Deuteronomy 23

azerbaijan-2013

1جئنسئیّت عوضوو اَزئلمئش یا دا کَسئلمئش شخص ربّئن جاماعاتینا داخئل اولا بئلمز.

2نامشروع دوغولان ربّئن جاماعاتینا داخئل اولا بئلمز. اونون اؤولادلاری، حتّا اونونجو نسله قدر ربّئن جاماعاتینا داخئل اولا بئلمزلر.

3ربّئن جاماعاتینا هچ بئر عَمّونلو و یا موآبلی داخئل اولا بئلمز. اونلارین هچ بئر اؤولادی، حتّا اونونجو نسله قدر ده ربّئن جاماعاتینا اصلا داخئل اولا بئلمز،

4چونکی اونلار مئصئردن چیخدیغینیز زامان، یولدا سئزی چؤرک و سو ائله پئشواز اتمه‌دئلر. سئزه لعنت اتمک اوچون اَرام‌نَخه‌ره‌یئمده‌کی پِتور شهرئندن بِعور اوغلو بَلعامی اوجرتله توتدولار.

5آمّا تارینیز رب بَلعامی اشئتمک ائستمه‌دی. تارینیز رب بو لعنتی سئزئن اوچون برکته چِوئردی، چونکی او سئزی سِوئر.

6نه قدر عؤمرونوز وارسا، اونلارین صولحو و یا رئفاهی اوچون چالیشمایین.

7آمّا اِدوملولاردان ائیره‌نمه‌یئن، چونکی اونلار سئزئن قوحوملارینیزدیر. مئصئرلی‌لردن ده ائیره‌نمه‌یئن، چونکی تورپاقلاریندا قرئب ائدئنئز.

8اونلاردان دوغولانلارین اوچونجو نسلی ربّئن جاماعاتینا داخئل اولا بئلر.

9دوشمنلرئنئزله دؤیوشمَک اوچون چیخاندا، اؤزونوزو هر جور پئسلئکدن حئفظ ادئن.

10اگر گجه یاتارکن آرانیزدا توخومو تؤکولَن شخص اولسا، او، اوردوگاهدان کنارا چیخسین و اورایا تکرار گئرمه‌سئن.

11آخشاماجاق سو ائله یویونسون و گون باتان واخت اوردوگاها قاییتسین.

12اوردوگاهینیزدان کناردا آیاق یولو اوچون یر تعیئن ادئن.

13اسبابلارینیز آراسیندا یر قازماق اوچون بِل ده اولسون کی، آیاق یولونا گدنده ائفرازاتین اوستونو باسدیرا بئله‌سئنئز.

14تارینیز رب سئزی قورتارماق و دوشمنلرئنئزی سئزه تسلئم اتمک اوچون اوردوگاهینیزین ائچئنده گَزئر. اونا گؤره اوردوگاهینیز موقدّس اولسون کی، رب نانَجئب بئر شی گؤروب سئزدن اوز دؤندَ‌رمه‌سئن.

15آغاسینین یانیندان سئزئن یانینیزا قاچان قولو آغاسینا قایتارمایین.

16قوی اؤزو سچه‌جیی یرده، بَیَندئیی بئر شهرده آرانیزدا یاشاسین. اونونلا پئس رفتار اتمه‌یئن.

17ائسرایئل‌لی آرواد و یا کئشی هچ بئر معبده فاحئشه‌لئک اتمه‌سئن.

18آروادین و یا کئشئنئن فاحئشه‌لئکله قازاندیغی قازانجی تارینیز ربّئن معبدئنه تقدئم اتمه‌یئن. هر ائکئسی تارینیز ربّه ائیرنجدئر.

19هموطنئنئزه پولو، ارزاقی، یا دا فایض گتئرن آیری بئر شیی سَلَمه بورج ورمه‌یئن.

20یاد اِللئدن فایض آلا بئلرسئنئز، آمّا هموطنئنئزدن آلمایین کی، تارینیز رب مالئک اولماق اوچون گده‌جیئنئز تورپاقدا اَل آتدیغینیز هر ائشه برکت ورسئن.

21تارینیز ربّه بئر نذر ادنده، نذئری یوباتمایین، چونکی اونو یرئنه یتئرمه‌مه‌یئنئز گوناه ساییلیر و تارینیز رب بونو سئزدن طلب اده‌جک.

22آمّا اگر نذر اتمکدن چکئنئرسئنئز، بو، سئزه گوناه ساییلماز.

23دئقّت ادئن کی، آغزینیزدان چیخانی یرئنه یتئره‌سئنئز، چونکی تارینیز ربّه اؤز ائختئیارینیزلا اورَکدن نذر ادئبسئنئز.

24قونشونوزون باغینا گئرنده دویونجا اوزوم یئیه بئلرسئنئز، آمّا سبدئنئزه ییغمایین.

25قونشونوزون زمئسئنه گئرنده اَلئنئزله باشاق ییغا بئلرسئنئز، آمّا زمئیه اوراق وورمایین.

← Chapter 22 Chapter 24 →