Psalms 87

aymara-1997

1Diosan markapax qullan qullunakxar utt'ayatawa.

2Tatitux Jerusalén markarux wal munasi, Israelan taqpach markanakapat sipana.

3Diosan markapa, aski aytkañanakaw jumxat yatiyasi:

4“Nayar uñt'ir markanak aytä: Egipto, Babilonia, Filistea, Tiro, Etiopía; uka markanakax jumïpan utjapxi.”

5Jerusalén markatxa, sapxaniwa: “Aka markasa, khaya markas jupan utjayatawa, Alaxpachankir pachpaw Jerusalén marka utt'ayi” sasa.

6Tatitux markanakan sutip mä qillqatar qillqanti: “Aka markax jupïpan utji” sasa.

7Uka markanakasti q'uchkasasa, thuqkasasa sapxaniwa: “Jerusalén markan Diosarux uñt'apxta” sasa.

← Chapter 86 Chapter 88 →