Exodus 18

azerbaijan-2013

1مئدیانلی کاهئن یئترون کی، موسانین قاییناتاسی ائدی، تارینین موسا و خالقی ائسرایئل حاقّیندا اتدئیی بوتون ائشلری، و ربّئن ائسرایئلی مئصئردن نجه چیخارتدیغینی اشئتدی.

2موسانین قاییناتاسی یئترون، موسانین آروادی صئپّورانی ائکی اوغلو ائله بئرلئکده گری گتئردی، موسا اوّلجه‌دن آروادی اونون یانینا گؤندَرمئشدی.

3موسا اوغلانلارینین بئرئنئن آدینی گِرشوم قویوب دِمئشدی: «من یاد بئر اؤلکه‌ده قرئب اولدوم.»

4موسا او بئرئسئنئن آدینی اِلئعِزِر قویوب دمئشدی: «آتامین تاریسی کؤمه‌یئم اولدو و منی فئرعونون قیلینجیندان قورتاردی.»

5موسانین قاییناتاسی یئترون، موسانین اوغوللاری و آروادی ائله، موسانین صحرادا، تاری داغیندا دوشَرگه سالدیغی یره گلدی.

6یئترون بو خبری موسایا گؤندَ‌ردی: «من، سنئن قاییناتان یئترون، آروادین و ائکی اوغلونلا یانینا گلئرم.»

7موسا قاییناتاسینین پئشوازینا چیخدی، تعظئم ادئب اونونلا اؤپوشدو؛ اونلار بئربئرلرئندن حال-اَحوال توتوب چادیرا گئردئلر.

8موسا قاییناتاسینا نقل اتدی کی، رب ائسرایئلئن خاطئرئنه فئرعون و مئصئرلی‌لره نه اتدی، یولدا باشلارینا گلن بوتون زحمتلری، و ربّئن اونلاری نجه قورتاردیغینی دا ددی.

9یئترون ربّئن ائسرایئله اتدئیی بوتون یاخشیلیقلارا و مئصئرلی‌لرئن الئندن اونلاری قورتاردیغینا گؤره سِوئندی.

10یئترون ددی: «سئزی مئصئرلی‌لرئن و فئرعونون اَلئندن قورتاران ربّه شوکور اولسون! خالقی مئصئرلی‌لرئن اَلئنئن آلتیندان قورتاران اودور.

11ائندی بئلدئم کی، رب بوتون آللاهلاردان بؤیوکدور، چونکی اونلارین فخر اتدئکلرئندن ده اوستون اولدو.»

12سونرا موسانین قاییناتاسی یئترون، تارییا یاندیرما و باشقا قوربانلاری گتئردی. هارونلا ائسرایئلئن بوتون آغساقّاللاری موسانین قاییناتاسی ائله تارینین حوضوروندا یمک یمیه گلدئلر.

13صاباحیسی گون موسا اوتوروب خالقا قاضیلیق ادئردی. خالق دا سحردن آخشاماجاق موسانین اطرافیندا دایانمیشدی.

14قاییناتاسی موسانین خالق اوچون نه اتدئیئنه باخیب ددی: «نه اوچون بو خالقا بله ادئرسن؟ نئیه سن تَک اوتورورسان و بوتون خالق سحردن آخشاماجاق اطرافیندا دایانیب گؤزله‌یئر؟»

15موسا قاییناتاسینا ددی: «اونا گؤره کی، خالق تاریدان سوروشماق اوچون منئم یانیما گلئر.

16آرالاریندا داعوا چیخاندا، مَسَله منئم یانیما گلئر. من ده اونلارین آرالاریندا قضاوت ادئب، تارینین قایدا-قانونلارینی اونلارا بئلدئرئرم.»

17موسانین قاییناتاسی اونا ددی: «گؤردویون ائش یاخشی دیئل.

18البتّه، هم سن، هم ده سنئنله اولان خالق اوزولرسئنئز. بو ائش سنئن اوچون آغیردیر، اونو تَکباشینا اده بئلمزسن.

19ائندی سؤزومه قولاق آس، سنه بئر مصلحت ورئم. قوی تاری سنه یار اولسون! سن بو خالقا گؤره، تارینین حوضوروندا دایان و ائشلرئنی ده اونا چاتدیر.

20اونلاری قایدا-قانونلار باره‌سئنده خبردار اده‌جکسن؛ گده‌جکلری یولو و گؤره‌جکلری ائشی گؤرسده‌جکسن.

21بوتون خالق آراسیندان باجاریقلی، تاریدان قورخان، حقئقت آختاران، حاقسیز قازانجدان نئفرت ادن آداملاری سِچ. اونلاری مئنباشی، یوزباشی، اَلّی‌باشی و اونباشی تعیئن ات کی،

22خالق آراسیندا دائم قضاوت اتسئنلر. قوی هر بؤیوک ائشی سنئن یانینا گتئرسئنلر، آمّا هر کئچئک ائشه اؤزلری قاضی اولسونلار. بله‌جه اؤز یوکونو یونگوللَشدئر. قوی بو یوکو او آداملار سنئنله داشیسینلار.

23اگر بله اده‌سن، تاری دا سنه بله امر اتسه، دؤزه بئلرسن. بوتون خالق دا راضی اولوب اؤز یرئنه گدر.»

24موسا قاییناتاسی دئیَن بوتون سؤزلره قولاق آسیب عمل اتدی.

25موسا بوتون ائسرایئل آراسیندان باجاریقلی آداملار سچدی و اونلاردان خالقا باشچی؛ مئنباشی‌لار، یوزباشیلار، اَلّی‌باشیلار، و اونباشیلار تعیئن اتدی.

26اونلار دائم خالق آراسیندا قضاوت ادئردئلر؛ چتئن ائشلری موسانین یانینا گتئرئب، آمّا هر کئچئک ائشه اؤزلری قاضی اولوردولار.

27سونرا موسا، قاییناتاسینی یولا سالدی، او دا اؤز اؤلکه‌سئنه گتدی.

← Chapter 17 Chapter 19 →