Psalms 67

Amharic Tigrinya (መፅሓፍ ቅዱስ) No Year

1እግዚኣብሄር ይምሓረና ይባርኸናውን፤ ገፁውን ኣብ ልዕሌና የብርህ።

2መንገድኻ ኣብ ምድሪ ምእንቲ ኽንፈልጥ፥ ምድሓንካውን ኣብ ማእኸል ኵሎም ኣህዛብ ክፍለጥስ፥ ገፅካ ኣብርሀልና።

3ኦ ጐይታ፥ ኣህዛብ የመስግኑኻ፤ ኵሎም ኣህዛብውን የመስግኑኻ።

4ንኣህዛብ ብቕንዕና ትፈርደሎም ኢኻሞ፥ ኣብ ምድሪ እውን ንኣህዛብ እትመርሖም ንስኻ ኢኻ እሞ፥ ኣህዛብ ይተሓጐሱ፤ ሓሴትውን ይግበሩ።

5ኦ ጐይታ፥ ኣህዛብ የመስግኑኻ፤ ኵሎም ኣህዛብውን የመስግኑኻ።

6ምድሪ ፍረኣ ሃበት፤ እግዚኣብሄር ኣምላኽና ድማ ኽባርኸና እዩ።

7እግዚኣብሄርውን ክባርኸና እዩ፤ ኵሎም ወሰናት ምድሪ ኸዓ ኽፈርሕዎ እዮም።

← Chapter 66 Chapter 68 →