Psalms 111

Amharic Tigrinya 2011

1ሃሌሉያ። ብምሉእ ልበይ ኤመስግኖ ኣሎኹ።

2ግብሪ እግዚኣብሄር ዓብዪ እዩ፡ እቶም ብእኡ ዚሕጐሱ ዂሎም ይምርምርዎ እዮም።

3ግብሩ ኽብርን ግርማን እዩ፡ ጽድቁ ኸኣ ንዘለኣለም ይነብር።

4ንተኣምራቱ መዘከርታ ገበሮ፡ እግዚኣብሄር መሓርን ርሕሩሕን እዩ።

5ንዚፈርህዎ ምግቢ ይህቦም፡ ኪዳኑ ንዘለኣለም ይዝክር።

6ርስቲ ኣህዛብ ብምሃቡ ሓይሊ ግብሩ ንህዝቡ ኣርኣዮ።

7ግብሪ ኣእዳዉ ሓቅን ፍርድን እዩ፡ ትእዛዙ ዂሉ ጽኑዕ እዩ።

8ንዘለኣለም ኣለም ጽኑዕ፡ ብሓቅን ብቕንዕናን እተገብረ እዩ።

9ንህዝቡ በጃ ሰደደሎም፡ ኪዳኑ ንዘለኣለም ኣዘዘ፡ ስሙ ቅዱስን ዜፍርህን እዩ።

10ፍርሃት እግዚኣብሄር መጀመርያ ጥበብ እዩ፡ ዚገብርዎ ዂሎም ሰናይ ልቦና ኣለዎም። ምስጋናኡ ንዘለኣለም ይነብር።

← Chapter 110 Chapter 112 →