Psalms 110

Amharic Tigrinya 2011

1ጐይታ ንጐይታይ፡ ንጸላእትኻ መርገጽ እግርኻ ኽሳዕ ዝገብሮም፡ ኣብ የማነይ ተቐመጥ፡ በሎ።

2እግዚኣብሄር ካብ ጽዮን በትሪ ስልጣንካ ኺልእኽ እዩ፡ ኣብ ማእከል ጸላእትኻ ግዛእ።

3በታ ሰራዊትካ እተኽትተላ መዓልቲ ህዝብኻ ፈትዩ ይመጽእ፡ ከምቲ ኻብ ከርሲ ወጋሕታ ዚመጽእ ኣውሊ ከምኡ መንእሰይከ ብልብሲ ቕድስና ይመጹኻ።

4እግዚኣብሄር፡ ንስኻ ኸም ስርዓት መልከጼዴቅ ንዘለኣለም ካህን ኢኻ፡ ኢሉ መሐለ ኣይጠዐስን ከኣ።

5እግዚኣብሄር ኣብ የማንካ ዀይኑ፡ ብመዓልቲ ቚጥዓኡ ንነገስታት ኪጭፍልቖም፡

6ኣብ ማእከል ኣህዛብ ኪፈርድ፡ ብሬሳታት ኪመልኦ፡ ርእሲ ርሒብ ሃገር ኪጭፍልቕ።

7ኣብ መገዲ ኻብ ወሓዚ ኺሰቲ፡ ስለዚ ርእሱ ልዕል ኬብል እዩ።

← Chapter 109 Chapter 111 →