Psalms 75

Amharic Tigrinya (መፅሓፍ ቅዱስ) No Year

1ነመስግነካ ኣለና፤ ኦ ጐይታ፥ ነመስግነካ ኣለና፤ ስምካውን ንፅውዕ ኣለና፤ ኵሉ ተኣምራትካውን ንነግር ኣለና።

2ነቲ ምዱብ ጊዜ ምስ ረኸብኩ፥ ኣነ ሓቂ ኽፈርድ እየ።

3ምድርን ኣብኣ ዝነብሩ ዅሎምን መኸኹ፤ ኣነ ግና ነዕምዳ ኣፅናዕኹ።

4ንሓጥኣን፥ “ኣይትበድሉ” በልኩዎም፤ ነቶም ሓጢኣተኛታትውን “ቀርንኹም ኣይተልዕሉ” በልክዎም።

5ቀርንኹም ክሳዕ ላዕሊ ኣይተልዕሉ፤ ኣብ ልዕሊ እግዚኣብሄርውን ዓመፅ ኣይትናገሩ።

6ክብሪ ኻብ ምብራቕ ወይ ካብ ምዕራብ፥ ወይ ካብ ምድረ በዳ ኣይመፅእንሞ።

7እግዚኣብሄር ፈራዲ እዩሞ፤ ነዙይ የዋርድ፤ ነቱይ ከዓ የኽብር።

8ፅዋዕ ኣብ ኢድ እግዚኣብሄር እዩሞ፥ ዘይተሓዋወሰ ወይኒ መልአሉ፤ ካብዙይ ናብቱይውን ሓዋወሶ፤ ግና ሓተላኡ ኣይፈሰሰን፤ ኵሎም ሓጥኣን ምድሪ ድማ ኽሰትይዎ እዮም።

9ኣነ ግና ንዘለኣለም ደስ ይብለኒ፤ ንኣምላኽ ያእቆብውን ክዝምረሉ እየ፤

10ንዅሉ ኣቕርንቲ ሓጥኣን ክሰብሮ እየ፤ ኣቕርንቲ ፃድቃን ግና ልዕል ልዕል ክብሉ እዮም።

← Chapter 74 Chapter 76 →