Psalms 82

Amharic Tigrinya 2011

1ኣምላኽ ኣብ ማሕበር ኣማልኽቲ ደው ይብል፡ ኣብ ማእከል ኣማልኽቲ ይፈርድ ኣሎ።

2ክሳዕ መኣዝ ኢኹም ሓሶት እትፈርዱ? ንገጽ ረሲኣንስ እተድልዉ? ሴላ።

3ንምግዱርን ንዘኽታምን በይኑሎም፡ ንጭኑቕን መስኪንን ፍትሒ ኣውጽኡሎም።

4ንድኻን መስኪንን ኣናግፍዎም፡ ካብ ኣእዳው ረሲኣን ኣድሕንዎም።

5ኣይፈልጡን፡ ኣየስተውዕሉን፡ ኣብ ጸልማት ይመላለሱ፡ ብዘሎ መሰረታት ምድሪ ይናወጽ ኣሎ።

6ኣነስ፡ ኣማልኽቲ ኢኹም፡ ኲላትኩም ውሉድ እቲ ልዑል ኢኹም፡ ግናኸ ከም ሰብ ክትሞቱ፡ ከም ሓደ ኻብቶም መሳፍንቲውን ክትወድቁ ኢኹም፡ በልኩ።

8ዎ ኣምላኽ፡ ንዂሎም ኣህዛብ ክትወርስሲ፡ ተንስእ ንምድሪ ፍረዳ።

← Chapter 81 Chapter 83 →