1 Kings 10

azerbaijan-2013

1شِبا مَلَکه‌سی ربّئن آدیندان اؤتری، سولیمانین شؤهره‌تئنی اشئدئب گلدی کی، اونو تاپماجالارلا ائمتاحان اتسئن.

2او، چوخ بؤیوک کاروانلا، عطرئیّات، چوخلو قیزیل و قئیمتلی داشلارلا یوکلَنمئش دَوه‌لرله اورشلئمه، سولیمانین یانینا گلدی و اوره‌یئنده اولان هر شی باره‌ده اونونلا صؤحبت اتدی.

3سولیمان اونون بوتون سوآللارینا جاواب وردی؛ اله بئر گئزلی شی اولمادی کی، پادشاه اونا تشرئح اتمه‌سئن.

4شِبا مَلَکه‌سی سولیمانین بوتون حئکمتئنی و اونون تئکدئیی سارانی،

5سوفره‌سئنده‌کی یِمه‌یی، اعیانلارینین اوتوروشونو، قوللوقچولارینین خئدمتئنی و اونلارین پالتارلارینی، ساقئلرئنی، و اونا عایید اولان و اونون ربّئن معبدئنه گتئردئیی یاندیرما قوربانلارینی گؤرنده حیران قالدی.

6او، پادشاها ددی: «سنئن ائشلرئن و حئکمتئن باره‌ده اؤز اؤلکَمده اشئتدئیئم خبر دوز ائمئش.

7گلئب اؤز گؤزلرئمله گؤرَنه قدر من بو خبره ائنانمامیشدیم. باخ، منه هچ گؤردوکلرئمئن یاریسی دانیشیلمامیشدی، سنئن حئکمتئن و وار-دؤولَتئن منئم اشئتدئیئمدن داها اوستوندور.

8سنئن آداملارین و قوللوقچولارین نه بختوردئرلر کی، همئشه حوضوروندا دوروب حئکمتئنی اشئدئرلر.

9تارین رب موبارک اولسون کی، سندن خوشلانیب، سنی ائسرایئل تختئنده اوتورتدو! رب ائسرایئله اولان ابدی سِوگئسی اوزوندن سنی پادشاه اتدی کی، عدالت و صالحلئکله عمل اده‌سن.»

10شِبا مَلَکه‌سی پادشاها یوز ائیئرمی تالانت قیزیل، چوخلو عطرئیّات و قئیمتلی داشلار باغیشلادی. اونون سولیمان پادشاها وردئیی قدر چوخ عطرئیّات داها هچ واخت گلمه‌دی.

11اوفئردن قیزیل گتئرن خئرامین گَمئلری، اورادان چوخلو اَردَج آغاجی و قئیمتلی داشلار گتئردئلر.

12پادشاه اَردَج آغاجیندان ربّئن معبدی و پادشاه سارایی اوچون دستکلر، موسئقئچئلر اوچون طنبورلار و چنگلر دوزَلتدی؛ هچ واخت بو قدر اَردَج آغاجی گلمه‌مئشدی و بو گونه قدر گؤرونمه‌مئشدی.

13سولیمان پادشاه اؤز سخاوتئنه گؤره شِبا مَلَکه‌سئنه وردئکلرئندن آیری، اونون آرزولادیغی و ائسته‌دئیی بوتون شیلری وردی. او دا آداملاری ائله بئرلئکده قاییدیب اؤز اؤلکه‌سئنه گتدی.

14بئر ائلده سولیمانا گلن قیزیلین چکئسی آلتی یوز آلتمیش آلتی تالانت ائدی.

15آل-وِر ادن آداملاردان، تاجئرلرئن تئجارتئندن، بوتون عرب پادشاهلاریندان و ائسرایئلئن والئلرئندن گلن قیزیل بوندان آیری ائدی.

16سولیمان پادشاه دؤیمه قیزیلدان ائکی یوز سئپر دوزَلتدی. هر بئر سئپره آلتی یوز شِکِل قیزیل ائشلَندی.

17او، دؤیمه قیزیلدان اوچ یوز قالخان دا دوزَلتدی. هر بئر قالخانا اوچ مئنا قیزیل ائشلَندی. پادشاه اونلاری «لوبنان مِشه‌سی» آدلی سارایینا قویدو.

18پادشاه فئل دئشئندن بؤیوک بئر تخت ده دوزَلتدی و اونو خالئص قیزیللا اؤرتدو.

19تختئن آلتی پئلّه‌سی وار ائدی. آرخا طرفده تختئن باشی مودوّر ائدی. اوتوراجاغین هر ائکی طرفئنده قول‌لاری وار ائدی، قوللارین یانیندا ائکی شئر موجسّمه‌سی دورموشدو.

20آلتی پئلّه‌نئن ائکی طرفئنده ده اون ائکی شئر موجسّمه‌سی وار ائدی. هچ بئر پادشاهلیقدا بله شی دوزَ‌لدئلمه‌دی.

21سولیمان پادشاهین بوتون ائچکی قابلاری قیزیلدان ائدی، «لوبنان مِشه‌سی» آدلی ساراییندا اولان بوتون اشیالار دا خالئص قیزیلدان ائدی. گوموشدن هچ بئر شی یوخ ائدی، چونکی گوموش سولیمانین دؤورونده هچ نه ساییلیردی.

22چونکی پادشاهین دهنزده خئرامین گَمئلری ائله بئرلئکده تَرشئش گَمئلری وار ائدی. اوچ ائلده بئر دفه تَرشئش گَمئلری گلئب قیزیل، گوموش، فئل دئشی، میمونلار و طاووسلار گتئرئردئلر.

23بله‌جه سولیمان پادشاه وار-دؤولَتده و حئکمتده یِر اوزونون بوتون پادشاهلاریندان اوستون ائدی.

24هامی ائسته‌یئردی کی، سولیمانین حوضورونا گلسئن و تارینین اونون اوره‌یئنه قویدوغو حئکمتی اشئتسئن.

25اونون یانینا گلن هر کس هدئیّه گتئرئردی. بله‌جه اونا هر ائل قیزیل و گوموش قابلار، پالتارلار، سئلاحلار، عطرئیّات، آتلار و قاطیرلار گتئرئلئردی.

26سولیمان دؤیوش عارابالاری و آتلی‌لار ییغدی؛ اونون مئن دؤرد یوز دؤیوش عاراباسی و اون ائکی مئن آتلیسی وار ائدی. اونلاری عارابالار اوچون آیریلان شهرلرده و اورشلئمده، پادشاهین یانیندا یِرلَشدئردی.

27پادشاه اورشلئمده چوخلوغونا گؤره گوموشو داشلار کئمی، سئدر آغاجینی دا هامار بؤلگه‌ده بئتَن وحشی انجئر آغاجی کئمی اتمئشدی.

28سولیمانین آتلاری مئصئردن و قِوِه‌دن گتئرئلئردی، پادشاهین تاجئرلری اونلاری قِوِه‌دن ساتین آلیردیلار.

29هر بئر دؤیوش عاراباسی آلتی یوز شِکِل گوموشه، هر بئر آت دا یوز اَلّی شِکِل گوموشه مئصئردن گتئرئلئردی؛ بوتون خئت و اَرام پادشاهلاری دا بونلاری سولیمانین تاجئرلرئنئن واسئطه‌سی‌ائله آلیردیلار.

← Chapter 9 Chapter 11 →