Nehemiah 10

Amharic Tigrinya (መፅሓፍ ቅዱስ) No Year

1እቶም ማሕተሞም ዝገበሩሉ ድማ እዚኣቶም እዮም፦ ወዲ ሓካልያ ሓቴርሰታ ነህምያ፥ ሴዴቅያስ፥

2ካብ ካህናት፦ ሰራያ፥ ኣዛርያስ፥ ኤርሚያስ፥

3ፋስኮር፥ ኣማርያ፥ መልክያ፥

4ሓጡስ፥ ሰበንያ፥ መሉክ፥

5ካሪም፥ ሜሪሞት፥ ኣብድዩ፥

6ዳንኤል፥ ጌንቶን፥ ባሮክ፥

7ሜሱላም፥ ኣብያ፥ ሚያሚን፥

8መዓዝያ፥ ቤልጋይ፥ ሸማያ፥ እዚኣቶም ካህናት ነበሩ።

9ካብ ሌዋውያን፦ ኢያሱ ወዲ ኣዛንያ፥ ቢንዊ ኻብ ደቂ ኤንሓደድ፥ ቀድምኤል፥

10ኣሕዋቶም ድማ፦ ሰባንያ፥ ሆድያ፥ ቆሊጣስ፥ ፊልያ፥ ሓናን፥

11ሚካ፥ ረኣብ፥ ሓሸብያ፥

12ዘኩር፥ ሰራብያ፥ ሰበንያ፥

13ሆዲያ፥ ባኒ፥ ብኒኑ።

14ኣሕሉቕ ህዝቢ፦ ፋሮስ፥ ፈሓት ሞኣብ፥ ዔላም፥ ዛቱዕ፥ ባኒ፥

15ቡኒ፥ ዓዝጋድ፥ ቤባይ፥

16ኣዶንያስ፥ በጉዋይ፥ ዓዲን፥

17ኣጤር፥ ሕዝቅያስ፥ ዓዙር፥

18ሆዲያ፥ ሓሱም፥ ቤሳይ፥

19ሓሪፍ፥ ዓናቶት፥ ኖባይ፥

20መግጲዓስ፥ ሜሱላም፥ ኤዚር፥

21ሜሴዜቤል፥ ሳዶቅ፥ ያዱዓ፥

22ፈላጥያ፥ ሓናን፥ ዓናያ፥

23ሆሴዕ፥ ሓናንያ፥ ኣሱብ፥

24ኣሌኤስ፥ ፊልሓ፥ ሶቤቅ፥

25ሬሑም፥ ሓሰብና፥ መዕሴያ፥

26ኣኪያ፥ ሓናን፥ ዓናን፥

27መሉክ፥ ካሪም፥ በዓና።

28“እቶም ዝተረፉ ኻልኦት ህዝቢ እስራኤል፥ ካህናትን ሌዋውያንን ሓለውቲ ኣፍ ደገን ዘመርትን ናታኒምን ኣብ ቤተ መቕደስ ዝሰርሑን ንሕጊ እግዚኣብሄር ተኣዘዝቲ ዝኾኑ፥ ነፍሶም ካብቶም ጓኖት ህዝቢ እታ ሃገር ዝፈለዩ ዅላቶምን፥ ምስ ኣንስቶምን ምስቶም ኣብ ምስትውዓል ዝበፅሑ ደቆምን ኮይኖም፥

29ምስቶም ኣሕዋትና ዝኾኑ መራሕትን ሓቢሮም ነቲ እግዚኣብሄር ብኢድ ባርያኡ ሙሴ ገይሩ ዝሃቦም ሕጊ ኣምላኽ ክፍፅሙ፥ ነቲ እግዚኣብሄር ኣምላኽ ዝሃቦም ትእዛዛትን ፍርድታትን ሕግጋትን ኵሉ ኽሕልዉዎን ክፍፅምዎን ማሕላን መርገምን ገበሩ።

