Psalms 56

Amharic Tigrinya (መፅሓፍ ቅዱስ) No Year

1ኦ ጐይታ ሰብ ረጊፁኒ እዩሞ መሓረኒ፤ ኵልሻዕውን ብሰልፊ ኣጨኒቑኒ እዩ።

2ዝዋግኡኒ በዚሖም እዮም እሞ፥ ኵልሻዕ ምሉእ መዓልቲ ረገፁኒ።

3ኣነ ግና ፈራሕኹ ብኣኻውን ተኣመንኩ።

4ብእግዚኣብሄር ንቓሉ አመስግኖ፤ ብእግዚኣብሄር ተኣሚነ እየ፤ ኣይፈርሕን፤ ሰብከ እንታይ ከይገብረኒ?

5ኵልሻዕ ንቓላተይ የፀይፉለይ፤ ኵሉ ኣብ ልዕለይ ዝመኽርዎ ንኽፉእ እዩ።

6የድብዩለይ፤ ይሕብኡኒውን፤ ንሳቶም ንሸዀናይ ይምልከቱ፤ ኵልሻዕውን ንነፍሰይ የድብዩላ።

7ብዝኾነ ይኹን ኣይተድሕኖም፤ ብቝጥዓኻ ንኣህዛብ ክትድርብዮም ኢኻ።

8ኦ ኣምላኽ፥ ንህይወተይ ነገርኩኻ፤ ንንብዓተይ ከም ትእዛዝካ ኣብ ቅድሜኻ ኣቐመጥካ።

9ምስ ፀዋዕኩኻ ፀላእተይ ናብ ድሕሪኦም ክምለሱ እዮም፤ በዙይውን ንስኻ ኣምላኸይ ከም ዝኾንካ ፈለጥኩ።

10ብእግዚኣብሄር ንቓሉ አመስግን፤ ብእግዚኣብሄር ንቓሉ ኣኽብር።

11ብእግዚኣብሄር ተኣሚነ ኣለኹ፤ ኣይፈርሕን፤ ሰብከ እንታይ ከይገብረኒ?

12ኦ ጐይታ፥ ንኣኻ ዝህበካ ናይ ምስጋና መብፅዓ ኣለኒ፤ ዘቕርበልካውን ናይ ምስጋና መስዋእቲ እዩ።

13ብብርሃን ህያዋን ኣብ ቅድሚ እግዚኣብሄር ምእንቲ ኽመላለስ፥ ንነፍሰይ ካብ ሞት፥ ነእጋረይ ካብ ምስንኻል ኣድሒንካ ኢኻሞ።

← Chapter 55 Chapter 57 →