتلر، اونلارا قوللوق ادنلرئن شاهئدلری‌دئرلر. هچ بئر شی گؤرمورلر، هچ بئر شی بئلمئرلر. اونا گؤره ده اونلار خجالت آلتیندا قالاجاقلار.

10کئم ائستر فایدا ورمه‌ین بئر آللاه، یا دا تؤکمه بئر بوت یاراتسین؟

11باخ، بونلارین بوتون یولداشلاری خجالت آلتیندا قالاجاقلار، چونکی صَنَتگَرلرئن اؤزلری ده آنجاق ائنساندیرلار. قوی اونلارین هامیسی ییغیلسینلار، قوی هامیسی دورسونلار، قوی هامیسی دهشته دوشسونلر، قوی هامیسی بئرلئکده خجالت چکسئنلر.

12دمئرچی آلَتئنی گؤتوروب کؤمور اود اوستونده چالیشیر، چکوجلا دمئره شکئل ورئر و گوجلو اَلی ائله اوستونده ائشله‌یئر. او، آج دا اولور و طاقتدن دوشور؛ سوسوز قالیب اوزولور.

13دولگَر ائپله اؤلچور، آغاجی تاباشیرلا نئشانلاییر. رَنده‌له‌یئر، ائسته‌نئلَن شکئله سالیر، پَرگارلا دایره چکئر، ائنسان صورتی ورئر، ائنسان گؤزل‌لئیئنه بَنزه‌ر دوزَ‌لده‌رک، بئر بوت یارادیر کی، اِوئنه قویسون.

14ائنسان اؤزو اوچون سئدر آغاجلاری کَسئر، مِشه‌نئن آغاجلاریندان اؤزونه بئر شام آغاجی یا دا پالید آغاجی سِچئر. شئمشاد آغاجی اَکئر و یاغیش اونو بؤیودور.

15سونرا آغاج، اودون یرئنه ائشله‌نئر. ائنسان اونلاردان بئر آزینی گؤتوروب یاندیریر و اونونلا اؤزونو قیزدیریر. سوبا دا یاندیریب چؤرک پئشئرئر. هم ده اؤزونه بئر تاری دوزَ‌لدئر و اونو پرستئش ادئر. اویما بئر بوت دوزَ‌لدئر و اونون قاباغیندا یِره سَرئلئر.

16اودونون یاریسینی اوددا یاندیریر؛ آلوووندا اَت قیزاردیر و قارنینی دویوراراق، اؤزونو ده قیزدیریب دیئر: «آها، قیزدیم، آلووون ائستئسئنی حئسّ اتدئم!»

17لاکئن آغاجین قالیغیندان اؤزونه تاری، بئر اویما بوت دوزَ‌لدئر. اونون قاباغیندا یِره سَرئلئر و پرستئش ادئر؛ بو بوته دوعا ادئب یالواریر: «منی خئلاص ات، چونکی سنسن منئم تاریم!»

18اونلار بئلمئرلر، درک اتمئرلر، چونکی گؤزلری ده، اورَکلری ده اِله باغلی‌دیر کی، گؤره بئلمئرلر، آنلایا دا بئلمئرلر.

19هچ بئری یادینا سالمیر، فهم و آنلاغی دا یوخدور کی، دسئن: «اودونون یاریسینی یاندیردیم، کؤمورونون اوستونده ده چؤرک پئشئردئم. اَت قیزاردیرام، یِیئرَم. ائندی آیا اودونون قالیغیندان نجئس بئر شی دوزَ‌لدئب بئر پارچا تاختانین قاباغیندا یِره سَرئلئم؟!»

20بو، کول یمک کئمی دئر؛ آلدانمیش اورَک اونو یولدان ساپدیریر. جانینی قورتارا بئلمئر، دئیه ده بئلمئر: «صاغ اَلئمده‌‌کی مگر یالان دیئل؟»

21«ای یعقوب نسلی، ای ائسرایئل، بو شیلری خاطیرلا، چونکی سن قولومسان؛ من سنه شکئل وردئم، سن منئم قولومسان، سنی یاددان چیخارتمارام، ای ائسرایئل!

22تقصئرلرئنی قارا بولود کئمی، گوناهلارینی دا آغیر دومان کئمی سئلمئشم. منه طرف دؤن، چونکی من سنی ساتین آلمیشام.»

23شادلیقدان هارای چکئن، ای گؤیلر، چونکی بونو ادن ربدئر! سِوئنجله ترنّوم ادئن، ای یِرئن درئنلئکلری، ای داغلار، ای مِشه، ای مِشه‌ده‌کی بوتون آغاجلار، سِوئنجدن هارای چکئن، چونکی رب یعقوب نسلئنی ساتین آلیب، ائسرایئلده عئزّتئنی آشکار ادئر.

24سنی ساتین آلان، آنا بطنئنده سنه قورولوش ورن رب دیئر: «منم، رَب، بوتون شیلری یارادان، گؤیلری تَکجه یایان، تکباشینا یِر اوزونو سَرَن،

25یالانچی پیغمبرلرئن سحرلرئنی بوشا چیخاردان، فالچیلاری آخماق ادن، حئکمتلی‌لری گری قایتاران، اونلارین بئلئیئنی هِچه چِوئرَن،

26قولونون سؤزلرئنی تصدئق ادن، اِلچی‌لرئنئن سؤزلرئنی دوغرو ادن. منم کی، اورشلئم اوچون دیئرَم: ”بورادا ساکئنلری تزه‌دن ساکئن اولاجاق“، یهودا شهرلری اوچون ده: ”بونلار تزه‌دن بئنا اولاجاق، خارابالیقلارینی تزه‌دن برپا اده‌جیم.“

27منم کی، دهنزئن درئنلئیئنه دیئرم: ”قورو! من چایلارینی قوروداجاغام.“

28منم کی، کوروش حاقّیندا دیئرم: ”او، چوبانیمدیر، منه خوش اولان بوتون شیلری یرئنه یتئره‌جک.“ اورشلئم حاقّیندا اعلان ادئر: ”تزه‌دن بئنا اولاجاق“، معبد حاقّیندا دا دیئر: ”بونؤورَن قویولاجاق.“»

← Chapter 43 Chapter 45 →