Ecclesiastes 11

azerbaijan-2013

1چؤره‌یئنی سولار اوستونه آت، چونکی چوخ گونلردن سونرا اونو تاپارسان.

2یدّی کئشئیه، حتّا سکّئز کئشئیه پای ور، چونکی یر اوزونده نه پئس گون گله‌جیئنی بئلمئرسن.

3اگر بولودلار یاغیشدان دولو اولسالار، اؤزلرئنی یر اوزونه بوشالدارلار؛ اگر بئر آغاج دا جنوب و یا شئمال طرفئنه ییخیلسا، اِله ییخیلدیغی یرده ده قالار.

4یلی موشاهئده ادن توخوم سَپمَز، بولودلاری گؤرن ده بئچمَز.

5نجه کی، یلئن یولونو بئلمئرسن، نجه کی، بویلو آروادین قارنیندا سوموکلرئن نجه بؤیودویونو بئلمئرسن، اِله ده، بوتون بو شیلری یارادان تارینین ائشلرئنی بئلمئرسن.

6توخومونو سحر واختی سَپ، آخشاما قدر اَلئنی دئنجَلمک اوچون چکمه؛ چونکی بئلمئرسن کی، بو یاخشی اولاجاق، یوخسا او، یا دا هر ائکئسی بئرلئکده یاخشی اولاجاقلار.

7دوغرودان دا ائشیق شئرئندئر، گونشی گؤرمک ده گؤزلره خوشدور؛

8بئر آدام چوخ ائللر ده یاشاسا، اونلارین هامیسیندا شادلیقلا یاشاسین. لاکئن قارانلیق گونلرئن اولدوغونو دا یاددان چیخارتماسین، چونکی اونلار چوخ اولاجاقلار. گله‌جک هر شی باطئلدئر.

9ای جاوان، جاوانلیغیندا سِوئن، قوی اوره‌یئن سنی جاوانلیق گونلرئنده سِوئندئرسئن. اوره‌یئنئن ائسته‌دئیئنده، گؤزلرئنئن گؤردوکلرئنده یِری؛ لاکئن بئل کی، تاری بونلارین هامیسینا گؤره سنی موحاکئمه اده‌جکدئر.

10اوندان اؤتری ده، کَدَری اوره‌یئندن چیخارت، زحمتی ده بدنئندن اوزاقلاشدیر، چونکی جاوانلیق دا، جاوانلیغین قووّتی ده باطئلدئر.

← Chapter 10 Chapter 12 →