30“ነቶም ኣብ ሃገርና ዘለዉ ጓኖት ኣጓላትና ኸይንህብ፥ ነወዳትና ኸዓ ኣጓላቶም ከይንወስድ ንምሕል ኣለና።

31“እቶም ኣብ ሃገርና ዝነብሩ ጓኖት ህዝቢ በብዓይነቱ ሸቐጥን እኽልን፥ ብመዓልቲ ሰንበት ክሸጥዎ ኢሎም ዘምፅእዎ፥ ብመዓልቲ ሰንበትን ብቅዱስ መዓልትን ካብኣቶም ኣይንዕድግን ኢና። በብሻውዐይቲ ዓመት ከዓ እታ ምድሪ ኽትዓርፍ ክንሓድጋ ኢና፤ ነቶም ሰብ ዕዳውን ክንሓድገሎም ኢና ኢሎም መሓሉ።

32“ንኣገልግሎት ቤተ መቅደስ ዝውዕል ሓሙሽተ ግራም ብሩር በብዓመት ክንከፍል ኢና።

33ንኣምልኾ ኣምላኽና ዝውዕል ሕብስቲ ቝርባንን፥ ናይ ኵልሻዕ መስዋእቲ ብልዕን፥ ነቲ ዅልሻዕ ዝቃፀል መስዋእትን፥ ነቲ ናይ ሰናብትን ናይ ሰርቀ ወርሕን፥ ናይ ምዱባት በዓላትን ናይ ቅዱስ ነገርን፥ ንስርየት ሓጢኣት እስራኤል ዝኸውን መስዋእትን፥ ንቤተ መቅደስ ዘድሊ ኻልእ ነገርን ክንህብ ኢና።

34“ንሕና ካህናትን ሌዋውያንን ህዝብን፥ ከም ቤት ኣቦታትና ብዝተወሰነ ጊዜ በብዓመቱ፥ ናብ ቤት ኣምላኽና ኣምፂእና፥ ከምቲ ኣብ ሕጊ ተፅሒፉ ዘሎ፥ ኣብ መሰውኢ እግዚኣብሄር ኣምላኽና ሓዊ ምእንቲ ኽነድድ፥ ዕንፀይቲ ዘምፅእ መን ምዃኑ ምእንቲ ኽፍለጥ፥ ዕፃ ኣውደቕና።

35“በዅራት ፍረ ምድርናን በዅራት ፍረ ኣእዋምን በብዓመት ናብ ቤት እግዚኣብሄር ክነምፅእ ኢና።

36“ከምቲ ኣብ ሕጊ ተፅሒፉ ዘሎ ድማ፥ በዅሪ ደቅናን እንስሳናን በዅሪ ኸፍትናን ኣባጊዕናን ናብቶም ንቤት ኣምላኽና ዘገልግሉ ኻህናት፥ ናብ ቤት ኣምላኽና ኽነምፅእ ኢና።

37“ቀዳማይ ብሑቝናን፥ ናይ መስዋእቲ እኽልናን፥ ፍረ ዅሉ ዓይነት ኣእዋምን፥ ናይ ወይንን ናይ ዘይትን፥ ንኻህናት ኣስራት እናውፃእና ኽንህብ ኢና። ኣብ ኵሉ ሕርሻ እተን ከተማታትና ዓስራት ዝወስዱ ሌዋውያን እዮም እሞ፥ ናይ ምድርና ዓስራት ኽነምፅአሎም ምሒልና ኢና።

38ሌዋውያን ዓስራት ክወስዱ እንተለዉ ድማ፥ ሓደ ኻህን ወዲ ኣሮን፥ ምስቶም ሌዋውያን ይሃሉ። እቶም ሌዋውያን ድማ ናይቲ ዓስራት ዓስራዩ የልዕሉ እሞ ናብ ቤት እግዚኣብሄር፥ ናብቲ ኽፍልታት ቤተ መዛግብቲ የእትዉ።

39እቶም ደቂ እስራኤልን ደቂ ሌዊን ከዓ ናይ እኽልን ናይ ወይንን ናይ ዘይትን ዝለዓል መስዋእቲ ናብቲ ቤት መዛግብቲ እዮም ዘምፅእዎ፤ ኣብኡ ኸዓ እቲ ኣቑሑ ቤተ መቕደስን እቶም ዘገልግሉ ኻህናትን ሓለውቲ ደገታትን ዘመርትን እዮም ዘለዉ። እምበኣር ቤት ኣምላኽና ኸቶ ኣይንሓድግን ኢና።”

← Chapter 9 Chapter 11 →