Isaiah 43

azerbaijan-2013

1آمّا ائندی، ای یعقوب، سنی یارادان رب، ای ائسرایئل، سنه شکئل ورن رب بله دیئر: «قورخما، چونکی من سنی ساتین آلیب قورتارمیشام، سنی آدینلا چاغیرمیشام، سن منئمسن!

2درئن سولاردان کچسن بِله، من سنئنله اولاجاغام، چایلاردان کچنده باتمایاجاقسان، اودون ائچئندن کچنده بِله، یانمایاجاقسان، آلوو سنی محو اتمیه‌جک.

3چونکی من سنئن تارین ربّم، ائسرایئلئن موقدّسی‌یَم، سنئن خئلاصکارینام. مئصئری سنئن اوچون فئدئیه، کوش و سِبا اؤلکه‌لرئنی سنئن آزادلیغینین عوضئنه ورمئشم.

4سن منئم نظرئمده دَیَرلی اولدوغونا گؤره، چوخ عزئز اولدوغونا گؤره، سنی سِودئیئم اوچون، سنئن عوضئنه باشقا آداملاری، حیاتین اوچون باشقا مئلّتلری وره‌جیم.

5قورخما، چونکی من سنئنله‌یم، نسلئندن اولانلاری شرقدن گتئره‌جیم، سنی قربدن بئر یِره ییغاجاغام.

6شئمالا دئیه‌جیم: اونلاری ور، جنوبا دئیه‌جیم: اونلاری ساخلاما. اوغوللاریمی اوزاقلاردان، قیزلاریمی دونیانین اوجقار یِرلرئندن گتئر.

7منئم آدیملا چاغیریلان هر ائنسانی، عئزّتئم اوچون یاراتدیغیم، بلی، شکئل وردئیئم، یاراتدیغیم هر بئر آدامی گتئر.»

8گؤزلری اولان حالدا کور خالقی، قولاقلاری اولان حالدا کار خالقی گتئر.

9بوتون مئلّتلر بئر یِره ییغیلیبلار، اِله کی، خالقلار توپلانسینلار. بونلاردان کئم بو سؤزو اعلان اده بئلر؟ اولوب-کچنلری بئزه کئم بئلدئرر؟ قوی شاهئدلرئنی ائره‌لی گتئرئب برائت قازانسینلار، یا دا اشئدئب دسئنلر: «بو دوزدور.»

10رب اعلان ادئر: «سئزسئنئز منئم شاهئدلرئم، سِچدئیئم قولوم، اِله کی، منی تانی‌ییب، منه ائناناسینیز، منئم او اولدوغومو آنلایاسینیز. مندن اوّل هچ تاری مؤوجود اولماییب، مندن سونرا دا اولمایاجاق.

11منم رب، فقط منم، مندن باشقا قورتاریجی یوخدور.

12منم کی، اعلان اتمئشم، قورتارمیشام، بئلدئرمئشم، آرانیزدا هچ قرئب آللاه یوخ ائدی. سئزسئنئز شاهئدلرئم.» رب اعلان ادئر، «تاری منم.

13حتّا ازلدن بَری من اویام، منئم اَلئمدن قورتاران یوخدور. من بئر شی ادنده بونا کئم مانع اولا بئلر؟»

14سئزی ساتین آلان، ائسرایئلئن موقدّسی، رب بله دیئر: «سئزئن خاطئرئنئزه من بابئله قوشون گؤندَ‌ره‌جیم. کَلدانئلری فخر اتدئکلری گَمئلرله قاچقینلارا دؤندَره‌جیم.

15من ربّم، سئزئن موقدّسئنئز اولان، ائسرایئلی یارادان، سئزئن پادشاه.»

16رب بله دیئر، او کی، دهنزده یول و گوجلو سولاردا طرئق آچیر،

17آتلارلا دؤیوش عارابا‌لارینی، ائگئد جنگاورلری ائله قوشونو بئرلئکده یولا چیخاردیر؛ اونلار ییخیلیبلار، قالخا بئلمئرلر، باسدیریلیب، پئلته کئمی سؤندورولوبلر.

18اوّلکی شیلری یادا سالمایین، کؤهنه حادئثه‌لر باره‌سئنده دوشونمه‌یئن.

19باخ، من تزه بئر شی اده‌جیم، ائندی او باش وره‌جک، مگر سئز بونو باشا دوشمه‌یه‌جکسئنئز؟ بلی، من چؤللوکده یول سالاجاغام، قورو تورپاقدا چایلار یاراداجاغام.

20چؤلون حیوانلاری، چاقّاللار و بایقوشلار منه عئزّت وره‌جکلر، چونکی صحرادا سو ورمئشم، کؤشَنده چایلار آچمیشام کی، سِچدئیئم خالقا سو ورئم.

21او خالق کی، اونا اؤزوم اوچون شکئل وردئم؛ منه حمدلر گتئرمک اوچون.

22لاکئن سن، ای یعقوب نسلی، منئم آدیمی چاغیرماییبسان، ای ائسرایئل، مندن بِزئبسن.

23یاندیرما قوربانی اوچون منه قویونلاریندان گتئرمه‌یئبسن، قوربانلارینلا منه حؤرمت اتمه‌یئبسن. سنه تقدئملره گؤره یوک اولمامیشام، کوندور تقدئملری ائله ده سنی بِزدئرمه‌مئشم.

24منئم اوچون پوللا گؤزل عطئرلی قامیش آلماییبسان، قوربانلارینین پئیی ائله منی دویدورماییبسان. عکسئنه، سن گوناهلارینی منه یوکله‌یئبسن، تقصئرلرئنله منی یوروبسان.

25منم، بلی منم کی، اؤز خاطئرئمه گؤره تقصئرلرئنی سئلئرَم، و گوناهلارینی دا یادا سالمارام.

26یادیما سال، گل داعوامیزی بئربئرمئزله بحث اِدَک، داعوانی آچیقلا کی، بلکه بَرائت قازاناسان.

27ائلک جَدّئن گوناها باتدی، سنئن طرفئندن دانیشانلار دا منه عاصی اولدولار.

28بونا گؤره ده من، عئبادتگاهین رهبرلرئنی نجئسلئیه مجبور اده‌جیم. یعقوب نسلئنی قیرغینا، ائسرایئلی ده رذالته محکوم اده‌جیم.

← Chapter 42 Chapter 44 →