Psalms 54

Amharic Tigrinya (መፅሓፍ ቅዱስ) No Year

1ኦ ጐይታ፥ ብስምካ ኣድሕነኒ፤ ብሓይልኻውን በይነለይ።

2ኦ ጐይታ፥ ፀሎተይ ስማዕ፤ ንቓላት ኣፈይውን ኣድምፅ።

3ባዕዳን ኣብ ልዕለይ ተሲኦም ኣለዉ፤ ሓያላትውን ንነፍሰይ ይደልይዋ ኣለዉሞ፤ ንሳቶም ንእግዚኣብሄር ኣብ ቅድሚኣቶም ኣይገበርዎን።

4እንሆ፥ እግዚኣብሄር ረዳኢየይ እዩ፤ ጐይታይውን ንነፍሰይ ደጋፊኣ እዩ።

5ንኽፍኣት፥ ናብ ፀላእተይ ክመልሳ እዩ፤ ብሓቅኻውን ኣጥፍኣዮም።

6ኦ ጐይታ፥ ብፍቓደይ መስዋእቲ ኸቕርበልካ እየ፤ ኦ ጐይታ፥ ሰናይ እዩ እሞ፥ ንስምካ ኸመስግን እየ።

7ካብ ኵሉ መከራ ኣድሒኑኒ እዩ እሞ፤ ዓይነይውን ኣብ ልዕሊ ፀላእተይ ሪኣ እያ እሞ።

← Chapter 53 Chapter 55 →