Psalms 113

Amharic Tigrinya (መፅሓፍ ቅዱስ) No Year

1ሃሌ ሉያ። ኣቱም ባሮት እግዚኣብሄር፥ ንስም እግዚኣብሄር ኣመስግንዎ።

2ካብ ሎሚ ጀሚሩ ኽሳዕ ዘለኣለም፥ ስም እግዚኣብሄር ብሩኽ ይኹን።

3ካብ ምብራቕ ፀሓይ ጀሚሩ ክሳዕ ምዕራባ፥ ስም እግዚኣብሄር ይመስገን።

4እግዚኣብሄር ኣብ ልዕሊ ዅሎም ኣህዛብ ልዑል እዩ፤ ክብሩ ኸዓ ልዕሊ ዅሉ ሰማያት እዩ።

5ነቲ ኣብ ላዕሊ ኣብ ዙፋኑ ዝተቐመጠ፥ ንእግዚኣብሄር ኣምላኽና ዝመስል መን እዩ?

6ኣብ ሰማይን ኣብ ምድርን ንዝተዋረዱ ዝርኢ፥

7ንድኻ ኻብ መሬት ዘልዕል፥ ንምስኪንውን ካብ መሬት ልዕል ዘብሎ፥

8ምስ ኣሕሉቕን፥ ምስ ኣሕሉቕ ህዝቡን ምእንቲ ኸቐምጦ፥

9ንመኻን ኣብ ቤት የንብራ፥ ሕጉስቲ እኖ ቘልዑውን ይገብራ። ሃሌ ሉያ።

← Chapter 112 Chapter 114 →