Ecclesiastes 6

azerbaijan-2013

1گون آلتیندا گؤردویوم بئر پئسلئک وار و ائنسانلار آراسیندا چوخ یاییلیب:

2آدام وار کی، تاری اونا وار-دؤولت و عئزّت ورئب، اله کی، آرزو اتدئیی هر شیدن جانی اوچون اَسکئیی یوخدور، آنجاق اونا بو شیلردن ییئب-ائچمه‌یه ائمکان ورمئر. یاد بئر آدام اونون مالینی یِیئر. بو دا باطئلدئر، یامان بئر درددئر.

3بئر آدام یوز اوشاغین آتاسی اولوب چوخ ائل‌لر یاشاسا دا، اوزون عؤمرونون عوضئنده جانی یاخشیلیقلا دویماییب، حؤرمتله دفن اولونماسا، منجه دوشموش اوشاق اوندان یاخشی‌دیر.

4چونکی بله اوشاق بوش یره دوغولور، قارانلیق ائچئنده ائتئب-گدئر، هچ آدی دا چکئلمئر.

5گرچی نه گون گؤروب نه ده بئر شی بئلئب، لاکئن بو اوشاغین راحاتلیغی او آدامدان داها چوخدور.

6حتّا اگر ائکی دفه مئن ائل یاشاسا دا، یاخشی شیلردن کف اتمه‌یی بئلمئر. مگر هر ائکئسی ده بئر یره گتمئر؟

7ائنسانین بوتون زحمتی قارنی اوچوندور، لاکئن گئنه ده جانی دویماز.

8حئکمتلی آدامین سَفِهدن نه اوستونلویو وار؟ فاغیرا نه فایدا وار کی، یاشایانلار آراسیندا نجه رفتار اتمه‌یئنی بئلسئن؟

9گؤزون گؤرمه‌سی جانین آرزو چکمه‌سئندن یاخشی‌دیر. بو دا باطئلدئر، یل دالینجا قاچماقدیر.

10نه وارسا، چوخدان اونا آد قویولوب، ائنسانین نه اولدوغو دا بئلئنئب؛ هچ کس اؤزوندن قووّتلی اولانلا گولَشه بئلمز.

11سؤزلرئن چوخلوغوندا باطئللئک ده چوخدور، بونون ائنسانا نه فایداسی وار؟

12چونکی کؤلگه کئمی گلئب گِدن عؤمرونون بوش گونلرئنده، کئم بئلئر کی، ائنسان اوچون یاخشی شی نه‌دئر؟ کئم بئر آداما دئیه بئلر کی، اوندان سونرا گون آلتیندا نه باش وره‌جک؟

← Chapter 5 Chapter 7 →