Psalms 146

Amharic Tigrinya (መፅሓፍ ቅዱስ) No Year

1ሃሌ ሉያ። ኦ ነፍሰይ፥ ንእግዚኣብሄር ኣመስግኒ!

2ብህይወተይ ንእግዚኣብሄር ከመስግኖ እየ፤ ብዘለኹዎ ዅሉ ዘመንውን ንኣምላኸይ ክዝምር እየ።

3ምድሓን ብዘይኽእሉ በሕሉቕን፥ ብደቂ ሰባትን ኣይትተኣመኑ።

4ነፍሱ ትወፅእ፤ ናብ መሬቱውን ይምለስ፤ ሽዑ ዅሉ ምኽሩ ይጠፍእ።

5ረዳኢኡ ኣምላኽ ያእቆብ ዝኾነ፥ ተስፋኡውን ኣብ እግዚኣብሄር ኣምላኹ ዝኾነ ሰብ ብሩኽ እዩ።

6ንሱ ንሰማይን ምድርን፥ ንባሕርን ኣብኡ ንዘሎ ዅሉን ዝፈጠረ እዩ፤ ንሓቂውን ንዘለኣለም ዝሕልዋ፥

7ንዝተበደሉ ዝፈርደሎም፥ ንጥሙያት ምግቢ ዝህቦም ንሱ እዩ። እግዚኣብሄር ንእሱራት ይፈትሖም፤

8እግዚኣብሄር ንዝወደቑ የልዕሎም፤ እግዚኣብሄር ነዒንቲ ዕዉራት ጥበበኛታት ይገብሮም፤ እግዚኣብሄር ንፃድቃን ይፈትዎም፤

9እግዚኣብሄር ንስደተኛታት ይሕልዎም፤ ንደኽታምን መበለትን ይቕበሎም፤ ንመንገዲ ሓጥኣን ግና የጥፍኦ።

10እግዚኣብሄር ንዘለኣለም ይነግስ፤ ኦ ፅዮን፥ ኣምላኽኪ ንውሉድ ወለዶ እዩ። ሃሌ ሉያ።

← Chapter 145 Chapter 147 →