Exodus 19

azerbaijan-2013

1ائسرایئل اؤولادلاری مئصئر تورپاغیندان چیخدیقدان اوچ آی سونرا، تزه آی گونو سئنا صحراسینا گلدئلر.

2ائسرایئللی‌لر رِفئدئمدن کؤچوب، سئنا صحراسینا گلدئلر. او صحرادا ائسرایئل اؤولادلاری داغین موقابئلئنده دوشَرگه سالدیلار.

3موسا داغا، تارینین حوضورونا چیخدی. رب اونو داغدان چاغیریب ددی: «یعقوب نسلئنه، ائسرایئل اؤولادلارینا بله دِه:

4”سئز اؤزونوز گؤردونوز کی، مئصئرلی‌لره نه‌لر اتدئم و سئزی قارتال قانادلاریندا نجه داشی‌ییب یانیما گتئردئم.

5ائندی اگر سؤزومه دئقّتله قولاق آسیب، عهدئمی ساخلایاسینیز، سئز بوتون خالقلار آراسیندان منه عایید خالق اولاجاقسینیز. بوتون یر اوزو منئمدئر؛

6سئز منئم اوچون کاهئنلر سلطنتی و موقدّس مئلّت اولاجاقسینیز.“ بو سؤزلری ائسرایئل اؤولادلارینا دمه‌لی‌سن.»

7موسا گلئب خالقین آغساقّاللارینی چاغیردی و ربّئن اونا امر اتدئیی بوتون بو سؤزلری اونلارین موقابئلئنه قویدو.

8بوتون خالق بئرلئکده بله جاواب وردی: «ربّئن بوتون ددئکلرئنه عمل اده‌جیئک.» موسا خالقین جاوابینی ربّه چاتدیردی.

9رب موسایا ددی: «باخ، من سنئن یانینا آغیر بولوددا گلئرم، قوی خالق سنئنله دانیشدیغیمی اشئدئب، سنه دائم ائنانسینلار.» موسا خالقین سؤزلرئنی ربّه چاتدیردی.

10رب موسایا ددی: «خالقین یانینا گت. بو گون و صاباح اونلاری تقدئس ات. قوی پالتارلارینی دا یوسونلار.

11اوچونجو گونه حاضیر اولسونلار، چونکی اوچونجو گون بوتون خالقین گؤزو قاباغیندا، رب سئنا داغی اوستونه اِنه‌جک.

12خالقین اطرافینا سرحد چکئب دِه: ”اؤزونوزو داغا چیخماقدان، اونون اَته‌یئنه توخونماقدان گؤزله‌یئن. داغا توخونان هر کس اؤلدورولمه‌لی‌دئر.

13اونا اَل دیمیه‌جک. بونو ادن ائستر حیوان، ائستر ائنسان اولسون، داشا باسیلمالی‌دیر، یا دا اوخونان وورولمالی‌دیر. قوچ بوینوزوندان اولان کَره‌نای اوزون چالیناندا اونلار داغا چیخاجاقلار.“»

14موسا داغدان خالقین یانینا اِندی. او، خالقی تقدئس اتدی. اونلار پالتارلارینی یودولار.

15سونرا موسا خالقا ددی: «اوچونجو گونه حاضیر اولون، آروادلارلا یاخینلیق اتمه‌یئن.»

16اوچونجو گونون سحری آچیلاندا، گؤی گورولتوسو، شئمشَکلر، داغ اوستونده آغیر بئر بولود و چوخ اوجا کَره‌نای سَسی اولدو. دوشَرگه‌ده اولان بوتون خالق تئتره‌دی.

17تارینین پئشوازی اوچون، موسا خالقی دوشَرگه‌دن آپاردی و اونلار داغین اَته‌یئنده دوردولار.

18بوتون سئنا داغی توستو ائچئنده ائدی، چونکی رب اونون اوستونه آلوو ائچه‌رئسئنده اِنمئشدی. توستوسو کوره‌نئن وردئیی توستو کئمی چیخدی. بوتون داغ تئتره‌‌دی.

19کَره‌نای سَسی گت‌-‌گده اوجالدی. موسا دانیشیردی و تاری اونا سَسله جاواب ورئردی.

20رب سئنا داغی اوستونه، داغین باشینا اِندی و موسانی داغین باشینا چاغیردی. موسا اورایا قالخدی.

21رب موسایا ددی: «دوش، خالقا تاپشیر کی، مبادا ربّی گؤرمک اوچون اونون طرفئنده اولان سرحدی کچسئنلر، یوخسا چوخلاری محو اولارلار.

22ربّه یاخینلاشان کاهئنلر ده اؤزلرئنی تقدئس اتسئنلر کی، رب اونلارا ضئدّ چیخماسین.»

23موسا ربّه ددی: «خالق سئنا داغینا چیخا بئلمز، چونکی سن بئزه ائخطار ورئب ددئن: ”داغا سرحد چک و اورانی تقدئس ات.“»

24رب اونا ددی: «دوش گت. سن و سنئنله برابر هارون بورایا چیخین. قویما کاهئنلرله خالق ربّئن یانینا چیخماق اوچون سرحدی کچسئنلر؛ یوخسا او، خالقا ضئدّ چیخار.»

25موسا خالقین یانینا اِنئب بونو اونلارا ددی.

← Chapter 18 Chapter 20 →