Deuteronomy 15

azerbaijan-2013

1هر یدّی ائلئن آخیریندا بورجلو اولانلاری باغیشلایین.

2بورجلارین باغیشلانما ائشئنی بله ادئن: طلبکار اولان شخص قونشوسونون بورجونو باغیشلاسین؛ قونشوسونو و یا هموطنئنی مجبور اتمه‌سئن کی، بورجونو گری قایتارسین، چونکی رب طرفئندن بورجلارین باغیشلانما ائلی اعلان اولوبدور.

3یاد اِللی‌لردن بورجلارینیزی گری آلا بئلرسئنئز، لاکئن هموطنلرئنئزئن بورجلارینی باغیشلامالی‌سینیز.

4او واخت آرانیزدا کاسیب اولماز، چونکی تارینیز رب سئزه مئراث آلماق اوچون وره‌جیی تورپاقدا سئزه البتّه برکت وره‌جک،

5اگر تارین ربّئن سؤزوندن ائطاعت اده‌سئنئز، بو گون سئزه ددئیئم امرلرئن هامیسینا دئقّتله عمل اده‌سئنئز،

6تارینیز رب سئزه وعده وردئیی کئمی برکت وره‌جک. سئز بئر چوخ مئلّتلره بورج وره‌جکسئنئز، لاکئن اونلاردان بورج آلمایاجاقسینیز. سئز بئر چوخ مئلّتلره حؤکمرانلیق اده‌جکسئنئز، لاکئن اونلار سئزه حؤکمرانلیق اتمیه‌جکلر.

7اگر تارینیز ربّئن سئزه وره‌جیی تورپاغین هر هانسی بئر شهرئنده یاشایان هموطنلرئنئزدن بئری کاسیبدیر، داش اورَکلی اولمایین. کاسیب هموطنلرئنئزئن قاباغیندا اَلئنئز باغلی اولماسین.

8عکسئنه، اَلی‌آچیق اولون، نَیه احتئیاجی وارسا، اونا لازیمی اولدوغو قدر بورج ورئن.

9مبادا دئیه‌سئنئز: ”یدّئنجی ائل یعنی بورجلارین باغیشلانما ائلی یاخیندیر“ و اوره‌یئنئزه پئس فئکئرلر گتئره‌سئنئز. کاسیب هموطنئنئز اوچون خَسئسلئک اتمه‌یئن، اونا کؤمک اتمکدن بویون قاچیرتمایین. یوخسا او سئزدن ربّه شئکایت ادر، و گوناه قازانارسینیز.

10کاسیبا سخاوتله، اؤز گؤیلونوزله کؤمک ادئن، چونکی بونا گؤره تارینیز رب بوتون بویونا آلدیقلارینیزا، اَل آتدیغینیز هر ائشه برکت وره‌جکدئر.

11اؤلکه‌ده همئشه کاسیبلار اولاجاقلار، بونا گؤره من سئزه بله امر ادئرم: اؤز اؤلکه‌نئزده‌کی کاسیب و مؤحتاج هموطنلرئنئزه اَلی‌آچیق اولون.

12اگر عئبرانی هموطنلرئنئزدن بئر کئشی و یا آرواد سئزه قول اولاراق ساتیلیبسا، بو قول آلتی ائل سئزه قوللوق ادندن سونرا، یدّئنجی ائل اونو آزاد ادئن.

13آزاد ادنده اونو اَلی‌بوش یولا سالمایین.

14سخاوت گؤرسه‌دئب سورونوزدن، تاخیلینیزدان، شرابینیزدان اونا ورئن. تارینیز رب سئزه نجه برکت ورئبسه، سئز ده اونلارا اله ورئن.

15مئصئرده قول اولدوغونوزو، تارینیز ربّئن سئزی قورتاردیغینی یادا سالین. بو گون اونا گؤره بو امری ورئرم.

16اگر قولونوز سئزی و سئزئن اِو اهلئنئزی سِوئر و سئزئنله خوش بئر حیاتی وار و ”سئزدن آیریلماق ائسته‌مئرم“ دیئر،

17اوندا بئر بئز گؤتورون و قولونوزون قولاق مَمه‌سئنی دِشئب قاپی‌یا باغلایین. بوندان سونرا او عؤمرو بویو قولونوز قالاجاق. کنئزئنئزله ده بو جور رفتار ادئن.

18قولونوزو آزاد اتمک سئزه چتئن گلمه‌سئن. او، سئزه قوللوق اتدئیی آلتی ائل عرضئنده، موزدلو ائشچئدن ائکی قات آرتیق ائش گؤروبدور. سئزه تارینیز رب هر ائشده برکت وره‌جک.

19مال-حیوان و قویون-کچئلرئنئزئن ائلک دوغولان بالالاریندان هر اِرکَک حیوانی تارینیز رب اوچون تقدئس ادئن. مال-حیوانینیزین ائلک بالالارینی ائشلَتمه‌یئن، قویون-کچئلرئنئزئن ائلک بالالارینین یونونو قیرخمایین.

20سئز عایئله‌لرئنئزله بئرلئکده هر ائل تارینیز ربّئن حوضوروندا، اونون سچه‌جیی یرده بو حیوانلارین اَتئنی ییئن.

21لاکئن اگر بئر حیوانین عیبی وارسا، آخساق و یا کوردور، یا دا شئکَستی وار، اونو تارینیز ربّه قوربان اتمه‌یئن.

22بله حیوانلاری کسئب شهرلرئنئزده یئیه بئلرسئنئز. پاک و یا نجئس ائنسان بو اَتدن جیران و یا مارال اَتی یدئیی کئمی یئیه بئلر.

23آنجاق قانینی یمه‌یئن؛ اونو سو کئمی تورپاغا تؤکون.

← Chapter 14 Chapter 16 →