Psalms 57

Amharic Tigrinya (መፅሓፍ ቅዱስ) No Year

1መሓረኒ፤ ኦ ጐይታ፥ መሓረኒ፤ ነፍሰይ ኣባኻ ተኣሚና ኣላሞ፥ መሃረኒ፤ እቲ መዓት ክሳዕ ዝሓልፍ፥ ኣብ ፅላል ኣኽናፍካ ተኣሚነ ኣለኹ።

2ናብቲ ዝረድአኒ እግዚኣብሄር፥ ናብ ልዑል እግዚኣብሄር አእዊ ኣለኹ።

3ካብ ሰማይ ልኢኹ ኣድሓነኒ፤ ነቶም ዝረገፁኒ ውርደት ሃቦም፤ እግዚኣብሄር ምሕረቱን ሓቁን ለኣኸ።

4ንነፍሰይ ካብ ማእኸል ኣናብስ ኣድሓና፤ ደንጊፀ ደቀስኩ፤ ደቂ ሰብ ኣስናኖም ኲናትን ፍላፃን፥ ኣንደበቶምውን ዝተስሓለ ሰይፊ እዩ።

5ኦ ኣምላኽ ኣብ ሰማያት ልዕል ልዕል በል፤ ክብርኻውን ኣብ ልዕሊ ዅሉ ምድሪ ይኹን።

6ነእጋረይ መፃወድያ ዘርግሑ፤ ንነፍሰይውን ኣጕበጥዋ፤ ኣብ ቅድሚተይ ጕድጓድ ኰዓቱ፤ ግና ባዕልቶም ኣብኡ ወደቑ።

7ልበይ ጨካን እዩ፤ ኦ ጐይታ፥ ልበይ ጨካን እዩ፤ ክቕነን ክዝምርን እየ።

8ክብረይ ይለዓል፤ በገናን መሰንቆንውን ይለዓሉ፤ ኣነውን ኣንጊሀ ኽትስእ እየ።

9ኦ ጐይታ፥ ኣብ ማእኸል ኣህዛብ ከመስግነካ እየ፤ ኣብ ማእኸል ወገናትውን ክዝምረልካ እየ።

10ምሕረትካ ኽሳዕ ሰማያት ልዕል ኢሉ እዩሞ፤ ሓቅኻውን ክሳዕ ደመናት እዩሞ።

11ኦ ኣምላኽ፥ ኣብ ልዕሊ ሰማያት ልዕል ልዕል በል፤ ክብርኻውን ኣብ ልዕሊ ዅላ ምድሪ ይኹን።

← Chapter 56 Chapter 58 →