Psalms 114

Amharic Tigrinya (መፅሓፍ ቅዱስ) No Year

1እስራኤል ካብ ግብፂ፥ ቤት ያእቆብውን ካብ ቋንቋኡ ዘይፍለጥ ህዝቢ ብዝወፁሉ ጊዜ፥

2ይሁዳ መቕደሱ፥ እስራኤል ድማ ግዝኣቱ ኾነ።

3ባሕሪ ረአየት፤ ሃደመትውን፤ ዮርዳኖስ ከዓ ንድሕሪት ተመለሰ።

4እምባታት ከም ሽደናት፥ ኰረብታታት ድማ ከም ብተያት ዘለሉ።

5ኣቲ ባሕሪ፥ እንታይ ኴንኪ ኢኺ ዝሃደምኪ? ኣታ ዮርዳኖስከ እንታይ ኴንካ ኢኻ ንድሕሪት ዝተመለስካ?

6ኣቱም እምባታት እንታይ ኴንኩም ኢኹም ከም ሽደናት ዝተሰራሰርኩም? ኰረብታታትከ እንታይ ኴንኩም ኢኹም ከም ብተያት ዝዘለልኩም?

7ኦ ምድሪ፥ ኣብ ቅድሚ እቲ ነኻውሕ ናብ ቀላያት፥ ንጭንጫ ናብ ዓይኒ ማያት ዝለወጠ፥ ኣብ ቅድሚ ጐይታ፥ ኣብ ቅድሚ ኣምላኽ ያእቆብ ኣንቀጥቅጢ።

← Chapter 113 Chapter 115 →