Psalms 108

Amharic Tigrinya (መፅሓፍ ቅዱስ) No Year

1ኦ ጐይታ፥ ልበይ ፅኑዕ እዩ፤ ልበይ ፅኑዕ እዩ፤ ከመስግን እየ፤ ብኽብረይውን ክዝምር እየ።

2በገናን መሰንቆን ተስኡ፤ ኣነውን ኣንጊሀ ኽትስእ እየ።

3ኦ ጐይታይ፥ ኣብ ማእኸል ኣህዛብ ከመስግነካ፥ ኣብ ማእኸል ህዝብታትውን ክዝምረልካ እየ።

4ምሕረትካ ኽሳዕ ሰማያት ዓበየት፤ ሓቅኻውን ክሳዕ ደመናታት እዩ።

5ኦ ጐይታ፥ ኣብ ሰማያት ልዕል ልዕል በል፤ ክብርኻውን ኣብ ልዕሊ ዅሉ ምድሪ ይኹን።

6ፈተውትኻ ምእንቲ ኽድሕኑ ብየማናይካ ኣድሕን፤ ስምዐኒውን።

7እግዚኣብሄር ብቕድስናኡ ተናገረ፦ “ኣነውን ደስ ይብለኒ፤ ንሴኬምውን ክማቐል እየ፤ ንለሰ ሱኮትውን ክልክዕ እየ።

8ገለዓድ ናተይ እዩ፤ ምናሴውን ናተይ እዩ፤ ኤፍሬም መፀግዒ ርእሰይ እዩ፤ ይሁዳ ንጉሰይ እዩ።

9ሞኣብ መሕፀብየይ እዩ፤ ኣብ ኤዶምያስ ሳእነይ ክዝርግሕ እየ፤ ፍልስጥኤማውያን ክግዝኡለይ እዮም።”

10ናብታ ፅንዕቲ ኸተማስ መን ይወስደኒ? ናብ ኤዶምያስከ መን ይመርሐኒ?

11ኦ ጐይታ፥ ዝደርበኻና ንስኻዶ ኣይኮንካን? ኦ ኣምላኽ፥ ምስ ሰራዊትና ኣይትወፅእን።

12ብጊዜ መከራና ረድኤት ሃበና፤ ናይ ሰብውን ምድሓን ከንቱ እዩ።

13ብእግዚኣብሄር ሓይሊ ኽንገብር ኢና፤ ንሱውን ነቶም ዘጨንቑልና ኸዋርዶም እዩ።

← Chapter 107 Chapter 109 →