Deuteronomy 22

azerbaijan-2013

1اگر هموطنئنئن آزمیش اؤکوز و یا قویونونو گؤره‌سن، اؤزونو گؤرمه‌مَزلئیه وورما. اؤکوزو و یا قویونو هموطنئنه گری قایتارمالی‌سان.

2اگر هموطنئن سندن اوزاقدادیر یا دا حیوانین کئمه عایید اولدوغونو بئلمئرسن، اوندا اونو اؤز اِوئنه آپار. هموطنئن اونو آختاراناجاق بو حیوان اِوئنده قالسین. سونرا اونو گری قایتار.

3هموطنئنئن اِششه‌یئنی، پالتارینی و یا ائتئردئیی آیری شیلری تاپاندا دا بو جور اتمه‌لی‌سن. اؤزونو گؤرمه‌مَزلئیه وورما.

4گؤرنده کی، هموطنئنئن اِششه‌یی و یا اؤکوزو یولدا ییخیلیب، اؤزونو گؤرمه‌مَزلئیه وورما. گرک کؤمک ادئب حیوانی آیاغا قالدیراسان.

5آرواد کئشی پالتاری، کئشی ده آرواد پالتارینی گیئنمه‌سئن؛ چونکی بله شیلری ادن هر کس تارینیز ربّه ائیرنج گؤرونور.

6اگر تصادوفَن یولدا، آغاجدا و یا تورپاق اوستونده بئر قوش یوواسی گؤره‌سن و آنا قوش بالالارینین یا دا یومورتالارینین اوستونده اوتورموشسا، آنا قوشو بالالاری ائله بئرلئکده گؤتورمه.

7اؤزون اوچون بالالارینی گؤتوره بئلرسن، آمّا آناسینی گرک بوراخاسان. بله اده‌سن، حیاتین خوش، عؤمرون اوزون اولار.

8تزه تئکدئیئن اِوئن دامینین کنارینا قیسا دووار چک کی، کئمسه دامیندان ییخیلیب اؤلسه، قانی اِوئنئن اوستونه دوشمه‌سئن.

9باغیندا ائکی جور توخومو قاریشدیریب اَکمه. بله اده‌سن، اَکدئیئن توخومون دا، باغین محصولو دا نجئسدئر.

10شوخوملاماق اوچون اِششَکله اؤکوزو یاناشی قوشما.

11یونلا کتاندان توخونموش قاریشیق قوماشدان پالتار گیئنمه.

12بوروندویون عبانین دؤرد طرفئنه قوتاز سال.

13اگر بئر نفر آرواد آلیب یاخینلیق ادندن سونرا اونو بَیَنمه‌سه،

14و اونا شر آتیب آدینی لَکه‌لَسه و دسه: ”بو قیزی آلدیم، اونونلا یاخینلیق ادندن سونرا گؤردوم کی، باکئره دیئل.“

15اوندا آتا-آناسی قیزین ”اوز آغلیق مَلَفه‌سئنی“ دروازایا، شهر آغساقّاللارینین یانینا گتئرسئنلر.

16قیزین آتاسی شهر آغساقّاللارینا بله دسئن: ”بو آداما قیزیمی آرواد وردئم. ائندی قیزیمی بَیَنمئر.

17باخین، بو آدام قیزیمین آدینی لَکه‌له‌یئب دیئر: ”سنئن قیزینی باکئره تاپمادیم. لاکئن بو، قیزیمین اوز آغلیق مَلَفه‌سی‌دئر.“ مَلَفه‌نی شهرئن آغساقّاللارینین قاباغینا سَرسئنلر.

18شهرئن آغساقّاللاری او آدامی توتوب جزالاندیرسینلار.

19اونو یوز گوموش شِکِل جزاسینا محکوم ادئب، قیزین آتاسینا ورسئنلر، چونکی او آدام ائسرایئلده بئر قیزین آدینی لَکه‌له‌یئب. بو آرواد همئن آدامین آروادی اولاجاق و عؤمرو بویو اونو بوشایا بئلمز.

20آمّا اگر ائدّئعا دوغرودور و قیز باکئره تاپیلماسا،

21اوندا جاوان آروادی، آتاسینین اِوئنئن قاپیسینا چیخارتسینلار. شهرئن کئشئلری اونو داشا باسیب اؤلدورسونلر، چونکی آتا اِوئنده زئنا اتمکله ائسرایئلده ناموسسوزلوق ادئب. بله‌جه آرانیزدان بو پئسلئیی تمئزله‌یئن.

22کئم آیریسینین آروادی ائله یاتاقدا توتولسا، او زامان هر ائکئسی ده اؤلدورولسون؛ آرواد و آروادلا یاتان کئشی. بله‌جه ائسرایئلدن بو پئسلئیی تمئزله‌یئن.

23اگر بئر قیز بئر کئشئیه نئشانلیدیرسا، و شهرده کئمسه اونو تاپیب اونونلا یاخینلیق اتسه،

24او زامان اونلارین ائکئسئنی ده او شهرئن دروازاسینا گتئرئن و داشا باسیب اؤلدورون؛ چونکی قیز شهرده اولدوغو حالدا قیشقیرماییب، کئشی ده هموطنئنئن آروادینین ناموسونا توخونوب. بله‌جه آرانیزدان بو پئسلئیی آتین.

25اگر بئر کئشی نئشانلی قیزا چؤلده راست گلسه، اونو زورلاییب اونونلا یاخینلیق اتسه، او زامان فقط اونونلا یاخینلیق ادن کئشی اؤلدورولسون.

26جاوان آروادا هچ نه اتمه‌یئن؛ اوندا اؤلومه لایئق بئر گوناه یوخدور. اونا گؤره کی، بئر آدام قونشوسونا نجه هوجوم ادئب اؤلدورَرسه، بو ائش ده اله‌دئر.

27چونکی کئشی قیزا چؤلده راست گلئب. نئشانلی قیز قیشقیریب، آمّا کؤمه‌یئنه چاتان اولماییب.

28اگر کئمسه نئشانلانمامیش باکئره بئر قیزا راست گلسه، و اونو توتوب اونونلا زورلا یاتسا و توتولسالار،

29او زامان اونونلا یاخینلیق ادن آدام قیزین آتاسینا اَلّی شِکِل گوموش ورسئن و همئن قیز اونون آروادی اولسون، چونکی اونو ذلئل ادئبدئر؛ او، آروادی عؤمرو بویو بوشایا بئلمز.

30هچ کئم آتاسینین آروادینی آلماسین و آتاسینین اِولئلئک یاتاغینی لَکه‌لَمه‌سئن.

← Chapter 21 Chapter 23 →