Ecclesiastes 12

azerbaijan-2013

1جاوانلیق گونلرئنده سنی یارادانی خاطیرلا؛ یامان گونلرئن گلمه‌یئندن قاباق، او ائللرئن یتئشدئیئندن قاباق کی، دئیه‌سن: «اونلاردان خوشوم گلمئر.»

2او واختدا کی، گون و ائشیق، آی و اولدوزلار حله سؤنمه‌یئبلر، بولودلار دا یاغیشدان سونرا حله قاییتماییبلار.

3او گونده کی، اِوی ساخلایانلار اَسئرلر، پهلوانلار اَیئلئرلر، دَیئرمان دارتانلار آزالدیقلاری اوچون ائشدن قالیرلار، پنجره‌لردن باخانلار قارالیرلار،

4کوچه‌یه آچیلان قاپیلار باغلانیرلار، دَیئرمانلار سَسدن دوشورلر. او واختدا کی، آدام قوشون سَسئندن اویانیر و بوتون نغمه قیزلارینین سَسی آلچالیر.

5حتّا او واختدا کی، اونلار اوجا یرلردن، یولون دهشتئندن قورخورلار. او واختدا کی، بادام آغاجی چئچکله‌نئر، چَیئرتکه اؤزونو گوجله چکئر، هوس یاتیر. سونرا دا آدام اؤز ابدی اِوئنه گدئر و یاس توتانلار کوچه‌لره دوشورلر.

6گوموش زنجئری قوپمامیش، قیزیل کاسا قیریلمامیش، بولاق باشیندا کوزه تئکه-تئکه اولمامیش، قویو یانیندا چرخ سینمامیش سنی یارادان تارینی خاطیرلا.

7چونکی تورپاق، گلدئیی یره قاییداجاق، روح دا اونو ورن تارییا دؤنه‌جکدئر.

8او واعئظ دیئر: «باشدان باشا باطئلدئر! هر شی باطئلدئر.»

9بوندان علاوه، او واعئظ، حئکمتلی اولدوغو اوچون آداملارا معرئفت اؤیرَتمه‌یئنه داوام وردی. بلی، او دَیَرله‌دی، آختاردی و بئر چوخ مثل ترتئب اتدی.

10او واعئظ مقبول سؤزلری تاپماق اوچون تفتئش اتدی و اونون یازدیقلاری دوزدور؛ حقئقتئن سؤزلری‌دئر.

11حئکمتلی‌لرئن سؤزلری بئز کئمی و عالئملرئن سؤزلری ده برک وورولموش میخلار کئمی‌دئر. اونلار بئر چوباندان ورئلئر.

12بونلاردان علاوه، اوغلوم دئقّتلی اول. چوخ کئتابلار یازماغا آخیر یوخدور. چوخ موطالئعه ده بدنی یورولدور.

13ائندی کی، هر شی اِشئدئلئب، مطلبئن آخیری بودور: تاریدان قورخ، و اونون امرلرئنی ساخلا، چونکی ائنسانین بوتون وظئفه‌سی بودور.

14چونکی تاری هر ائشی، هر گئزلی شیی، ائستر یاخشی ائستر یامان، موحاکئمه‌یه چکه‌جکدئر.