Psalms 110

Amharic Tigrinya (መፅሓፍ ቅዱስ) No Year

1ጐይታ፥ ንጐይታይ “ንፀላእትኻ ኣብ ትሕቲ መርገፂ እግርኻ ኽሳዕ ዝገብሮም፥ ኣብ የማነይ ተቐመጥ” በሎ።

2እግዚኣብሄር ካብ ፅዮን በትሪ ሓይሊ ኽልእኸልካ እዩ፤ “ኣብ ማእኸል ፀላእትኻውን ክትገዝእ ኢኻ።”

3ብቐደሙውን፥ ብመዓልቲ ሓይሊ ብቅዱሳን ብርሃን፥ ቅድሚ ኮኸብ ፅባሕ ካብ ከርሲ ወለድኩኻ።

4እግዚኣብሄር፥ “ንስኻ ኸም ስርዓት መልከ ፄዴቅ ንዘለኣለም ካህን ኢኻ” ኢሉ መሓለ፤ ኣይናሳሕንውን እዩ።

5እግዚኣብሄር ኣብ የማንካ እዩ፤ ብመዓልቲ ቝጥዓኡ ንነገስታት ክቕጥቅጦም እዩ።

6ኣብ ማእኸል ኣህዛብ ክፈርድ እዩ፤ ሬሳታትውን ከብዝሕ እዩ፤ ኣብ ሰፊሕ ምድሪ፥ ኣራእስ ክቕጥቕጥ እዩ።

7ኣብ መንገዲ ኻብ ወሓዚ ማይ ክሰቲ እዩ፤ ስለዙይ ርእሱ ልዕል ልዕል ከብል እዩ።

← Chapter 109 Chapter 111 →