Deuteronomy 16

azerbaijan-2013

1آبئب آیینی رئعایت ادئن و تارینیز ربّئن پاسخا بایرامینی توتون. چونکی تارینیز رب سئزی مئصئردن آبئب آییندا گجه ائکن چیخارتدی.

2تارینیز ربّئن اؤز آدینا مسکن سچه‌جیی یرده قویون-کچئلرئنئزدن، مال-حیوانینیزدان پاسخا قوربانی کسئن.

3قوربان اَتی ائله بئرلئکده مایالی چؤرک یمه‌یئن؛ اونونلا یدّی گون مایاسیز چؤرک، یعنی اذئیّت چؤره‌یی ییئن. چونکی مئصئر اؤلکه‌سئندن تَلَسئک چیخدینیز. اله کی، عؤمور بویو مئصئردن چیخدیغینیز گونو یاددا ساخلایاسینیز.

4اؤلکه‌نئزئن هچ بئر یرئنده یدّی گون مایا گؤرونمه‌سئن. قوربان کَسدئیئنئز حیوانلارین اَتی بئرئنجی گونون آخشامیندان صاباحا قالماسین.

5پاسخا قوربانلارینی تارینیز ربّئن سئزه وره‌جیی شهرلرئن هچ بئرئنده کسمه‌یئن،

6آنجاق تارینیز ربّئن اؤز آدینا مسکن سچه‌جیی یرده کسئن. پاسخا قوربانینی آخشام، گون باتاندا، مئصئردن چیخدیغینیز ساعاتلاردا کسئن.

7اَتی تارینیز ربّئن سچه‌جیی یرده پئشئرئب ییئن. سحر آچیلاندا اورادان چیخیب چادیرلارینیزا قاییدین.

8آلتی گون مایاسیز چؤرک ییئن. یدّئنجی گون تارینیز رب اوچون طَنطَنه‌لی ییغین کچئردئن و هچ بئر ائش گؤرمه‌یئن.

9یدّی هفته اؤزونوز اوچون سایین، اَکئنه اوراق ووردوغونوز ائلک گوندن یدّی هفته سایین.

10تارینیز ربّئن سئزه وردئیی برکته گؤره، اؤز گؤیلو ائله تقدئم ورمکله تارینیز رب اوچون هفته‌لر بایرامی کچئردئن.

11تارینیز ربّئن حوضوروندا یعنی اونون اؤز آدینا مسکن سچه‌جیی یرده سئز، اوغلونوز، قیزینیز، قولونوز، کنئزئنئز، شهرلرئنئزده یاشایان لاوئلی‌لر، آرانیزدا یاشایان قرئبلر، یتئملر و دول‌لار بئرلئکده شادلیق اده‌جکسئنئز.

12مئصئرده قول اولدوغونوزو یادا سالین و بو قایدالارا دئقّتله عمل ادئن.

13خَرمَنئنئزدن، اوزوم سیخانینیزدان محصول گؤتورندن سونرا، اؤزونوز اوچون یدّی گون چارداقلار بایرامی توتون.

14بو بایرامدا سئز، اوغلونوز، قیزینیز، قولونوز، کنئزئنئز، شهرلرئنئزده یاشایان لاوئلی‌لر، قرئبلر، یتئملر و دول‌لار بئرلئکده شادلیق اده‌جکسئنئز.

15تارینیز ربّئن سچه‌جیی یرده رب اوچون یدّی گون بو بایرامی توتون، چونکی تارینیز رب بوتون محصول‌لارینیزا، اَللرئنئزئن هر ائشئنه برکت ورئب و سئز هامینیز شادلیق ائچئنده یاشایاجاقسینیز.

16بوتون کئشئلرئنئز ائلده اوچ دفه مایاسیز چؤرک بایرامیندا، هفته‌لر بایرامیندا، و چارداقلار بایرامیندا تارینیز ربّئن حوضوروندا اولماق اوچون اونون سچه‌جیی یره گتسئنلر. ربّئن حوضورونا هچ کئم اَلی‌بوش گتمه‌سئن.

17هر کس تارینیز ربّئن سئزه وردئیی برکته گؤره گوجو چاتدیغی قدر ورمه‌لی‌دئر.

18تارینیز ربّئن سئزه وره‌جیی شهرلرده هر قبئله‌نئز اوچون قاضی‌لار و مأمورلار تعیئن ادئن. قوی اونلار خالقا عدالتله قضاوت اتسئنلر.

19حؤکم اِدَرکَن حاقسیزلیق اتمه‌یئن، هچ کئمئن طرفئنی ساخلامایین. روشوت آلمایین، چونکی روشوت حئکمتلی ائنسانین گؤزلرئنی کور ادئر و صالح آدامین سؤزلرئنی اَیری ادئر.

20عدالتئن، آنجاق عدالتئن دالینجا گدئن کی، یاشایاجاقسینیز و تارینیز ربّئن سئزه وره‌جیی تورپاغا مالئک اولاسینیز.

21تارینیز رب اوچون قوراجاغینیز قوربانگاهین یانینا اَشِرانین هچ بئر آغاج سوتونونو قویمایین.

22تارینیز ربّئن نئفرت اتدئیی موقدّس بئر سوتون قویمایین.

← Chapter 15 Chapter 17 →