Isaiah 45

azerbaijan-2013

1رب مسح اتدئیی کوروشا، صاغ اَلئندن توتدوغو آداما بله دیئر: «اونون قاباغیندا مئلّتلره باش اَیدئره‌جیم، پادشاهلاری قووّتلرئندن محروم اده‌جیم، حوضوروندا قاپیلاری آچاجاغام، دروازالار قاباغیندا بئر داها باغلانمایاجاق.

2من سنئن قاباغیندا گدئب کَله-کؤتور یِرلری هامارلیغا چِوئره‌جیم، بورونج قاپیلاری قیریب، دمئر قیفیللاری سیندیراجاغام.

3قارانلیقدا گئزلَنمئش خزئنه‌لری، گئزلی یِرلرده ساخلانیلان ثروتلری سنه وره‌جیم کی، بئله‌سن: بو، منم، رب، سنی آدینلا چاغیران ائسرایئلئن تاریسی‌.

4قولوم یعقوبون، سِچدئیئم ائسرایئلئن خاطئرئنه سنی آدینلا چاغیرمیشام، و سنه سوی آدی ورمئشم. حال بو کی، سن منی تانیمیردین.

5رب منم، باشقاسی یوخدور، مندن باشقا تاری یوخدور. سنی من گوجلَندئره‌جیم، حال بوکی، منی تانیماییبسان.

6اِله کی، گون‌دوغاندان گون‌باتانا قدر ائنسانلار بئلسئنلر کی، مندن باشقا هچ کئم یوخدور، رب منم، باشقاسی یوخدور.

7نورو، قارانلیغی، سالاماتلیغی و فلاکتی یارادان منم، بوتون بونلاری ادن رب، منم.

8ای گؤیلر، یوخاریدان داملایین، قوی بولودلار صالحلئک یاغدیرسینلار، قوی تورپاق آچیلسین، خئلاص بهره‌سئنی یِتئشدئرسئن، اونونلا بئرلئکده صالحلئک بئتسئن. بونلاری یارادان رب، منم.»

9یارادانی ائله چکئشه‌نئن وای حالینا! چکئشَن اؤزو ده ساخسی قابلار آراسیندا فقط بئر ساخسی‌دیر. مگر پالچیق کوزه‌گره دئیر: «نه دوزَ‌لدئرسن؟» و یا «یاراتدیغین شیئن اَللری یوخدور»؟

10آتاسینا «دونیایا نه گتئردئن؟» دئیه‌نئن وای حالینا! آناسینا «نه جور بئر شی دوغدون؟» دئیه‌نئن وای حالینا!

11ائسرایئلئن موقدّسی، اونو یارادان رب بله دیئر: «اؤولادلاریمین گله‌جیی حاقّیندا منه سوآل وره بئلرسئنئز مگر؟ گؤردوکلرئم ائشلر باره‌سئنده منه امر اده بئلرسئنئز مگر؟

12دونیانی یارادان، یِر اوزونده یاشایان آدامی دا یارادان منم. اَل‌لرئمله گؤیلری یایدیم، امرئمله اونون بوتون فوجلاری قورولدو.

13من کوروشو صالحلئکده قالدیرمیشام، یول‌لارینی هامار اده‌جیم. او، شهرئمی تئکه‌جک، اسئر اولونموش آداملاریمی فئدئیه‌سئز، بخشئشسئز آزاد اده‌جک.» بونو قوشونلار ربّی دیئر.

14رب بله دیئر: «مئصئرلی‌لرئن محصولو، کوشون تئجارت گلئری، اوجابویلو سِبالی‌لار یانینیزا گلئب قولونوز اولاجاقلار. اونلار دالینیزجا گده‌جکلر، بوخوولاناجاقلار. قاباغینیزدا تعظئم ادئب یالواراجاقلار: ”تاری قطعن سئزئنله‌دئر و باشقا بئرئسی یوخدور. بوندان باشقا تاری یوخدور.“»

15حقئقتن، سن اؤزونو گئزله‌دن بئر تاریسان، ای ائسرایئلئن تاریسی، ای قورتاریجی!

16اونلارین هامیسی خجالت آلتیندا قالاجاقلار، بلی، اوتاناجاقلار. بوت دوزَ‌لدنلر بئرلئکده خجالت ائچئنده اوزاقلاشاجاقلار.

17لاکئن ائسرایئله نئجاتی رب ورئبدئر. بو نئجات ابده‌جک سوره‌جک. سن عصرلر بویو خجالت آلتیندا قالمایاجاقسان، روسوای اولمایاجاقسان.

18چونکی گؤیلری یارادان رب بله دیئر! او همن تاری‌دیر کی، دونیایا شکئل وردی، اونو یاراتدی، رب اونو برقرار اتدی و اونو بوش اولماق اوچون یاراتمادی، یاشاماق اوچون قوردو. و دیئر: «من رَبّم، باشقاسی یوخدور!

19من گئزلئنده، قارانلیق دونیاسیندا دانیشمادیم، یعقوب نسلئنه دِمه‌دئم کی، ”منی قارماقاریشیق یرده آختارین.“ دوغروسونو دئیَن، عدالتی اعلان ادن رب، منم.»

20ییغیشین، گلئن، بئر یِره توپلاشین، ای مئلّتلردن صاغ قالان کَسلر! تاختا بوتلری گَزدئرَنلرئن، خئلاص ورمه‌ین آللاهلارا دوعا ادنلرئن هچ فهمی یوخدور.

21اعلان ادئن، ائشئنئزی تقدئم ادئن، دوغرودان دا قوی هامیسی بئرلئکده مصلحتلَشسئنلر: «بونو قدئمده کئم اعلان اتدی، کچمئشده کئم بئلدئردی؟» بونو من رب، مگر دِمه‌دئم؟ مندن باشقا تاری، عدالتلی تاری و قورتاریجی یوخدور. مندن باشقاسی یوخدور.

22ای دونیانین بوتون اوجقار یِرلرئنده یاشایانلار، منه طرف دؤنون و خئلاص اولون! چونکی من تارییام و باشقاسی یوخدور!

23وارلیغیم حاقّی آند ائچمئشم، آغزیمدان چیخان سؤز دوغرودور، بوشا چیخماز. هر دئز حوضورومدا ییخیلاجاق، هر دئل منه آند ائچه‌جک.

24منئم اوچون بله دئیه‌جکلر: «صالحلئک و قووّت فقط ربده‌دئر. ائنسانلار اونون یانینا گله‌جکلر، و بوتون اونا قضبلَنَنلر خجالت آلتیندا قالاجاقلار.

25بوتون ائسرایئل نسلی ربده حاق قازاناجاق و عئزّتلَنه‌جکدئر.»

← Chapter 44 Chapter 46 →