Psalms 74

Amharic Tigrinya (መፅሓፍ ቅዱስ) No Year

1ኦ ኣምላኽ፥ ስለ ምንታይ ንሓዋሩ ደርበኻና? ኣብ ልዕሊ መጓሰ ኣባጊዕኻኸ ንምንታይ ቍጥዓ ተቘጣዕኻ?

2ኣቐዲምካ ንዝፈጠርካያ ማሕበርካ፥ ንዝተቤዘኻያ በትሪ ርስትኻ፥ ነታ ኣብኣ ዝሓደርካያ እምባ ፅዮን ዘክር።

3ፀላኢ ኣብ ቅዱሳንካ ኸም ዘኽፍአ መጠን፥ ኵልሻዕ ኣብ ትዕቢቶም ኢድካ ኣልዕል።

4ፀላእትኻ ኣብ ማእኸል በዓልካ ተመክሑ፤ ዘይፈልጥዎ ምልክትውን ምልክት ገበሩ።

5ከምቲ ላዕለዋይ መእተዊ፥ ከምቶም ኣብ ዱር ዘለዉ ኣእዋም፥ ንበሪታታ ብማሕፀ ሰበሩ።

6ከምኡ ብማሕፀን ብመዶሻን ገይሮም ሰበርዎ።

7ንመቕደስካ ብሓዊ ኣንደድዋ፤ ንመሕደሪ ስምካውን ኣብ ምድሪ ኣርከስዋ።

8ብልቦም ሓደ ኾይኖም በብህዝቦም፥ ንዑ ንበዓላት እግዚኣብሄር ካብ ምድሪ ንስዓር በሉ።

9ምልክታትና ኣይንርእን፤ ድሕሪ ሕዚ እውን ነቢይ የለን፤ ክሳዕ መኣዝ ከም ዝነብር ዝፈልጥ ኣባና የለን።

10ኦ ጐይታ፥ ክሳዕ መኣዝ እዩ ፀላኢ ዝፃረፍ? ክሳዕ መኣዝ እዩኸ ፀላኢ ንስምካ ዘቃልሎ?

11የማንካ ኻብ ማእኸል መንኰራርዕትኻ፥ ኢድካውን ንምንታይ ፈፂምካ እትምልስ?

12እግዚኣብሄር ግና ቅድሚ ዓለም ንጉስ እዩ፤ ኣብ ማእኸል ምድሪ እውን መድሓኒት ገበረ።

13ንስኻ ንባሕሪ ብሓይልኻ ኣፅናዕኻያ፤ ኣራእስ ኣትማን ኣብ ውሽጢ ባሕሪ ሰበርካ።

14ንስኻውን ኣራእስ ገበል ቀጥቀጥካ፤ ንህዝቢ ኢትዮጵያ ምግቦም ሃብካዮም።

15ዓይኒ ማያትን ወሓዝትን ሰንጠቕካ፤ ንስኻ ነቶም ኵልሻዕ ዝውሕዙ ሩባታት ኣንቀፅካ።

16መዓልቲ ናትካ እያ፤ ለይቲውን ናትካ እያ፤ ንስኻ ንወርሕን ንፀሓይን ኣፅናዕኻየን።

17ንስኻ ንዅሉ ወሰናት ምድሪ ሰራሕኻ፤ ንሓጋይን ንኽረምትን ንስኻ ገበርካዮ።

18ነዝ ፍጥረትካ እዙይ ዘክር፤ ፀላኢ ንእግዚኣብሄር ኣባጨወሉ፤ ሰነፍ ህዝቢ እውን ንስሙ ኣቘጥዖ።

19ነታ እትግዝአልካ ነፍሲ፥ ንኣራዊት ኣይትሃባ፤ ንነፍሲ እቶም ሽግረኛታትካ ንሓዋሩ ኣይትረስዕ።

20ናይ ምድሪ ናይ ፀልማት ስፍራታት፥ ብገዛውቲ ሓጥኣን ተመሊአን እየንሞ፥ ናብ ኪዳንካ ተመልከት።

21ድኻ ሓፊሩ ኣይመለስ፤ ምስኪንን ድኻን ንስምካ የመስግኑ።

22ኦ ጐይታ፥ ተስእ፤ በቐልካ ተበቀል፤ ሰነፋት ኵልሻዕ ዘባጨዉልካ ዘክር።

23ቃል ባሮትካ ኣይትረስዕ፤ ኵርዓት ፀላእትኻ ዅልሻዕ ናባኻ ይድይብ ኣሎ።

← Chapter 73 Chapter 75 →